20 اقپان, 2024 بارلىق ايماقتار
ۇلتتىق كيىم سانگە اينالىپ كەلەدى
ءقازىر ۇلتتىق كيىمگە دەگەن سۇرانىس جوعارى. ىشتە دە, سىرتتا دا. سوندىقتان ونى "؛الامىن"؛ دەگەن ادام ساۋدا ورنىنان ارزانىن دا, قىمباتىن دا تابا الادى.
ۆيدەودان الىندى
قازىر قازاقى ناقىشتاعى كيىمدى كۇندەلىكتى كيىم ۇلگىسىنە اينالدىرۋدا وتاندىق سانگەرلەر تىنباي جۇمىس ىستەۋدە. سولاردىڭ ءبىرى - ءتاربيا ايدىمباەۆا كۇنى كەشە ەلوردادا ءوزىنىڭ زاماناۋي ۇلتتىق كيىمدەر توپتاماسىن ۇسىندى, دەپ حابارلايدى ءastana.tv.
تاربيا ايدىمباەۆا - قازاقتىڭ مادەنيەتى مەن ۇلتتىق مۇراسىن تورتكۇل دۇنيەگە ناسيحاتتاپ جۇرگەن بەلگىلى سانگەر. ونىڭ ەرەكشە قازاقى كيىم ۇلگىلەرىن شىعارۋدا 30 جىلعا جۋىق تاجىريبەسى بار. سانگەردىڭ ونىمدەرى تەك قازاقستاندا عانا ەمەس, سونداي-اق الىس-جاقىن شەتەلدەردە دە جوعارى سۇرانىسقا يە.
"بۇكىل الەمدەگى ەلشىلىكتەر ءبىزدى شاقىرىپ جاتىر. ونىڭ ىشىندە يتاليا, فرانسيا, يۋنەسكو-نىڭ زالىندا كورمە ۇيىمداستىردىق. پاكىستان قانشاما ەلدەردە بولدىق. ءبىز ءوزىمىزدىڭ ۇلتتىق كيىمنىڭ قازىرگى الەمدىك دەڭگەيدە ءوزىنىڭ ورنى بار ەكەنىن دالەلدەدىك دەگەن ويدامىن", دەيدى ديزاينەر.
وتاندىق سانگەردىڭ تىككەن كيىمدەرىن ەلىمىزدەگى ونەر مايتالماندارى مەن سپورتشىلار كيىپ ءجۇر. ولار ۇلتتىق كيىمدى تەك مەرەكەدە عانا ەمەس, كۇندەلىكتى كيىپ ءجۇرۋدى قولدايدى.
قازاق برەندى بۇعان دەيىن 10 مەملەكەتتە ۇلتتىق كيىم كۇنىن ۇيىمداستىرعان. سونداي-اق برازيليا, پاكىستان, وڭتۇستىك كورەيا جانە ەۋروپانىڭ ءبىراز ەلىندە كورمە وتكىزدى. ءقازىر يتاليانىڭ 18 دۇكەنىمەن كەلىسىمشارت جاساعالى وتىر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر