• usd 468.56

  • eur 497.56

  • rub 7.3

  • cny 67.18

25 اقپان, 13:34:49
الماتى
+35°

09 اقپان, 2024 بارلىق ايماقتار

«بەرىلگەن ۋاقىت از عانا». ەكى بالاسىن ولتىرگەن ايەلدىڭ سوڭعى جازباسى

كەلىنشەك ەكى بالاسى مەن ءوزىنىڭ قولىن سۋرەتكە ءتۇسىرىپ, جازبا جاريالاعان.

سۋۋرەت اشىق دەرەككوزدەن الىندى

تۇركىستان وبلىسىندا جانتۇرشىگەرلىك وقيعا ورىن العان بولاتىن. شيەلى اۋدانىنداعى پۋشكين اتىنداعى №46 مەكتەپ-ليسەيدە تاربيەشى بولىپ جۇمىس ىستەپ كەلگەن 31 جاستاعى ايەل 6 اقپاندا ەشكىمگە ەسكەرتپەستەن ۇيىنەن ەكى بالاسىن الىپ, تۇركىستان قالاسىنا كەتىپ قالعان.

سوندا پاتەر جالداپ, ەرتەسىنە, 7 اقپاندا 2 بالاسىن جاستىقپەن تۇنشىقتىرىپ ولتىرگەن.

وسى وقيعانىڭ الدىندا كەلىنشەك ءوزىنىڭ instagram پاراقشاسىنا بالالارى مەن ءوزىنىڭ قولىنىڭ سۋرەتىن سالىپ, «؛جۇرەكتەرىمىز ماڭگى بىرگە»؛ دەپ جازىپتى. وعان نۇرماحان ەسىمدى ءانشىنىڭ «؛بىزگە بەرىلگەن ۋاقىت از عانا»؛ دەگەن ءانىن ءقوسقان.

اننىڭ ماتىنىندە:

«؛ەشكىمگە ايتا الماي,

بارامىن تۇنشىعىپ.
مىڭ ءتۇرلى سىناقتان,
وتە الماي ءجۇرمىز كۇرسىنىپ.
تاعدىرعا بوسقا قىرسىعىپ,

بىزگە بەرىلگەن ۋاقىت از عانا»؛, دەگەن سوزدەر بار.

كەلىنشەكتى جاقسى تانيتىن دوستارى, سىنىپتاستارى مەن سىنىپ جەتەكشىسىنىڭ سوزىنشە, ول تولىققاندى وتباسىنان شىققان, قايىن جۇرتىنىڭ تۇرمىسى جاقسى, ءوزى وتە اقكوڭىل, جۇرگەن ورتاسىن كۇلدىرىپ جۇرەتىن اشىق مىنەزدى, قوناقجاي ءارى بالالارىن قاتتى جاقسى كورەتىن ايەل. ەشقانداي ديسپانسەرلىك ەسەپتە تۇرمايدى. مۇنداي قىلمىسقا بارادى دەپ ەشكىم ويلاماعان.

قازىرگى ۋاقىتتا ادام ءولتىرۋ فاكتىسى بويىنشا بارلىق ءمان-جايلاردى انىقتاۋ ماقساتىندا تەرگەۋ جۇرگىزىلۋدە.

بيفات ەلتاەۆا

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر