فوتو: اقتوبە وبلىسى اكىمىنىڭ رەسمي سايتى
تۇڭعىش پرەزيدەنت كۇنى قارساڭىندا وتىز از قامتىلعان جانۇيا مەن جەتىم بالالارعا نۇر-اقتوبە تۇرعىن ءۇي الابىندا سالىنعان ۇيدەن جاڭا پاتەرلەردىڭ كىلتتەرى بەرىلدى. سالتاناتتى شاراعا وبلىس اكىمى وڭداسىن ورازالين قاتىستى.
وبلىس اكىمى اقتوبەلىكتەردى كەلە جاتقان مەرەكەلەرىمەن قۇتتىقتاپ, جاڭا قونىس يەلەرىنىڭ ۇيلەرىنە تاتۋلىق پەن مولشىلىق تىلەدى.
"تاۋەلسىزدىكتىڭ العاشقى جىلدارى قيىندىقتار از بولعان جوق. ءبىز ولاردى ەلباسىنىڭ كورەگەن ساياساتىنىڭ, ونىڭ حالىققا دەگەن سەنىمى مەن ەڭبەكقورلىعىنىڭ ارقاسىندا جەڭە الدىق.
ەكونوميكا نىعايىپ, ينۆەستيسيا كەلدى, كاسىپكەرلىك دامىدى جانە الەۋمەتتىك پروبلەمالاردى شەشۋگە مۇمكىندىك پايدا بولدى. قازىرگى تاڭدا اقتوبەدە 24 مىڭ جەرلەسىمىز ءۇي كەزەگىندە تۇر. مەملەكەت باسشىسىنىڭ تاپسىرماسىمەن حالىقتىڭ ءال اۋقاتىن كوتەرۋ جانە ولاردى باسپانامەن قامتۋ شارالارى قابىلدانۋدا.
بيىل وبلىستا 1 ملن-نان استام شارشى مەتر پايدالانۋعا بەرىلدى. بۇگىن وسى ءۇي پايدالانۋعا بەرىلىپ وتىر, ونىڭ وتىز پاتەرى كەزەكتە تۇرعاندارعا تيگەنى قۋانتادى. جىل سوڭىنا دەيىن اقتوبە مەن وبلىس اۋداندارىندا تاعى دا وسىنداي ۇيلەر بەرىلەدى",- دەدى و.ورازالين.
ۇلمەكەن اققاسانوۆانىڭ كوپبالالى جانۇياسى باسپانالارىن ۇزاق جىلدار بويى كۇتكەن. بۇگىندە ول كەڭ ءارى جارىق ءۇش بولمەلى پاتەرگە يە بولدى.
"بىزدىڭ ءتورت بالامىز بار, ۇلكەنىم 18-دە, كەنجەمىز 8-دە. پرەزيدەنتكە, وبلىس باسشىلىعىنا راحمەت ايتامىن. بۇعان دەيىن جالدامالى پاتەردە تۇردىق, تۋىستارىمىزدى پانالادىق. وڭاي بولعان جوق, ەندى ءوزىمىزدىڭ باسپانامىز بار",- دەيدى قۋانىشىمەن بولىسكەن ۇلمەكەن اققاسانوۆا.
ايتا كەتەيىك, جىل سوڭىنا دەيىن وبلىس بويىنشا بىرنەشە ونداعان مۇقتاج كوپبالالى وتباسىنى تۇرعىن ۇيمەن قامتۋ جوسپاردا بار.
وبلىس اكىمى سول كۇنى «؛زەردە كەراميكا-اقتوبە»؛ ءجشس-نىڭ «؛اقتوبە»؛ يندۋستريالدى ايماعىندا ورنالاسقان كەراميكالىق گرانيت پەن كەراميكالىق تاقتاي شىعاراتىن زاۋىتىندا بولدى.
«؛قازىرگى تاڭدا ءوندىرىستىڭ ءبىرىنشى كەزەڭى ىسكە قوسىلدى, زاۋىت ءوز قۋاتتىلىعىنىڭ جارتىسىندا جۇمىس جاسايدى. ونىمدەرىن ساتۋ باستالدى, 50 پايىزىنا دەيىن رەسەيگە ەكسپورتتاۋ جوسپاردا بار. شيكىزاتتىڭ جارتىسى &ndash؛ جەرگىلىكتى. بۇگىندە 150 ادام جۇمىس ىستەيدى. كەلەسى جىلى ناۋرىز ايىندا ەكىنشى كەزەڭى جۇزەگە اسىرىلىپ, زاۋىت تولىقتاي ىسكە قوسىلعاندا قىزمەتكەرلەرى شامامەن 120 ادامعا كوبەيەدى»؛,- دەيدى ءوندىرىس ديرەكتورى ەرلان تىلەۋقابىلوۆ.
وبلىس اكىمى قۇزىرلى ورگاندارعا يمپورت الماستىرۋدى جانە ەكسپورتتىق تاۋارلاردى ءوندىرۋدى ماقسات ەتكەن كاسىپورىندارعا جان جاقتى قولداۋ كورسەتۋدى تاپسىردى.
و.ورازالين: ء«؛بىز وسىنداي كاسىپورىنداردى كوبەيتۋگە جۇمىستانۋىمىز كەرەك. سول ءۇشىن مەملەكەت تاراپىنان ءتيىستى قولداۋ بار, مەملەكەتتىك باعدارلامالار بار»؛,- دەپ اتاپ ءوتتى. 
«؛زەردە كەراميكا-اقتوبە»؛ جشس زاۋىتىن «؛ونەركاسىپتى دامىتۋ قورى»؛ اق قر يندۋستريالدى-يننوۆاسيالىق دامىتۋدىڭ مەملەكەتتىك باعدارلاماسى اياسىندا سالعان. جىلىنا 5 ملن م2 ءونىم شىعاراتىن كاسىپورىندا يتاليادان اكەلىنگەن الدىڭعى قاتارلى جابدىق ورناتىلعان. جوباعا قۇيىلعان ينۆەستيسيانىڭ جالپى كولەمى - 9,2 ملرد. تەڭگە.
بۇدان بولەك, ءوڭىر باسشىسى بيىل كۇردەلى جوندەۋدەن وتكەن «؛سازدى»؛ مادەنيەت ءۇيىنىڭ عيماراتىن قاراپ شىقتى. 1990 جىلى سالىنعان عيماراتتىڭ شاتىرى, جىلىتۋ جانە ەلەكترمەن جابدىقتاۋ جۇيەلەرى الماستىرىلىپ, قاسبەتى جاڭارتىلدى, اۋلاسى اباتتاندىرىلدى.
وبلىس اكىمى مادەنيەت ءۇيىنىڭ قىزمەتىمەن تانىسىپ, قىزمەتكەرلەرى مەن ۇيىرمەلەرگە بارىپ جۇرگەن بالالاردى كەلە جاتقان تۇڭعىش پرەزيدەنت كۇنى مەرەكەسىمەن قۇتتىقتادى.
«؛تاۋەلسىز قازاقستاننىڭ قالىپتاسۋىندا, ەلىمىزدىڭ جەتكەن جەتىستىكتەرىندە تۇڭعىش پرەزيدەنتتىڭ ءرولى باعا جەتپەس. وسىنى ەشقاشان ۇمىتپاي, وسى شىندىقتى وسكەلەڭ ۇرپاققا جەتكىزىڭدەر»؛,- دەدى وڭداسىن ورازالين.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر