• usd 468.56

  • eur 497.56

  • rub 7.3

  • cny 67.18

28 ناۋرىز, 13:32:48
الماتى
+35°

18-20 جەلتوقسان كۇندەرى "الماتى وبلىسىنىڭ ىشكى ساياسات باسقارماسى" مەملەكەتتىك مەكەمەسى مەن "jetisyﱟﱟ media" كوممۋنالدىق مەملەكەتتىك مەكەمەسىنىڭ ۇيىمداستىرۋىمەن باق وكىلدەرى اراسىنداعى i رەسپۋبليكالىق "press summit" ءوتتى. 14 وبلىستىڭ تىلشىلەرى مەن ءباسپاسوز حاتشىلارى شاقىرىلعان سامميتكە قامشى ءتىلشىسى قاتىسىپ, ءۇش كۇندە العان اسەرىن بولىسەدى.

بىر سالانىڭ ءار تارماعىندا جۇرگەن ارىپتەستەر اراسىندا ىسكەرلىك بايلانىستى نىعايتۋ ماقساتىندا ۇيىمداستىرىلعان سامميت ءۇش كۇنگە سوزىلدى. وسى كۇندەردە قاتىسۋشىلار تەك اقپارات, مالىمەت قانا الىپ قويمادىق. الماتى وبلىسىنىڭ مادەني-تاريحي جەرلەرىمەن, كاسىپكەرلىك نىساندارمەن, تابيعي دەمالىس ورىندارىمەن تانىستىق. ەركىن فورماتتا ۇيىمداستىرىلعان ءىس-شارادا ارىپتەستەر ءوزارا تاجىريبە الماسىپ, كوكەيدە جۇرگەن سۇراقتارىمىزعا جاۋاپتار الدىق.

بىرىنشى كۇن

تۋردىڭ العاشقى كۇنىندە سامميت قاتىسۋشىلارى قاراساي, جامبىل اۋداندارىنا جول تارتتى. 14 وبلىستان كەلگەن مەديا سالاسىنداعى مامانداردى ەڭ اۋەلى ەلباسى نۇرسۇلتان نازارباەۆتىڭ "اتامەكەن" تاريحي-مادەني ورتالىعىنا اپاردى. تانىستىرۋشى تۇڭعىش پرەزيدەنتتىڭ تۋعان جەرى, وسكەن ورتاسى, دوستارى جايلى اقپاراتتاردى مۇراجايدى ارالاتا ءجۇرىپ باياندادى. ەلباسىنىڭ قولدانعان قۇرال-جابدىقتارى, مىنگەن كولىگى مەن الەمنىڭ تۇكپىر-تۇكپىرىنەن كەلگەن ەستەلىك سىيلىقتارىنىڭ ءتۇپنۇسقالارىن كورسەتتى.

نۇرسۇلتان نازارباەۆتىڭ مىنگەن كولىگى

كەلەسى كەزەكتە ۇيىمداستىرۋشىلار شامالعان اۋىلىندا بوي كوتەرگەن ء"ۇشقوڭىر" سپورت كەشەنىنە اپاردى. كەشەندە بوكس, كۇرەس, تاەكۆوندو, ترەناجەر زالدارى جانە ءجۇزۋ باسسەينى, تەننيس كورتى, تاعى باسقا كوپفۋنكسيونالدى زالدار بار.

كەشەن قىزمەتكەرلەرىنىڭ سوزىنشە, سپورت كەشەنىنە بالالار مەن جاسوسپىرىمدەر تەك بەلگىلى ءبىر سپورت تۇرىنە قاتىسۋ ءۇشىن عانا كەلمەيدى. ول جەردە وقۋشىلار مەكتەپ باعدارلاماسى نەگىزىندە ءبىلىم الادى, سپورت جارىستارىنا قاتىسادى.

بۇدان سوڭ قىرعاۋىلدى اۋىلىنداعى "باتىر بابالار" مەموريالدى مۋزەيىنە جول ءتۇستى. كونە جادىگەرلەر, باتىرلاردىڭ ەكسپوناتتارى ەلىمىزدىڭ سان عاسىرلىق تاريحىنان سىر شەرتەدى. جەرىمىز ءۇشىن جانىن بەرگەن بابالارىمىزدىڭ ەرلىكتەرىن كورسەتەتىن پورترەتتىك گالەرەيالارى ەرەكشە اسەر قالدىردى.

ۇيىمداستىرۋشىلار كەلەسى كەزەكتە جامبىل اۋدانىنداعى اقىن اتامىز جامبىل جاباەۆتىڭ ادەبي-مەموريالدى مۋزەيىن ارالاتتى. مۇراجايدىڭ ىرگەسىندە اقىننىڭ ءوزى ەككەن قوس تەرەگى, كوزى تىرىسىندە ەگىلگەن الما مەن المۇرت باعى بار. وسى قالىڭ باۋدىڭ اراسىندا 1946 جىلى سالىنعان كەسەنە تۇر. كەسەنە 1970, 1996 جىلدارى قايتا جوندەلىپ, اق مارمارمەن قاپتالعان.

جامبىل جاباەۆ كەشەنى

جامبىل جاباەۆتىڭ ادەبي-مەموريالدى مۋزەيى

اقىن اتامىز ءومىر سۇرگەن ءۇي, ياعني مۇراجايداعى بولمەلەر سول كۇيى ساقتالعان. ون ەكى بولمەنىڭ ءارقايسىسىندا اتانىڭ ءوزى پايدالانعان تۇرمىستىق زاتتارى &ndash؛ قىمىز ىشكەن ىدىستارى, دارەت العان قۇماندارى, كىتاپتارى, دومبىرالارى تاريحتان سىر شەرتىپ تۇر. ءاربىر زات اقىن ءومىرىنىڭ تىكەلەي كۋاگەرى ىسپەتتى.

جامبىل جاباەۆتىڭ ادەبي-مەموريالدى مۋزەيى

ادەبي-مادەني مۇراجايلارعا ساپاردان كەيىن قاسىمبەك اۋىلىنداعى ءتۇرلى مەتالل قۇرىلعىلارىن شىعاراتىن "تەكسان قازاقستان" زاۋىتىنا اپاردى. زاۋىتتا ءبىر ايدا كەڭسە, كوشە, تۇرمىسقا قاجەتتى 300 ءتۇرلى شام شىعارىلادى. سونداي-اق وقۋشى پارتالارى, كوشەگە, ساياباققا ارنالعان ادەمى ورىندىقتار, كەڭسە سەيفتەرى سەكىلدى باسقا دا ساپالى بۇيىمدار جاسالادى.

كاسىپورىننىڭ بەس قالادا بولىمشەسى, 12 ايماقتا رەسمي وكىلدەرى بار. زاۋىت ونىمدەرى جاقىن شەت مەملەكەتتەرگە, پارسى شىعاناعى مەن لاتىن امەريكاسىنا دا ەكسپورتتالادى.

ەكىنشى كۇن

سامميتتىڭ ەكىنشى كۇنى "وي-قاراعاي" تاۋ-شاڭعى كەشەنىندە جالعاسىن تاپتى. بۇل دەمالىس ورنى تالعار اۋدانى بەسقاينار اۋىلى ماڭىندا ورنالاسقان. اۋماعى 85 گەكتاردى الىپ جاتقان دەمالىس ورنى كۇنىنە بەس مىڭ ادامدى قابىلداي الادى.

سامميت قاتىسۋشىلارى كەشەندە وزدەرى قالاعان سپورتتىق ويىن تۇرلەرىن تاڭدادى. ءبىر توپ شاڭعى تەپسە, ەكىنشى توپ ەكسترەمالدى ويىندار وينادى. كەلەسى ءبىر توپ بيىكتىگى 120 مەتر, ۇزاقتىعى 560 مەترلىك تروسس ارقىلى جولدى كەسىپ ءوتتى. باتىلدىقتى تالاپ ەتەتىن اسەرلى ويىنداردا ءاربىر قاتىسۋشى بىر-بىرىنە كومەكتەسىپ, قولداۋ ءبىلدىردى.

اسەرلى دەمالىستان سوڭ سامميت قاتىسۋشىلارى اراسىندا سپيچ فورماتىنداعى باسقوسۋ ءوتتى. ؛

&ndash؛ ءۇش كۇندىك "press-summit" اتتى ءسامميتتى ەلباسىمىزدىڭ &ldquo؛اتامەكەن&rdquo؛ ورتالىعىنان باستادىق. جامبىل اتامىزدىڭ كەلە جاتقان 175 جىلدىعىنا وراي مۇراجايىن كورسەتتىك. تۋريستىك ىشكى كلاستەردى دامىتۋ ماقساتىندا تالعار اۋدانىنداعى &ldquo؛وي-قاراعاي&rdquo؛ دەمالىس ورنىن تانىستىردى. ؛ سونداي-اق ۇيىمداستىرۋشىلار ەندى سىزدەردى شونجىداعى ىستىق سۋعا الىپ بارادى, ؛&ndash؛ دەپ ءسوز باستادى الماتى وبلىسى اكىمىنىڭ ورىنباسارى رۋستام الي جيىندا. ؛

اكىم ورىنباسارى بۇل سامميت ىشكى ءتۋريزمدى تانىستىرۋ عانا ەمەس, ارىپتەستەر اراسىندا كوممۋنيكاسيا ورناتۋ ەكەنىن اتاپ ايتتى.

&ndash؛ ؛بۇل تەك قانا ىشكى ءتۋريزمدى تانىستىرۋ ەمەس. ەڭ بىرىنشىدەن, بۇل &ndash؛ تيمبيلدينگ, كوممۋنيكاسيا ورناتۋ. بارلىق وڭىرلەر اقپارات الماسۋدا جاڭا مەحانيزمدەر, الگوريتمدەر, تەندەنسيالار ەنگىزىپ جاتىر. سامميت باق وكىلدەرى سول تەندەنسيالاردى الماسىپ, بىر-بىرىنەن جاڭا تەحنولوگيالاردى ۇيرەنىپ, تاجىريبە الماسۋ ماقساتىندا ۇيىمداستىرىلدى, ؛&ndash؛ دەدى ول. ؛

جيىندا قاتىسۋشىلار اراسىنان سپيكەرلەر شىعىپ, مەديا سالاسىنداعى قاتەلىكتەردى ايتىپ, ونى شەشۋ جولدارىن ۇسىندى. سپيكەرلەر بايانداماسىنىڭ سوڭى قىزۋ پىكىرتالاسقا ۇلاستى. تىلشىلەر مەن ءباسپاسوز حاتشىلارى تولعاندىرىپ جۇرگەن ماسەلەلەرىن ورتاعا سالىپ, ناتيجەسىندە كوپتەگەن سۇراقتارعا جاۋاپ بەرىلدى.

باسقوسۋدان سوڭ قاتىسۋشىلاردى ۇيعىر اۋدانى شونجى اۋىلى ماڭىنداعى ەرەكشە دەمالىس كۇتىپ تۇرعان ەدى. "ەكو-پارك" شيپاجايى &ndash؛ جازدىڭ جاعاجايداعى دەمالىسىن ساعىنعاندار ءۇشىن تاپتىرماس مەكەن. ويتكەنى شونجىلىقتار اۋىل جانىندا جەردەن شىعىپ جاتقان تابيعي ىستىق سۋدان باسسەيندەر جاساپ, شيپاجايعا اينالدىرعان. جانارتاۋ پروسەستەرى باسسەيندەردى جىل مەزگىلىنە قاراماستان سۋدى تابيعي جولمەن جىلىتادى. سۋدىڭ تەمپەراتۋراسى 36℃-دەن 60℃ - گە دەيىن بارادى.

قىستا اشىق اسپان استىندا ەمدىك ىستىق سۋعا ءتۇسىپ, قوناقۇيلەردە دەمالۋعا شەتەلدەن تۋريستەر دە كەلەدى ەكەن. ەلدىڭ ىشكى ءتۋريزمىنىڭ وسىلايشا دامىپ جاتقانى كوڭىل قۋانتادى.

ۇشىنشى كۇن

سامميتتىڭ ءۇشىنشى كۇنىندە سپيچ فورماتىنداعى كەزدەسۋدىڭ ەكىنشى ءبولىمى ۇيىمداستىرىلدى. سپيكەرلەر ءباسپاسوز حاتشىسىنان سپيچرايتەرگە دەيىنگى دەڭگەي, ولاردىڭ قوعامدا الار ورنى تۋرالى ءسوز سويلەدى. "قوعامداعى اقپاراتتىق كۇرەس. وڭىرگە وڭ يميدج قالىپتاستىرۋداعى 10 باعىت" جانە "2020 جىلدىڭ سمم ترەندتەرى. اكىمدەر مەن اكىمدىكتەردىڭ الەۋمەتتىك جەلىلەردەگى پاراقشالارىن جۇرگىزۋ تەتىكتەرى" سەكىلدى تاقىرىپتار تالقىلاندى.

باسقوسۋدان سوڭ سامميت قاتىسۋشىلارى الماتى قالاسىنا جولعا شىقتى.

نەتۆوركينگ ءارى تۋر نەگىزىندە ۇيىمداستىرىلعان سامميت باق وكىلدەرى اراسىندا ءوزارا تاجىريبە الماسۋدىڭ, پايدالى اقپاراتتاردى ءبولىسۋدىڭ وزىق ۇلگىسى بولدى. ەركىن فورماتتا وتكىزىلگەندىكتەن, رەسپۋبليكانىڭ تۇس-تۇسىنان كەلگەن جۋرناليستەر مەن ءباسپاسوز حاتشىلارى تەز ءتىل تابىسىپ, ىسكەرلىك بايلانىس ورناتتى. ؛

قۇندىزاي وتەگەن

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: i رەسپۋبليكالىق

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر