وبلىستىق اسسامبلەيا كەڭەسىنىڭ وتىرىسى ءوتتى

بۇگىن ايماق باسشىسى, وبلىستىق قحا ءتوراعاسى ەربول قاراشوكەەۆتىڭ ءتوراعالىق ەتۋىمەن جامبىل وبلىستىق قازاقستان حالقى اسسامبلەياسى كەڭەسىنىڭ وتىرىسى ءوتتى.

كەڭەس جۇمىسىنا قحا ءتوراعاسىنىڭ ورىنباسارى لۋگمار بۋلاروۆ, وبلىستىق قازاقستان حالقى اسسامبلەياسىنىڭ قۇرىلىم مۇشەلەرى جانە ەتنومادەني بىرلەستىكتەردىڭ جەتەكشىلەرى قاتىستى.

جيىننىڭ كۇن تارتىبىندە قازاقستان حالقى اسسامبلەياسىنىڭ ءحححىىى سەسسياسى تالقىلانىپ, «؛قوعامدىق كەلىسىم»؛ مەكەمەسىنىڭ اتقارعان جۇمىستارى باياندالدى.

باسقوسۋدىڭ العى بايانداماسىن قحا ءتوراعاسىنىڭ ورىنباسارى لۋگمار حاركيەۆيچ جاسادى. ول ءوز سوزىندە تاتۋلىق پەن كەلىسىمدى, جالپىقازاقستاندىق بىرەگەيلىكتى ساقتاۋ جانە ەتنوسارالىق قاتىناستاردى نىعايتۋ جولىنداعى اسسامبلەيا جۇمىستارىنا ءتيىمدى دە تىڭ باعىت-باعدار بەردى.

القالى جيىندا وڭىردەگى ەتنوسارالىق تاتۋلىق پەن قوعامدىق كەلىسىمدى ساقتاۋ, وبلىستىق اسسامبلەيانىڭ قىزمەتىن جانداندىرۋ جانە ونىڭ قوعامدىق-ساياسي ءرولى مەن ماڭىزىن ارتتىرۋ باعىتىندا اتقارىلىپ جاتقان جۇمىستار تۋرالى وبلىستىق «؛قوعامدىق كەلىسىم»؛ مەكەمەسىنىڭ باسشىسى مۋباراك جيناقباەۆا بايانداما جاساپ, مەكەمەنىڭ الداعى جوسپارلارىمەن ءبولىستى.

مۋباراك قاسىمقىزى ەتنوسارالىق قاتىناستاردى دامىتۋدا رەسپۋبليكالىق جانە وبلىستىق جوبالاردى جۇزەگە اسىرىپ وتىرعان وڭىرلىك قحا قۇرىلىمدارى &ndash؛ «؛اسسامبلەيا جاستارى»؛ رقب, اقساقالدار مەن انالار كەڭەستەرى, مەدياسيا كابينەتى, عىلىمي-ساراپتامالىق توبىنىڭ كوپ قىرلى قىزمەتى تۋرالى مالىمدەدى.

وز كەزەگىندە ءسوز العان «؛دنەپرو»؛ ۋكراين ەتنومادەني ورتالىعى»؛ قوعامدىق بىرلەستىگىنىڭ مۇشەسى تاراس لەونەنكو جاستاردى مەملەكەتتىك ءتىلدى يگەرۋگە شاقىردى: &ndash؛ قوعامنىڭ بىرلىگى ءۇشىن اسا قاجەت الەۋمەتتىك ماسەلە &ndash؛ مەملەكەتتىك ءتىلدى يگەرۋ. اسسامبلەيا &mdash؛ تۋرا وسى مەحانيزمدى حالىققا تاراتاتىن, ءاربىر وكىلگە جەتكىزەتىن, وزگە ۇلتتارعا ۇعىندىرا بىلەتىن ۇيىم. پرەزيدەنتىمىز قاسىم-جومارت توقاەۆ قازاق ءتىلى &ndash؛ ازاماتتىق ينتەگراسيانىڭ ءتيىمدى قۇرالى, مادەني-رۋحاني تۇتاستىقتىڭ جارقىن كورىنىسى ەكەنىن ايتتى. سونداي-اق, قازاق ءتىلى عىلىمي پروگرەسس پەن ءبىلىمنىڭ وزىق جەتىستىكتەرىنە جول اشاتىن قۇرالعا اينالۋى كەرەگىن اتاپ وتكەن بولاتىن, &ndash؛ دەدى ت.لەونەنكو.

كۇن تارتىبىندە كوتەرىلگەن ماسەلەلەر بويىنشا جامبىل وبلىستىق «؛وزبەك ۇلتتىق مادەني ورتالىعى»؛ قوعامدىق بىرلەستىگىنىڭ ءتوراعاسى باحروم مۋمينوۆ, «؛ورداباسى»؛ كوماندالىق ويىنىنىڭ قازاقستاندىق فەدەراسياسى»؛ رقب پرەزيدەنتى رۋسلان يسمازوۆ تا تاقىرىپتىق باياندامالارىن جاسادى.

كەڭەس وتىرىسىن قورىتىندىلاعان ايماق باسشىسى ەربول شىراقپايۇلى مەملەكەت باسشىسى قاسىم-جومارت كەمەلۇلىنىڭ قازاقستان حالقى اسسامبلەياسىنىڭ ءحححىىى سەسسياسىندا بەرگەن تاپسىرمالارى جامبىل وبلىسىندا ساپالى ورىندالۋى قاجەتتىگىنە توقتالدى.

سونىمەن قاتار, وڭىردە ەتنوسارالىق كەلىسىم مەن تۇراقتىلىقتى ساقتاۋ, مەملەكەتتىك ءتىلدى ناسيحاتتاۋ جانە جاستاردى قوعامدىق-مادەني ومىرگە تارتۋ بويىنشا جۇرگىزىلەتىن جۇمىستار جۇيەلى جانە ساپالى بولۋ كەرەكتىگىن دە اتاپ ءوتتى.