• usd 468.56

  • eur 497.56

  • rub 7.3

  • cny 67.18

25 اقپان, 13:22:42
الماتى
+35°

06 اقپان, 2024 بارلىق ايماقتار

اۋەسقوي اڭشىلارعا كيىك اتۋعا رۇقسات بەرىلەدى

ەكولوگيا جانە تابيعي رەسۋرستار ءمينيسترى ەرلان نىسانباەۆ كيىك اتۋعا اۋەسقوي اڭشىلارعا رۇقسات بەرۋ بويىنشا جالپى ەرەجە دايىندالىپ جاتقانىن ايتتى, – دەپ حابارلايدى qamshy.kz اقپارات اگەنتتىگى. 

اشىق دەرەككقزدەن الىندى

ء

مينيستردىڭ سوزىنشە, وزگەرىس 2025 جىلى جاڭادان جالپى ەرەجە قابىلدانعاننان كەيىن ەنگىزىلەدى.

- جىل باسىندا اۋەسقوي اڭشىلار كيىك اتۋعا رۇقسات بەرۋدى سۇرادى. ءبىراق ءبىز بۇعان دەيىن رۇقسات بەرمەي كەلدىك. كيىك سانىن رەتتەۋ ءۇشىن تەك "وحوتو پرومعا" عانا ولاردى اتۋعا بولاتىن ەدى. اڭشىلىق ۇجىمداردان كەلگەن ۇسىنىستاردى توپتاپ, تالداي كەلە كيىك اتۋ بويىنشا جالپى ەرەجەنى ازىرلەپ جاتىرمىز. كەلەسى جىلدان باستاپ اۋەسقوي اڭشىلارعا دا كيىك اتۋعا رۇقسات بەرۋ بويىنشا وزگەرىس ەنگىزۋگە ازىرلەنىپ جاتىرمىز. ونى اشىق ايتۋ كەرەك", &mdash؛ دەدى مينيستر.

بۇعان دەيىن ەكولوگيا ءمينيسترى سەرىكقالي برەكەشەۆ اقبوكەندەر فەرمەرلەردىڭ ەگىنىن تاپتاپ جاتىر دەپ مالىمدەگەن ەدى. سودان كەيىن ۆەدومستۆو "جانۋارلار سانىن رەتتەۋ شەڭبەرىندە" 80 مىڭ اقبوكەندى اتۋ تۋرالى شەشىم قابىلداعان.

بۇل شەشىم قوعامنىڭ ءبىرشاما سىنى مەن نارازىلىعىن تۋعىزدى. بۇعان قاراماستان, كيىك اتۋدى ؛مينيسترلىك زاڭداستىردى.

ەكولوگيا جانە تابيعي رەسۋرستار مينيسترلىگىنىڭ بۇيرىعىنا سايكەس, اقبوكەندەردەن باسقا, سانى رەتتەلەتىن جانۋارلار تىزىمىنە قاسقىرلار, شيبورىلەر, قارعالار, ۇلكەن كورمورانتتار, جىلانباس بالىقتار ەندى. تىزىمدەگى جانۋارلاردىڭ سانى حالىقتىڭ دەنساۋلىعىن ساقتاۋ, اۋىل شارۋاشىلىعى جانە باسقا ءۇي جانۋارلارىنىڭ اۋرۋلارىنان قورعاۋ, قورشاعان ورتاعا زيان كەلتىرمەۋ ماقساتىندا رەتتەلمەك.

سونداي-اق قازاقستاندا 2024 جىلى تاعى 300 مىڭ كيىك اتۋ ۇسىنىلىپ وتىر. ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر