• usd 468.56

  • eur 497.56

  • rub 7.3

  • cny 67.18

22 ءساۋىر, 20:14:37
الماتى
+35°

وتاندىق كاسىپكەرلەردىڭ ءبىرى ءوز سۇقباتىندا: "قىتايدان ەلىمىزگە تولاسسىز اعىلىپ كەلىپ جاتقان ارزان تاۋارلارعا شەكتەۋ قويۋ قاجەت" دەپتى. كاسىپكەردىڭ وسى پىكىرى جەلىدە قىزۋ تالقىلانىپ, كەيبىر ادامداردىڭ كادىمگىدەي نارازىلىعىن تۋعىزعان. قامشى ءتىلشىسى حالىقارالىق ەكونوميكا ساراپشىسى العاتبەك بالعابەكۇلىن وسى ماسەلە تالقىسىنا تارتىپ كوردى. ؛

ساراپشى كاسىپكەردىڭ ءسوزى دۇرىس ەكەنىن, وعان قوسىلاتىنىن ايتادى. الايدا ول ءبىزدىڭ كەدەن قىزمەتى وسىنداي ىسپەن شۇعىلاناتىن باستى فۋنكسياسىنا مۇلدە كوڭىل بولمەيتىنىنە نارازى. ؛

"كەدەن قىزمەتىنىڭ ماقساتى - جەرگىلىكتى تاۋار ءوندىرۋشىنى باعا بويىنشا باسەكەدەن قورعاۋ. ولار سىرتتان كەلگەن تاۋارعا, ارينە بارلىعىنا بىردەي ەمەس, تەك بىزدە وندىرىلەتىندەرىنە كەدەندىك سالىق سالىپ, باعانى بىرىزدەندىرىپ وتىرۋى كەرەك. ءبىراق, نەگە ەكەنىن, بىزدەگىلەر وسى فۋنكسياسىن اتقارمايدى. بىلاي قاراساڭىز, كەدەندە, ادەتتە اسكەري قىزمەتتەگى ادامدار وتىرادى. ولار ەكونوميكانى, ەكونوميكالىق زاڭدىلىقتى قايدان ءبىلسىن؟ سودان كەيىن ءوزى بىلەتىن شارۋالارى &ndash؛ شەكاراداعى زاڭسىزدىقتاردى انىقتاۋمەن عانا شۇعىلدانادى", دەيدى ول.

ەكونوميكا ساراپشىسى بىلدەي سالانىڭ مۇنشا توقىراۋىنا ەلدەگى سىبايلاس جەمقورلىق تۇرتكى بولۋى مۇمكىن دەپ سانايدى.

"30 جىل تەرىس تاربيەلەندى. سالدارىنان بۇگىندەرى مەملەكەتتىك قىزمەتكەر مەملەكەت مۇددەسىنە جۇمىس ىستەمەيتىن بولعان. مىسالى, ديقانشىلار قانشا ەڭبەكپەن بيداي وسىرەدى, قامباسىن تولتىرىپ ەندى پايداعا كەڭەلەمىز بە دەپ وتىرعاندا, ءبىزدىڭ جوعارىداعىلار, ماسەلەن سولتۇستىك كورشىمەن اراداعى شەكارانى اشا سالادى. رەسەيدىڭ ارزان استىعى "گۇمپ" ەتە تۇسەدى دە ءبىزدىڭ وتاندىق تاۋار وندىرۋشىلەردى بانكروت قىلادى. وزبەكستاننان كەلگەن ارزان تاۋارلار كەسىرىنەن قانشاما باقشا وسىرۋشىلەر بانكروت بولىپ جاتادى. ال ەكونوميكا بۇلاي جۇمىس ىستەمەيدى. ەكونوميكا جۇمىس ىستەۋ ءۇشىن وتاندىق تاۋار وندىرۋشىلەردى مەملەكەت قورعاۋى كەرەك. ءبىراق ءبىزدىڭ شەنەۋنىكتەر وعان باس قاتىرمايدى, ياعني مەملەكەتتىك نەمەسە وتاندىق تاۋار ءوندىرۋشى ەمەس, قاتارداعى تۇتىنۋشى تۇرعىسىنان ويلاپ, پايىم جاساعاندى ءجون كورەدى", دەيدى ول.

مامان وزىمىزدە وندىرىلمەيتىن تاۋارلار كەدەندىك سالىقتان بوساتىلعانى دۇرىس دەپ ەسەپتەيدى.

"مىسالى, بىزگە بەلارۋستىڭ ۇسىگەن سيىر ەتى كەلەدى. ونىڭ نە كەرەگى بار؟ سالسىن كەدەندىك سالىقتى وعان دا. ونىڭ ورنىنا ساۋدا سورەلەرىندە بىزدەگى شارۋا قوجالىقتارىنىڭ ەتى تۇرسىن. ال بانانعا سالىق سالىپ قاجەتى قانشا؟ ول قازاقستاندا وسپەيدى. سول سەكىلدى...", دەيدى مامان.  ؛

قىدىربەك بالعابەكۇلى كەدەن قىزمەتكەرى الدىنداعى كومپيۋتەردە, نەگىزى مالىمەتتەر بازاسى بولۋى كەرەكتىگىن ەسكە سالادى.

"شەكارادان ءوتىپ بارا جاتقان تاۋاردىڭ قۇنى بىزدە قانشا ەكەنىن كەدەن قىزمەتكەرى ءبىلۋى ءتيىس. سوندىقتان ونىڭ قولىندا سونداي بازا بولۋى كەرەك. جالپى, قازاقستاندا وندىرىلەتىن تاۋارلار ءتىزىمى بولۋى ءتيىس. بىزدەگىلەردە ونداي دا جوق-اۋ دەيمىن وسى", دەيدى مامان اشىنا.

كامشات تىلەۋحانقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر