مارعۇلان سەيسەمباي: مۇحتار تايجان, سەنى تاعى دا ساتىپ الدى ما؟

مۇحتار تايجانعا حات.

قىمباتتى مۇحتار, قوعامىمىزدى جاقسارتۋعا بارىنشا تىرىسىپ, ءوز ۇلەسىڭدى قوسىپ جۇرگەنىڭدى ەسكەرىپ, بۇل پوستتى مۇلدەم جاريالاعىم كەلمەگەن.

بارلىعى ەكەۋارا شەشىلگەنىن قالاپ ەدىم, ءبىراق, وكىنىشكە وراي, سەن ءوز ارەكەتتەرىڭمەن ماعان باسقا تاڭداۋ قالدىرماي وتىرسىڭ. ۆوتساپ جەلىسىنىڭ توپتارىندا مەنىڭ ەسكى ۆيدەومدى, سۋبسيديالار كورسەتىلگەن excel كەستەلەردى, انەكدوت جانە وزگە دە دۇنيەلەردى تاراتىپ جۇرگەن مەن ەمەس دەيتىن شىعارسىڭ؟ وسى ەركەكتىك پە, ايتشى؟ ءتىپتى, سوعىستىڭ وزىندە مورالدىك ۇستانىمدار بولادى. جارايدى, سەنى سىنايتىن مەن ەمەس.

سەنىڭ رەنىشتەرىڭدى ءبىلىپ, كەلىسىمگە كەلىپ, وسى جاعدايدىڭ الدىن الۋ ءۇشىن سەنىمەن كەزدەسۋگە بىرنەشە رەت ارەكەت جاسادىم, ءبىراق, سەن بارىنشا قاشتىڭ. (سكرينشوتتار ساقتاۋلى). سەنىڭ الدىڭداعى كىنام قانداي؟ سەنەن گورى تانىمال بولىپ كەتكەنىم بە؟ ەش سەبەبىن تابا الار ەمەسپىن, مەن ساعان ۇنەمى ەرەكشە جاقسى كوزقاراسپەن قاراۋشى ەدىم. ءاردايىم ءوز تانىستارىما سەنى ماقتايتىنمىن.

نەگە سەن تۋرا ءقازىر ماعان باس سالعانىڭدى تۇسىنبەدىم, ادەتتەگىدەي, حايپ جاساپ, مەنىڭ ەسەبىمنەن ءوز ابىرويىڭدى كوتەرىپ, ءوزىڭنىڭ "ساياسي باسەكەلەسىڭنىڭ" كوزىن قۇرتقىڭ كەلدى مە الدە بۇرىنعى ادەت بويىنشا سەنى تاعى ساتىپ الدى ما؟

بىرىنشى رەت سەنى فب-تە بايقادىم. ول كەزدە سەن ماعان ەل تاعدىرىنىڭ شىن جاناشىرى بولىپ كورىنگەن ەدىڭ. كەزدەسۋدە سەن ماعان بىرىگىپ, پياز بيزنەسىمەن اينالىسۋدى ۇسىندىڭ. سەنى قولداۋدى ءجون كورىپ, 50/50 تابىسپەن پياز ساتىپ الۋعا 95 000$ ينۆەستيسيا قۇيدىم. پياز بيزنەسىندە تولىقتاي كۇيىپ, ءوز اقشامدى جوعالتتىم. سەن مەنەن اقشا الدىڭ, ءبىراق, كەيىنىرەك بەلگىلى بولعانداي, شەنگەلدى ءماسسيۆى فەرمەرلەرى سەنەن ءوز اقىلارىن الماعانىن ايتتى. كەيىن سەن ماعان ولارمەن سوتتاسىپ, سوتتى جەڭىپ شىققانىڭدى جازعان بولاتىنسىڭ. سەنىڭ سوزىڭە سەنىپ, ءارى قاراي وزىڭمەن ارالاسا بەردىم.
بۇل مەنىڭ كەزەكتى ۇلكەن قاتەلىگىم بولىپتى!

2016 جىلدىڭ ءساۋىر ايىندا ەلدى جەرگە قاتىستى ميتينگتەر تولقىنى ءوتتى. حالىق جەردى شەتەلدىكتەرگە ساتپاۋدى تالاپ ەتتى. سەن بۇل ماسەلەگە بەلسەندى ارالاسىپ, مەنەن كومەك سۇرادىڭ. بارلىق اقشاڭدى پياز بيزنەسىندە جوعالتىپ, امەريكاداعى بالاڭنىڭ وقۋى اقىسىن تولەۋگە, وتباسىڭدى قامتۋعا قاراجاتىڭ جوق ەكەنىن ايتتىڭ. سوندا مەن ساعان سەن جەرگە قاتىستى سۇراقتارمەن اينالىسۋىڭ ءۇشىن كومەك بەرەمىن دەدىم.

23 ساۋىردە فب جاريالاعان پوستىڭداعى تەستتىڭ ءبىرىنشى &ndash؛ جەر ميتينگىلەرى كەزىندە مەن نە ىستەدىم؟ دەگەن سۇراعىنا بىردەن جاۋاپ بەرەيىن.
- جەر ميتينگىلەرى كەزىندە مەن حالىق مۇددەسىن قورعاپ جۇرگەن بەلسەندى جەر كوميسسياسىنىڭ جۇمىسىنا قاتىسىپ, ميتينگتە قابىلداعان شەشىمدەردى جۇزەگە اسىرسىن دەپ, ونىڭ وتباسىن اسىراپ, ۇلىنىڭ امەريكاداعى وقۋىنىڭ اقىسىن تولەپ تۇردىم.
ارى قاراي. جەرگە قاتىستى سۇراقتار ايتارلىقتاي كوپ بولماعان سوڭ, مەنەن وزىڭە باسقا دا ماسەلەلەر مەن مىندەتتەردى تاپسىرۋدى سۇرادىڭ.
جاسىراتىنى جوق, بارلىق ماسەلەلەرمەن تىڭعىلىقتى اينالىستىڭ, سەنەن تالاپ ەتپەسەم دە, ءاربىر شەنەۋنىكپەن بولعان كەزدەسۋ جايىندا ەسەپ بەرىپ وتىردىڭ. (بارلىق جازىسقان حاتتارىمىز بەن اڭگىمەلەرىمىز ساقتاۋلى).
قارجىلاي كومەكتەن بولەك, سەن ماعان جەرگە قاتىستى, ودان ءارى وزگە دە سۇراقتار بويىنشا جۇگىنىپ وتىردىڭ. مەن, ءتىپتى, 2019 جىلدىڭ باسىنا دەيىن سەنەن قولىمنان كەلەر ساراپشىلىق كومەگىمدى ايامادىم.

ال ەندى جاۋاپ بەرشى ماعان, 2 جىلعا جۋىق ۋاقىت بويى سەنىڭ وتباسىڭدى اسىراپ, ۇلىڭنىڭ وقۋىن تولەپ كەلگەن مەن ەمەس پە؟
سەن مەنەن مىنا سومالاردى المادىم دەپ ايتا الاسىڭ با:

24.06.2016 مۇحاتاردىڭ جۇبايى - ايگۇلگە 43 500 اقش دوللارى تابىستالدى.
تابىستاۋ ورنى - ماركوۆا پوپوۆا.

11.07.2016 مۇحاتاردىڭ جۇبايى - ايگۇلگە 43 600 اقش دوللارى تابىستالدى.
تابىستاۋ ورنى - ماركوۆا پوپوۆا.

24.02.2017 مۇحتار تايجاننىڭ ءوز قولىنا 50 000 اقش دول. تابىستالدى.

29.05.2017 مۇحتار تايجاننىڭ ءوز قولىنا 50 000 اقش دول. تابىستالدى.

27.07.2017 مۇحتار تايجاننىڭ ءوز قولىنا 50 000 اقش دول. تابىستالدى.

ساعان ەكى جىلدا 237 100 اقش دوللارىن بەرگەن اداممەن تايتالاساسىڭ با؟
ۆوتساپتاعى ەكەۋمىزدىڭ ارامىزداعى حاتتاردىڭ سكرينشوتتارىن جوققا شىعاراسىڭ با؟
بارلىعىن نەگە سۇراق فورماسىندا قويىپ وتىرمىن؟
سەن ماعان جالا جاپقانىڭ ءۇشىن سوتقا بەرۋ ارقىلى بيلىكتەگىلەر سەنى قاساقانا پايدالانىپ, ونى ماعان ىلىك ەتۋى مۇمكىندىگىن تۇسىنبەيدى دەپ ويلايسىڭ با؟ سەنىكى مۇلدەم دۇرىس بولماي تۇرىپ, ماعان قىر كورسەتۋ ءۇشىن ساعان كىم دەم بەرىپ وتىر؟ مەندە بارى تەك ۆوتساپتاعى جازىسقان حاتتارىمىز, سەن جىبەرگەن اۋديولار, ساعان جانە جۇبايىڭا اقشانى جەتكىزىپ بەرگەن كىسىلەر. ال ءبىزدىڭ گۋمانيستىك سوت بۇل ايعاقتاردى مويىنداماۋى مۇمكىن. تۋعان اناڭ مەن تۋعان باۋىرىڭمەن, ودان قالا بەرسە, پياز ەككەن بايعۇس فەرمەرلەرمەن سوتتاسقانىڭدى ەسكەرسەك, سەنەن ءبارىن كۇتۋگە بولادى. ەلىم ءۇشىن جاقسى ءىس جاساپ, ەڭ بولماسا, مەنىڭ كومەگىمە ريزا بولار دەپ, جاقسى ادامعا كومەك كورسەتىپ ءجۇرمىن دەسەم, كەرىسىنشە, العىسىنىڭ ورنىنا سوتقا تارتىلۋ قاۋپىنە قالىپ وتىرمىن.

راقمەت ساعان, مۇحتار, بۇل ماعان 332 100 (237 100 + 95 000) اقش دوللارىن جۇمساپ, قايتارىمىنا, العىستىڭ ورنىنا وزىڭە جاۋ مەن كورە الماۋشىنى قالاي تاۋىپ الۋعا بولاتىنىن ءتۇسىنۋ ءۇشىن وتە قىمبات ساباق بولدى.
راسىندا, مەن ادام تانىمايدى ەكەم, قاتەلىكتەر جىبەرۋدەمىن!
سول كەزدە-اق وزىمە &ndash؛ «؛ساياساتپەن»؛ ۇزاق جىلدار بويى اينالىسىپ جۇرگەن ادام نە تۇراقتى جۇمىسى, نە بيزنەسى بولماسا, قالاي كۇن كورىپ ءجۇر؟»؛ دەگەن سۇراق قويۋىم كەرەك ەدى.

قورىتا كەلە, تەستىڭنىڭ ەكىنشى &ndash؛ جاڭاوزەن وقيعالارى كەزىندە مەن نەمەن اينالىستىم؟ دەگەن سۇراعىڭا جاۋاپ بەرگىم كەلەدى.
بىرىنشىدەن, مەن ءوزىمدى ەشقاشان ساياساتكەر اتامادىم. مەن ينۆەستور, قوعام قايراتكەرى جانە ساياحاتتاۋشىمىن جانە مەن بيلىككە ۇمتىلمايمىن. 2011 جىلى, جاڭاوزەندەگى وقيعالار كەزىندە, مەن الماتىدا بولدىم, سوتقا كۇندەلىكتى جۇمىسىما بارعانداي باراتىنمىن جانە ءبىر ۋاقىتتا قازاقستاندىق جانە حالىقارالىق سوتتاردا ءوزىمدى قورعاۋمەن ءجۇردىم جانە مەندە ەشقايدا كەتپەۋ تۋرالى ءتىلحات بولاتىن. سوندىقتان, مەن ول جەردە زاڭدى تۇردە دە, دارەجەمە قاراي دا بولا المايتىن ەدىم. جانە دە, مەن بارلىق حالىقارالىق سوتتاردا ءوز كىناسىزدىگىمدى دالەلدەپ شىقتىم, ال قازاقستاندا ءىستىڭ تاپسىرىسپەن قوزعالعاندىعىنا جانە تەرگەۋ توبىنىڭ اۋقىمدى جۇمىسىنا قاراماستان, مەنى تەك 2 جىلعا شارتتى تۇردە جاۋاپقا تارتتى. بۇل نەنىڭ كورسەتكىشى؟

قىمباتتى مۇحتار, مەن سەنىڭ بارلىق سۇراقتارىڭا جاۋاپ بەرىپ, تەستىڭدى ءوتتىم دەپ ويلايمىن. ەندى سەن مەنىڭ تەستىمدى تاپسىرىپ كور.
1. ءوز وتباسىڭدى نەمەن اسىراپ وتىرعانىڭدى ايت؟ تەك بيزنەسمەن بولدىم دەگەن ەرتەگىلەرىڭنىڭ قاجەتى جوق.
2. ساياساتپەن اينالىسا وتىرىپ نەنى تاۋەكەل ەتتىڭ؟ باسكە نە قويدىڭ؟ مەن, ءتىپتى, سەنىڭ قىزمەتىڭ ءۇشىن ۇستالعانىڭ تۋرالى ەستىمەپپىن.
3. بۇل ەلدە سەن نە قۇردىڭ نەمەسە نە جاسادىڭ؟

راسىمەن, حالىق ساياساتكەرى بولعىڭ كەلسە, ەڭ اۋەلى, ءوز ەڭبەگىڭمەن تاپقان اقشاعا ءومىر ءسۇرىپ, سوعان قاناعات ەتۋدى ۇيرەن.
ساياسات &ndash؛ بۇل استاناداعى كابينەتتەردى كەزۋ ەمەس. شىنايى ساياسات &ndash؛ بۇل, ەڭ الدىمەن, جاۋاپكەرشىلىك, ارامزالىق پەن بالە ىزدەۋشىلىك ەمەس.

مارعۇلان سەيسەمبايدىڭ facebook پاراقشاسىنان