04 ماۋسىم, 2024 news
قازاقستاندا ورتاشا جالاقىسى 607 مىڭ تەڭگە بولاتىن ءوڭىردىڭ اتى اتالدى
قر ۇلتتىق ستاتيستيكا بيۋروسى 2024 جىلعى 3 ماۋسىمدا 2023 جىلعى ەلىمىزدەگى ەڭبەك بويىنشا نەگىزگى كورسەتكىشتەردى اتادى. سونداي-اق ساراپشىلار ەسەبىندە ەلىمىزدىڭ ءار وڭىرىندەگى جالاقىلارعا قاتىستى مالىمەتتەر دە بار.
كورنەكى سۋرەت
ۇلتتىق بيۋرو سايتىنىڭ مالىمدەۋىنشە, 2023 جىلدىڭ قورىتىندىسى بويىنشا ەلىمىزدەگى ورتاشا جالاقى كولەمى 364 295 تەڭگەنى قۇرادى, بۇل 2022 جىلمەن سالىستىرعاندا 17,6 پايىزعا ارتىق.
ناقتى ماندە ەلىمىزدەگى ورتاشا جالاقى كولەمى 2,7 پايىزعا وسكەن.
2024 جىلعى 1 قاڭتاردان باستاپ ەڭ تومەنگى جالاقى 85 000 تەڭگە مولشەرىندە بەلگىلەندى. قازاقستان رەسپۋبليكاسىندا 2023 جىلعى مەدياندىق جالاقى 251 356 تەڭگەنى قۇرادى. ؛
2023 جىلى وڭىرلىك بولىنىستە ەڭ جوعارى ورتاشا ايلىق اتاۋلى جالاقى اتىراۋ وبلىسىندا بەلگىلەندى, ول 607 635 تەڭگەنى قۇرايدى.
ودان كەيىن ماڭعىستاۋ وبلىسى تۇر &ndash؛ 535 156 تەڭگە, ۇلىتاۋ وبلىسى &ndash؛ 483 812 تەڭگە.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر