الەمدەگى ەڭ باي قازاق كىم؟

نازارباەۆ تۇسىندا تاسى ورگە دومالاعان وليگارحتاردىڭ ءبارى جاڭا قازاقستاننىڭ جاڭا ەرەجەلەرىنە كونىپ, قابىلدادى. كەشە عانا نازارباەۆتىڭ الدىندا "جاعىمپازدانۋدى ءومىر ۇيرەتتى" دەيتىن نۇرلان سماعۇلوۆ سياقتى وليگارحتارعا ءومىر ەندى "نازارباەۆ جامان ەدى" دەۋدى ۇيرەتتى.

سونىسىمەن وليگارحتار بۇرىنعىداي قازاقستاندا ميللياردتارىن تاۋىپ جاتىر. جاڭا قازاقستان ولارمەن "سەن تيمەسەڭ مەن تيمەن" بوپ وتىر.

جۇيەگە قارسى ارەكەت ەتەتىن بىرەۋ بولسا, ول &ndash؛ نازارباەۆتار اۋلەتى.

نازارباەۆتىڭ ءوزى "حالىق مەن تۋرالى نە ويلاسا دا, ماعان ءبارىبىر" دەگەندەي كەيىپىن اشىق تانىتتى. ول حالىق ءوزىن جەك كورەتىنىن بىلەدى. ولگەن سوڭ ارتىنان ەستىلۋى ءتيىس سوزدەردى تىرىسىندە ەستىدى.

ول كىتاپ جازىپ, نەكەسىز تۋعان بالالارىن مويىندادى. استانانىڭ ورتاسىندا ءىنىسىنىڭ اسىن بەردى. مۇنىڭ ءبارى &ndash؛ جاڭا قازاقستانعا قاراتىلعان سەس. ء"بىز ەشقايدا قاشقان جوقپىز, ءبىز السىرەگەن جوقپىز" دەگەنى.

ەندى باس وپپوزيسيونەر نازارباەۆ بولۋى مۇمكىن.

كەشەگى ەلباسى ەندى بۇگىنگى بيلىككە وپپوزيسيا بولادى دەپ كىم ويلاعان؟

جۇمىسسىز "تۇڭعىشتىڭ" ءباسپاسوز قىزمەتى تاراتاتىن كەي حابارلاردان "نازارباەۆ كەزىندە ولاي بولماعان" دەگەندەي سارىن سەزىلەدى. نازارباەۆ سەزگىش, ول ارىس جارىلىسى, covid, قىستا قاتقان ەكىباستۇز, وندىرىستەگى اپاتتار, ۋكرايناداعى سوعىس بولماي تۇرىپ پرەزيدەنت تاعىن تاستاپ كەتتى. كەتەتىن كەزدى ءدال تاپقان.

نازارباەۆتىڭ ءالى دە ميللياردتاعان رەسۋرستارى بار. ول الەمدەگى ەڭ باي قازاق!

ىقپالى ازايسا دا, ءالى بار. تىنىش جاتىپ قارتايۋ ونىڭ جولى ەمەس, ول ءقازىر ۇلدارىن اقتاۋعا كىرىستى, ول دا ەڭبەك.

قىزىقتىڭ ءبارى نازارباەۆ قايتىس بولعان سوڭ باستالادى. ەكى قىزى مەن سەمياسىنداعى ەڭ جاقىندارى, سەنىمدى سەرىكتەرىنە تىقىر تايانۋى مۇمكىن. ءوزى سالعان مەشىتتە جەرلەنەتىن شىعار. قوناەۆتى اقتىق ساپارعا بۇكىل الماتى بولىپ شىعارىپ سالعان. نازارباەۆ ونداي قۇرمەت كورەدى دەپ ويلامايمىن. تۇركىستانداعى قاسيەتتى جەردە حاندارمەن قاتار جاتايىن دەگەن يدەياسى بولعان. وعان تۇركى الەمى كونبەسە كەرەك. سوسىن 2015-تە پانتەون سالعىزدى. وعان بۇرىنعى مينيسترلەر, دەپۋتاتتار مەن شەنەۋنىكتەر جەرلەنە باستاعان سوڭ پانتەوننان دا اينىپ قالدى. "قايداعى ءبىر دەپۋتاتتارمەن بىرگە جاتام با" دەپ. پرەزيدەنت ورنىنان كەتەرىنەن ءبىر كۇن بۇرىن تاسىن ءوزى قالاعان مەشىتىنىڭ ءالى اتاۋى جوق. نازارباەۆتى كۇتىپ تۇرعان الماتىداعى فۋرمانوۆ كوشەسى سياقتى.

(ساياساتتانۋشى, بلوگەر سىرىم يتقۇلوۆتىڭ adal adam live كانالىندا بەرگەن سۇحباتىنان)