14 قىركۇيەك, 2023 بارلىق ايماقتار
فوتو: اشىق دەرەك كوزدەرىنەن الىنعان
قارجىلىق مونيتورينگ اگەنتتىگىنىڭ ءباسپاسوز قىزمەتى قايرات بورانباەۆقا قاتىستى قىلمىستىق جولمەن الىنعان مۇلىكتى زاڭداستىرۋعا بايلانىستى سوتالدى تەرگەۋ جالعاسىپ جاتقانىن حابارلادى. ؛
تەرگەۋ شەڭبەرىندە جالپى قۇنى 90 ميلليارد تەڭگەدەن اساتىن اكتيۆتەردى, ونىڭ ىشىندە: مۇناي كەن ورنىن, گاز تاراتۋ كومپانياسىن, سەرۆيس سالاسىنداعى كاسىپورىندى, قوناق ءۇي جانە ساۋدا-ويىن-ساۋىق كەشەندەرىن, فيتنەس ورتالىقتار جەلىسىن, كەڭسە ءۇي-جايلارىن جانە باسقا دا اكتيۆتەردى مەملەكەت مەنشىگىنە ەرىكتى تۇردە قايتارۋ جونىندە شارالار قابىلدانعان.
سونداي-اق, قايرات بورانباەۆ ءبىلىم بەرۋ ينفراقۇرىلىمىن قولداۋ قورىنا 30 ميلليارد تەڭگە اۋداردى. وسى وبەكتىلەردىڭ بارلىعى مەملەكەتتىك ورگاندار مەن كومپانيالاردىڭ بالانسىنا بەرىلەتىنى حابارلاندى, ال اقشالاي قاراجات ءبىلىم بەرۋ ينفراقۇرىلىمىن دامىتۋ ءۇشىن پايدالانىلادى.
ايتا كەتەيىك, بۇعان دەيىن قايرات بورانباەۆ تابيعي گاز يمپورتى كەزىندە قاراجاتتى جىمقىرۋ بويىنشا 14,5 ميلليارد تەڭگە كولەمىندە ماتەريالدىق شىعىندى وتەگەن بولاتىن.
ەسكە سالايىق, بۇعان دەيىن پروكۋرور قايرات بورانباەۆتى 8 جىلعا باس بوستاندىعىنان ايىرۋدى سۇراعان بولاتىن. كەيىنىرەك قايرات بورانباەۆ قانشا جىلعا سوتتالعانى بەلگىلى بولدى.
سونىمەن قاتار, سوتتا بورانباەۆتىڭ قانداي مۇلكى تاركىلەنەتىنى ايتىلعان ەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر