• usd 468.56

  • eur 497.56

  • rub 7.3

  • cny 67.18

22 ءساۋىر, 20:40:34
الماتى
+35°

21 اقپان, 2024 باتىس قازاقستان وبلىسى

بقو اكىمى تۇراتىن vip سارايدىڭ سۋرەتى تاراپ كەتتى

باق بەتتەرىندە بقو اكىمى ناريمان تورەعاليەۆتىڭ تۇرىپ جاتقان ورالداعى سالتاناتتى رەزيدەنسياسىنىڭ سۋرەتى تارادى. بۇل نىساندى كۇتىپ, باپتاپ ۇستاۋ جەرگىلىكتى بيۋدجەتكە 100 ملن تەڭگەگە تۇسەتىنىن بىلتىر ءوڭىر باسشىسى جىلدىق ەسەپ بەرۋ كەزىندە ايتىپ تا قالعان ەكەن.

uralskweek.kz

جالپى, ورالداعى بۇل رەزيدەنسيا 20 جىل بۇرىن تۇرعىزىلىپتى. كەشەن باتىس قازاقستان وبلىسىنا جۇمىس ساپارىمەن كەلەتىن جوعارى لاۋازىمدى تۇلعالاردىڭ تۇرۋىنا ارنالعان. شەندى-شەكپەندىلەردىڭ ىسكەرلىك نەمەسە جۇمىس ساپارلارى قىسقا مەرزىمگە بەلگىلەنەتىن بولعاندىقتان, باستاپقىدا بۇل كەشەننىڭ بوس تۇرعان كەزى كوپ بولىپتى. بۇل نىساندى كۇتىپ, باپتاپ ۇستاۋ جەرگىلىكتى بيۋدجەتكە 100 ملن تەڭگەگە تۇسەدى ەكەن. اندا-ساندا قولدانىلاتىندىعىنا قاراماستان ءوڭىر باسشىلىعى بۇل نىساننان باس تارتا المايتىن كورىنەدى.

اكىمدىكتىڭ اتالعان ماسەلەگە قاتىستى تاراتقان اقپاراتىندا ناريمان تورەعاليەۆتىڭ بۇگىندەرى سول رەزيدەنسيادا تۇرىپ جاتقانى راستالادى. مۇنىڭ سەبەبىن اكىمنىڭ باسقا باسپاناسىنىڭ بولماۋىمەن تۇسىندىرەدى. سونداي-اق اكىم كوممۋنالدىق قىزمەتتەر اقىسىن ءوز قالتاسىنان تولەپ وتىرعانى دا ايتىلادى.

«؛قاراستىرىلىپ وتىرعان ورالداعى «؛سامال»؛ ىقشام اۋدانىندا ورنالاسقان ءارى كۇزەتىلەتىن وتە ماڭىزدى نىسان. ونىڭ زاڭنامامەن قاراستىرىلعان وزىندىك ءتارتىبى بار. ول وڭىرگە كەلگەن مەملەكەتتىك تۇلعالارعا ارنالعان. وبلىس اۋماعىندا جوعارى دەڭگەيدەگى ءتۇرلى ءىس-شارالار, سونىڭ ىشىندە حالىقارالىق ىنتىماقتاستىق فورۋمدارى, مادەنيەت جانە ونەر فەستيۆالدەرى, شەتەلدىك ينۆەستورلارمەن كەزدەسۋلەر ءوتىپ جاتادى»؛, دەلىنگەن ءباسپاسوز حابارلاماسىندا.

الايدا, وبلىستا حالىقارالىق ستاندارتتار مەن ەتيكەتكە سايكەس كەلەتىن وزگە ينفراقۇرىلىم جوق.

"سوندىقتان بۇل نىسان قازاقستان رەسپۋبليكاسى زاڭناماسىنىڭ نورمالارىندا كوزدەلگەن تالاپتاردى ىسكە اسىرۋ ماقساتىندا دەلەگاسيالاردى ورنالاستىرۋ جانە ءتيىستى كۇزەتتى قامتاماسىز ەتۋ ماقساتى بويىنشا پايدالانىلادى", دەلىنگەن جاۋاپتا.

اكىمدىكتىڭ ءباسپاسوز قىزمەتى "قر مەملەكەتتىك قىزمەت تۋرالى" زاڭى بويىنشا باسقا ەلدىمەكەنگە روتاسيالاۋ كەزىندە مەملەكەتتىك قىزمەتكەرلەردى "تۇرعىن ءۇي قاتىناستارى تۋرالى" زاڭعا سايكەس قىزمەتتىك باسپانامەن قامتاماسىز ەتۋ شارتى بارىن ەسكە سالادى.

«؛ناريمان تورەعاليەۆ بقو اكىمى بولىپ تاعايىندالعانعا دەيىن استانادا تۇرىپ كەلگەن. سوندىقتان ول ءوز قىزمەتىن جۇزەگە اسىرۋ كەزەڭىندە كۇزەتىلەتىن ادامدارعا ارنالعان اۋماققا ورنالاستىرىلدى»؛, دەلىنگەن حابارلامادا.

سونداي-اق نىساننىڭ كۇتىمىنە جۇمسالاتىن جىل سايىنعى شىعىستار (كوممۋنالدىق قىزمەتتەر, اباتتاندىرۋ, جوندەۋ جانە كۇتىپ ۇستاۋ, جالاقى, سالىقتار جانە مىندەتتى تولەمدەر) بويىنشا مىنانداي مالىمەت بەرىلدى: 2023 جىلى - 89,7 ملن تەڭگە, 2024 جىلعا ارنالعان جوسپاردا 85,2 ملن تەڭگەنى قۇرايدى. ء ؛

سوز ورايى كەلگەندە, ءبىر  ؛جىل بۇرىن مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قازاقستاننىڭ بەس قالاسىنداعى (اقتوبە, اقتاۋ, اتىراۋ, قوستاناي جانە تاراز) پرەزيدەنت رەزيدەنسيالارى بالالارعا بەرىلەتىنى بەلگىلى بولعانىن ايتا كەتەلىك. وسىعان بايلانىستى اكىمدىكتەر نىسانداردى تاپسىرار الدىندا ولاردىڭ مارتەبەسىن قايتا راسىمدەپ, بالانسقا قويۋ كەرەك بولاتىن. سول تاپسىرما بويىنشا, ءقازىر اقتوبەدەگى رەزيدەنسياعا 25 بالا جىبەرىلگەنى بەلگىلى. باسقالارىنا قاتىستى ەشقانداي مالىمەت جوق. ؛

ايتا كەتسەك, ناريمان تورەعاليەۆ 2022 جىلدىڭ جەلتوقسان ايىنان باستاپ باتىس قازاقستان وبلىسىنىڭ اكىمى قىزمەتىن اتقارىپ كەلەدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر