قازاقستان مەن رەسەي اراسىنداعى اۋە رەيستەرىنىڭ سانى ارتادى

قازاقستان مەن رەسەي اراسىنداعى رەيستەر مەن باعىتتار سانى ارتادى. ؛بۇل تۋرالى قازاقستان رەسپۋبليكاسى پرەمەر-مينيسترىنىڭ ءبىرىنشى ورىنباسارى رومان سكليار مەن رەسەي فەدەراسياسى ۇكىمەتى ءتوراعاسىنىڭ ورىنباسارى ۆيتاليي ساۆەلەۆتىڭ كەزدەسۋى كەزىندە بەلگىلى بولدى.

كەزدەسۋ بارىسىندا قازاقستان مەن رەسەيدىڭ ءىرى قالالارى اراسىنداعى ىسكەرلىك جانە تۋريستىك ترافيكتىڭ ءوسىپ كەلە جاتقانىن ەسكەرە وتىرىپ, اۋە رەيستەرىنىڭ سانىن ۇلعايتۋ پەرسپەكتيۆالارى تالقىلاندى.

سونىمەن قاتار, تاراپتار تەمىرجول جانە اۆتوموبيل كولىگى, ازاماتتىق اۆياسيا, ونىڭ ىشىندە جولاۋشىلار جانە جۇك تاسىمالى, جول-كولىك ينفراقۇرىلىمىن جاڭعىرتۋ, سونداي-اق حالىقارالىق كولىك دالىزدەرىن دامىتۋ سالالارىنداعى ءوزارا ءىس-قيمىلدىڭ جوعارى دەڭگەيىن راستادى.

كەزدەسۋ قورىتىندىسى بويىنشا تاراپتار قازاقستان-رەسەي شەكاراسىنداعى اۆتوموبيل وتكىزۋ پۋنكتتەرىنىڭ جۇمىسىن بىرلەسىپ تەكسەرۋگە كەلىستى. ؛

 ؛

 ؛

 ؛