قازاقستان بيلىگى ساياسي قۋعىن-سۇرگىن قۇرباندارىنىڭ تۋىستارىنا قالاي قولداۋ كورسەتىپ كەلەدى؟

31 مامىردا ەلىمىزدە ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى اتاپ وتىلەدى. ەڭبەك جانە حالىقتى الەۋمەتتىك قورعاۋ مينيسترلىگى ساياسي قۋعىن-سۇرگىن قۇرباندارى ءۇشىن قانداي قولداۋ شارالارى قاراستىرىلعانىن ايتتى.

2003 جىلدان باستاپ ولارعا ءبىرجولعى اقشالاي وتەماقى جانە ارناۋلى مەملەكەتتىك جاردەماقى رەتىندە 19,8 ملرد تەڭگە تولەندى. 2024 جىلى بۇل ماقساتتارعا 2,7 ملرد تەڭگەدەن استام قارجى قاراستىرىلعان.

1921 جىلدان 1954 جىلعا دەيىن 100 مىڭ "حالىق جاۋى" سوتتالدى, ولاردىڭ 25 مىڭى اتىلدى. قازاقستان لاگەرلەرىنە 5 ميلليوننان استام ادام جەر اۋدارىلدى. ەلگە جۇزدەگەن مىڭ كورەيلەر, تۇرىكتەر, يراندىقتار, كۇردتەر, ءازىربايجاندار, نەمىستەر, گرەكتەر, شەشەندەر, ينگۋشتار, قاراشايلار, بالقارلار, قىرىم تاتارلارى جانە باسقا حالىقتاردىڭ وكىلدەرى جەر اۋدارىلدى.

2003 جىلدان باستاپ قازاقستانداعى ساياسي قۋعىن-سۇرگىن قۇرباندارى مەن زارداپ شەككەندەرگە ءبىرجولعى اقشالاي وتەماقى تولەنەدى. 20 جىل ىشىندە ولاردىڭ سوماسى 2,9 ملرد تەڭگەنى قۇرادى. وتەماقى مولشەرى 2 769 تەڭگەدەن (3/4 اەك) 369 200 تەڭگەگە (100 اەك) دەيىن قۇرايدى. 2024 جىلى بۇل تولەمدەرگە 1,2 ملرد تەڭگە قاراستىرىلعان.

سونداي &ndash؛ اق, مۇگەدەكتىگى بار نەمەسە زەينەتكەرلىك جاسقا تولعان ساياسي قۋعىن-سۇرگىن قۇرباندارى مەن زارداپ شەككەندەرگە الەۋمەتتىك تولەمدەردىڭ وزگە تۇرلەرىنە قاراماستان 1,23 اەك (2024 جىلى-4542 تەڭگە) مولشەرىندە ارناۋلى مەملەكەتتىك جاردەماقى بەرىلەدى. 2005 جىلدان 2023 جىلعا دەيىن بۇل جاردەماقى 16,9 ملرد تەڭگەگە تولەندى. 2024 جىلى بۇل ماقساتقا 1,5 ملرد تەڭگە جوسپارلانعان. مامىر ايىنىڭ باسىندا بۇل جاردەماقىنى الۋشىلار سانى 26 833 ادامدى قۇرادى.

مۇگەدەكتىگى بار نەمەسە زەينەتكەر بولىپ تابىلاتىن وڭالتىلعاندار مەن ساياسي دەپرەسسيادان زارداپ شەككەندەر مىنالارعا قۇقىلى:

• قاماۋدا ۇستاۋ, باس بوستاندىعىنان ايىرۋ ورىندارىندا جازاسىن وتەۋ, جەر اۋدارۋ, ارنايى قونىستا جانە پسيحياتريالىق مەكەمەلەردە باس بوستاندىعىن شەكتەي وتىرىپ ءماجبۇرلى ەڭبەككە تارتۋ ۋاقىتىن زەينەتاقى الۋ ءۇشىن &ndash؛ ءۇش ەسە مولشەردە وتىلگە ەسەپكە جاتقىزۋ؛
• ولار ءۇشىن قولايلى ۋاقىتتا كەزەكتى ەڭبەك دەمالىسىن, سونداي-اق جالاقىسى جىلىنا ەكى اپتاعا دەيىنگى مەرزىمدە ساقتالمايتىن قوسىمشا دەمالىسقا الۋ؛
• تەلەفونداردى ءبىرىنشى كەزەكتە ورناتۋ؛
• قارتتار مەن مۇگەدەكتەرگە ارنالعان ينتەرنات-ۇيلەرگە ءبىرىنشى كەزەكتە ورنالاستىرۋ. ولاردا تولىق مەملەكەتتىك قامتاماسىز ەتۋدە تۇرۋ؛
• پروتەزدىك-ورتوپەديالىق بۇيىمدارمەن جەڭىلدىكپەن قامتاماسىز ەتۋ؛
• وڭالتۋعا قاتىستى ماسەلەلەر بويىنشا ادۆوكاتتارعا تەگىن كەڭەس بەرۋ.

"جەرگىلىكتى اتقارۋشى ورگاندار جەرگىلىكتى بيۋدجەتتەر ەسەبىنەن ماتەريالدىق جانە باسقا دا كومەك تۇرلەرىن كورسەتۋ جونىندە قوسىمشا شارالار بەلگىلەۋگە قۇقىلى. ماسەلەن, جىل سايىن ساياسي قۋعىن &ndash؛ سۇرگىن جانە اشارشىلىق قۇرباندارىن ەسكە الۋ كۇنىنە وراي اكىمدىكتەر ساياسي قۋعىن-سۇرگىن قۇرباندارى مەن زارداپ شەككەندەرگە ءبىرجولعى ماتەريالدىق كومەك كورسەتەدى", - دەپ اتاپ ءوتتى ۆەدومستۆودان.

2024 جىلدىڭ مامىر ايىنىڭ سوڭىنا قاراي جەرگىلىكتى بيۋدجەتتەر ەسەبىنەن 9668 ازاماتقا ءبىرجولعى كومەك كورسەتىلەدى. جالپى سوماسى 223,8 ملن تەڭگەنى قۇرايدى.