الەكسەي ناۆالنىيدىڭ اناسى شىرىلداپ, ۆيدەو ۇندەۋ جولدادى

"مەن جاڭا عانا سالەحارد قالاسىنداعى تەرگەۋ كوميتەتى عيماراتىنان شىقتىم. ول ارادا تەرگەۋشىلەرمەن جانە كريميناليستەرمەن جالعىز جۇزدەسىپ, ءبىر تاۋلىككە جۋىق ۋاقىت بولدىم. ولار ادۆوكاتتى تەك بۇگىن تۇستەن كەيىن عانا كىرگىزدى. ال كەشە كەشكىسىن ولار مەنى قۇپيا تۇردە مۇردەحاناعا اپارىپ, ۇلىمدى كورسەتتى. تەرگەۋشىلەر مەديسينالىق جانە زاڭنامالىق قۇجاتتار ءازىر ەكەنىن, ونىڭ بارلىعى ءوز قولدارىندا ەكەنىن جەتكىزدى. مەن ولاردى كوردىم. مەديسينالىق كۋالىك قاعازعا قول دا قويدىم. زاڭ بويىنشا ولار ۇلىمنىڭ دەنەسىن ماعان بىردەن بەرۋى كەرەك. ءبىراق ولار ۋاقىتتى ءالى سوزبالاپ كەلەدى.

ونىڭ ورنىنا وزىمە قوقان-لوقى كورسەتىپ, ماعان نەشەمە ءتۇرلى تالاپ قويۋدا. اتاپ ايتقاندا, الەكسەيدى قالاي, قايدا جەرلەۋ كەرەكتىگى بويىنشا. ولاردىڭ بۇلاي بۇيىرۋعا ماعان قاقىسى جوق, بۇل زاڭسىزدىق, ارينە. تۋرا مەنىڭ كوز الدىمدا ولارعا بۇيرىق كەلىپ ءتۇسىپ جاتتى: بىرەسە كرەملدەن, بىرەسە ورتالىق تەرگەۋ كوميتەتىنىڭ ورتالىق اپپاراتىنان. ولار جەرلەۋ ءراسىمى قۇپيا ءارى قوشتاسۋ ءراسىمىنسىز وتكەنىن قالايدى. ءبىر سوزبەن ايتقاندا, ولار مەنى زيرات باسىنا ەرتىپ كەلىپ, "مىنا ارادا ءسىزدىڭ بالاڭىز جاتىر" دەگىسى كەلەدى.

ارينە, مەن مۇنىمەن كەلىسپەيمىن. مەن الەكسەيدى ءقادىر تۇتاتىن ادامداردىڭ ونىمەن قوشتاسۋىنا مۇمكىندىگى بولسا دەيمىن. بۇل ۆيدەو ۇندەۋدى جازۋىما مەنىڭ تاراپىما جاسالىپ جاتقان قوقان-لوقىنىڭ كۇشەيۋى سەبەپ. ولار جەرلەۋ ءراسىمىن قۇپيا وتكەرمەسەڭ, «؛بالاڭىزدىڭ دەنەسىنە بىردەڭە جاسايمىز»؛ دەگەندى دە ايتىپ جاتىر. مەن ءبىر كەرەمەت تالاپ قويىپ وتىرعانىم جوق. تەك ءبارى زاڭ جۇزىندە بولسىن دەيمىن. مەن بالامنىڭ دەنەسىن تەز ارادا بەرۋىن تالاپ ەتەمىن!", دەيدى قارالى انا ليۋدميلا ناۆالنىي x جەلىسىندە بولىسكەن ۆيدەودا.

ايتا كەتسەك, ؛ 2024 جىلى 16 اقپاندا رەسەيدە 19 جىلعا سوتتالىپ, جازاسىن وتەپ جاتقان وپپوزيسيالىق ساياساتكەر الەكسەي ناۆالنىيدىڭ تۇرمەدە كوز جۇمعانى بەلگىلى بولدى. نەمسوۆتان كەيىن پۋتين رەجيمىمەن كۇرەسۋشى تۇلعا ناۆالنىيدىڭ قۇپيا ءولىمى قوعامدا ۇلكەن نارازىلىق تۋعىزدى.

مۇنداي جاعداي قازاقستاندا مۇستافا وزتۇرىككە قاتىستى بولعانىن دا ايتا كەتەلىك. ؛«؛...جوعارىداعىلار ايتتى, بيلەت الىنىپ قويدى, تاڭەرتەڭ ۇشاقپەن تۇركياعا جىبەرەدى»؛ دەيدى اعام. «؛قالاي, وسىندا نەگە جەرلەنبەيدى»؛ دەدىم مەن, ارينە. اناسى سولاي دەپتى دەگەن سوڭ سول ارادا ءۇنىمىز ءوشتى. ءبىراق ەرتەڭىندە بىلەمىز عوي, سويتسە مۇستافانىڭ اناسى بالا-شاعاسىمەن قازاقستانعا شىعۋعا ۇشاققا بيلەت الىپ قويىپتى, الايدا بىزدەگىلەر ولاردىڭ بيلەتىن وتكىزدىرتىپ, دەنەنى وزدەرى الىپ باراتىنىن ايتقان ەكەن. ؛بۇل جەردە مۇستافانى جەرلەۋگە قورىققان, حالىق جينالىپ كەتەدى دەپ قاۋىپتەنگەن»؛, دەيدى تاياۋداعى سۇقباتىندا التى رەت ءماجىلىس دەپۋتاتى بولعان سەرىك ءابدىراحمانوۆ. بۇل تۋرالى qamshy.kz سايتىنداعى "مۇستافا وزتۇرىك" اتتى ماقالادان تولىعىراق تانىسىپ, بىلە الاسىزدار.