قارالى حاباردى مادەنيەت سالاسىنىڭ ادامدارى الەۋمەتتىك جەلىدە ءبولىسىپ, مارقۇمنىڭ تۋعان-تۋىستارىنا كوڭىل ايتۋدا. ؛
"...ەشقاشان ەڭبەگىن بۇلداۋدى بىلمەيتىن, ءوزىن ۇلى ونەردىڭ قۇلاقكەستى قۇلىنداي ساناعان قاراپايىم قالپىندا, ەشكىمگە سالماق سالماي, بويىنا پەندەشىلىك جۋىتپاعان كۇيى, جۇزىنەن ويناقى كۇلكى ارىلماعان جارقىن بەينەسىندە جادىمىزدا قالدى. كۇن سەكىلدى كۇلىمدەپ, اينالاسىن شۋاققا بولەپ جۇرەتىن ابزال اعا ەدى.
«؛ويناقى»؛ دەگەن ءسوزدى بەكەر قولدانىپ وتىرعان جوقپىن. راسىندا دا, سەرىك اعانىڭ كوزىندە دە, جۇزىندە دە قاشاندا كوتەرىڭكى كوڭىلىنىڭ, تازا جانىنىڭ نۇرىنداي بولىپ, قۋاقىلىق, ويناقىلىق, ادامدى لەزدە جادىراتىپ جىبەرەتىن جاقسى قاسيەت بار ەدى. ءتىپتى ونداي ءراۋىش ول كىسىنىڭ داۋسىنان دا سەزىلىپ تۇراتىن.
&ndash؛ اسسالاۋماعالەيكۇم! &ndash؛ دەپ امانداستىم بىردە ۇيالى تەلەفونىنا قوڭىراۋ شالىپ.
&ndash؛ ۋاعالەيكۇماسسالام-ەي! &ndash؛ دەدى سەرىك اعام سەرگەك ۇنمەن داۋسى ساڭق ەتىپ. ۇنەمى وسىلاي جاۋاپ بەرەتىن. كەي ۇلكەندەر ءتارىزدى ءۇنىن ىڭىرانا سوزىپ, كىم ەكەنىڭدى سۇراپ, اسىقپاي جاۋاپ بەرۋ ول كىسىنىڭ تابيعاتىنا جات ەدى.
&ndash؛ تۋعان كۇنىڭىز قۇتتى بولسىن! &ndash؛ دەدىم.
&ndash؛ ءاي, سەن مەنىڭ تۋعان كۇنىمدى قايدان بىلەسىڭ-ەي؟ &ndash؛ دەدى سەكەڭ وزىنە ءتان ويناقى ۇنمەن.
&ndash؛ بىلۋگە ءتيىسپىن, جۇمىسىم سونداي! &ndash؛ دەدىم مەن دە اعانىڭ كوتەرىڭكى كوڭىل كۇيىنە ساي سويلەۋگە تىرىسىپ.
&ndash؛ ە, ءجون ەكەن. قارتايعان ادامعا تۋعان كۇن دەگەن سونشالىقتى ماڭىزدى مەرەكە ەمەس قوي. ويتكەنى ءبىزدىڭ جاسىمىزدا ءتىرى جۇرگەن ءار كۇنىڭ &ndash؛ مەرەكە, اعارىپ اتقان ءار تاڭدى كورگەنىڭ &ndash؛ شۇكىرشىلىك... سوندا دا قۋانىپ قالدىم-ەي حابارلاسقانىڭا, راقمەت! &ndash؛ دەدى اعامىز.
بۇل &ndash؛ سوڭعى سويلەسۋىمىز ەكەن.
؛
2000 جىلى رەجيسسەر امانگەلدى تاجىباەۆتىڭ "اقىرعى امانات" ءفيلمى تۋرالى ماقالا جازىپ, ىشىندە سەرىك اعانىڭ تۋىندىلارىن دا قوسا اتاپ ايتىپ, تالداعانمىن. "كينوداعى وسى بۋىن لايىقتى باعاسىن الا الماي كەلەدى. وسىنداي تۇلعالاردى نەگە ءوز دارەجەسىندە ناسيحاتتاي الماي ءجۇرمىز, شىعارمالارىن زەردەلەپ, تارازىلاپ, ۇلت ونەرى قورىنداعى ورنىن انىقتاي الماي ءجۇرمىز؟" دەپ ابدەن "اشۋلانىپ" جازىپ, ارەڭ توقتاعام))
؛
سول ماقالانى وقىپ, سەرىك اعام رەداكسياعا قوڭىراۋ شالدى. مەنىمەن سويلەستى. "اسا تىندىرىپ تاستاعان ەشتەڭەمىز جوق شىعار, ءبىراق ەڭبەگىڭدى بىرەۋ ەلەپ جاتسا ەلەڭ ەتىپ, "اپىراي, ءبىز تۋرالى دا بىرەۋ بىردەڭە دەيدى ەكەن-اۋ" دەپ ريزا بولا قالادى ەكەنسىڭ" دەدى كۇلە سويلەپ. قاراپايىم كىسى ەدى عوي. سوسىن دەرەۋ ء"اي, سەنىڭ اۋدارماعا ەبىڭ قانداي؟" دەدى. "بار سياقتى" دەدىم. "وندا "حابارعا" كەل, مەن ءقازىر دۋبلياج جاعىنا رەجيسسەر بوپ ءجۇرمىن. فيلم, سەريال الىپ تۇراسىڭ" دەپ شاقىردى. سودان تالاي جىل سەكەڭمەن قويىن-قولتىق جۇمىس ىستەپ, بىرنەشە كوركەم فيلم, تەلەحيكايا اۋدارۋعا قاتىستىق.
قازاق كينورەجيسسۋراسىندا شاكەن ايمانوۆ, سۇلتان قوجىقوۆ, ابدوللا قارساقباەۆ, ءماجيت بەگالين سىندى الىپتار شوعىرى بولدى. تالاي كلاسسيكالىق دۇنيەلەر قالدىردى. وسى ۇلىلاردىڭ جولىن جالعاعان, جاندارىندا ءجۇرىپ ءتالىم العان, قازاقى تۋىندىلارىمەن ۇلت ونەرىنە ۇلەس قوسقان بۋىن دا بىرتە-بىرتە ماڭگىلىك مەكەندەرىنە كوشىپ جاتىر. ءشارىپ بەيسەمباەۆ, امانگەلدى تاجىباەۆ, ەندى مىنە &ndash؛ سەرىك جارمۇحامەدوۆ...
تۇسىرگەن كينوتۋىندىلارى قانداي ويلى دا سىرلى, ءوزى سونشالىق قاراپايىم ءھام شىنايى ادام ەدى. تازا ادام ەدى. ءبىزدىڭ قازىرگى قوعامدا مۇنداي تۇلعالاردى قادىرلەي ءبىلۋ جەتىسپەي جاتاتىنى دا قىنجىلتپاي قويمايدى. اللا الدىنان جارىلقاسىن دەيمىز", دەپ جازدى جەلىدە ادەبيەت سىنشى ساكەن سىبانباي.
پىكىر قالدىرۋ
پىكىر