قازاقستاندا ەلتاڭبانى تانىمايتىن 70 پايىز ادام قايدان شىقتى؟

ولاردىڭ سوزىنە سەنسەك, ءبىز بىلەتىن ەلتاڭبا قۇندىلىقتارىمىز جايلى سىر شەرتپەيتىن ءارى بولاشاققا جول سىلتەمەيتىن ءرامىز كورىنەدى. ونىڭ ۇستىنە 500 ادام اراسىندا ساۋالناما جۇرگىزدىك دەگەن ولار "وتانداستارىمىزدىڭ 70%-ى ەلتاڭبانى تاني المادى" دەگەن قورىتىندىعا كەلگەندەرىن ءايتادى.

بىز بۇعان ايران-اسىرمىز! اسىرەسە, 70 پايىز دەگەن سيفرعا. مۇمكىن بۇلار ساۋالنامانى شەتەلدىكتەر (كورشى ەلدەن جوڭكي-جوسىلىپ جەتكەندەر كوپ قوي) اراسىندا جۇرگىزگەن شىعار دەيىك دەسەك, ءباسپاسوز حابارلاماسىندا وتانداستارىمىز, ناقتىراعىندا "قازاقستاندىقتار اراسىندا جۇرگىزىلگەن" دەپ تايبا تاڭبا باسقانداي كورسەتىلىپ تۇر. سوندا قازاقستاندا ەلتاڭبانى تانىمايتىن مۇنشا ادام قايدان شىقتى؟..

كىتاپ بەتىن اشپاعان (وقۋلىقتاردىڭ العاشقى بەتىندە مەملەكەتتىك رامىزدەردىڭ سۋرەتتەرى بەرىلەدى), مەكتەپكە بارماعان ء(بىلىم ورداسى تورىندە دە ەلتاڭبا, ءانۇران, تۋ تۇرادى) دەگەننىڭ وزىندە تيىن-تەبەندى ۇستاپ كورگەن جاندار شىعار, ەڭ قۇرىعاندا, ءبىر بەتىندە ەل ءرامىزى تاڭبالانعان. سوندىقتان وسى اراسى ەندى تۇك قيسىنعا كەلمەيدى. سيفردى ايتامىز!

جالپى, بۇل ۇسىنىس قوعامدا بەلگىلى ءبىر دەڭگەيدە نارازىلىق تۋدىرۋدا. ؛

كەزىندە موڭعوليا استاناسى ۇلان-باتوردان كوشىپ كەلگەن, مەملەكەتتىك دەڭگەيدە لاۋازىمدى قىزمەتتەر اتقارعان اسىلبەك باياجۇما قازاقستاننىڭ ەلتاڭباسى الەمدەگى ەڭ اسەم 9 ەلتاڭبانىڭ ءبىرى ەكەنىن, وزدەرىن اتاجۇرتقا شاقىرعان وسى كوك تۋ مەن ايبارلى ەلتاڭبا ەكەنىن باسا ايتادى.

"ەلتاڭبانى ساۋالناما جۇرگىزگەندە 70% تانىمادى دەگەن وتىرىك ءسوزدى قايدان شىعاردى؟ ؛ەڭبەكتەگەن بالادان, ەڭكەيگەن قارتقا دەيىن تۋىمىز بەن ەلتاڭبامىزدى تانيدى. الەم تانيدى. مويىنداعان. قىزىعادى. تەك سول كوك تۋ مەن ەلتاڭبانى وزگەرتىپ ەمەس, دۇنيە قازاقتارىن بىرىكتىرەتىن كۇشكە اينالدىرۋ ءۇشىن جۇمىس جاساۋ كەرەك. ءتۇرلى قىسىم جاساماي ءاربىر ازامات تۋ مەن ەلتاڭبا بەينەلەنگەن توسبەلگىنى ەركىن تاعىپ ءجۇرسىن. ستو, اسحانانىڭ ءار ۇستەلىندە تۇرسىن. بارلىق جەرگە ءىلىنسىن. ايىپپۇل, اناۋ-مىناۋ دەپ قىسا بەرمەي.  ؛جاڭا قازاقستان تۋ مەن ەلتاڭبانى وزگەرتكەننەن جاڭارىپ كەتپەيدى", دەپتى ول كىسى اشىنا. ؛

ونىڭ ورنىنا ول ەلىمىزدە ساياسي, ەكونوميكالىق رەفورمالار جۇرگىزىلسە, 32 جىل بويى ەڭسەسىن تىكتەي الماعان انا ءتىلدىڭ جايىن جوندەپ السا, حالىقتىڭ الەۋەتىن كوتەرسە دەگەن تىلەكتە. ؛

"شەتەلگە ملردتاپ كەتكەن قاراجاتىڭ مەن ساتىلىپ كەتكەن جەتىمدەرىڭدى, وتانىنا ورالعىسى كەلەتىن قانداستارىڭدى جينا! جىلى كابينەتتە وتىرىپ الىپ, باق ارقىلى, جەكە ادامداردى سالىپ قوعامدىق پىكىر تۋعىزعاندى قويىڭدار. بىزگە ەلدىڭ بىرلىگى مەن تىرلىگى كەرەك. ؛قالعانى بوس ءسوز. مەن قارسىمىن!", دەيدى اسىلبەك باياجۇما جەلىدەگى جازباسىندا. ؛

دەگەنمەن ارامىزدا بۇل يدەياعا ءۇن قوسقاندار دا تابىلىپ جاتىر. ولاردىڭ باسىم بولىگىنىڭ جانىنا ەلتاڭبا شەكەسىندەگى جۇلدىز باتاتىن بولىپ شىقتى. ول جۇلدىز كەڭەس وداعىن ەسكە تۇسىرەتىن كورىنەدى...

نەگىزى, ساياساتتا اشۋعا بۋلىققان الەۋەتتىڭ "بۋىن شىعارىپ الۋ" دەگەن ءتاسىل بار. ياعني, ادامنىڭ ىشىندەگى اشۋ-ىزاسىن كولگىرسي سالعان بىرەۋگە توكتىرىپ, وزدەرى (ساياسي جۇيە) جالتارىپ كەتۋ ءۇشىن. بۇل وسىنداي امال دا بولۋى بەك مۇمكىن دەپ توپشىلاپ جاتقاندار دا جوق ەمەس. ؛