23 شىلدە, 2024 news
الماتىدا ايەل كۇيەۋىن ديرەكتور لاۋازىمىنا ورنالاستىرۋ ءۇشىن 20 ملن بەرىپ, الدانىپ قالعان
الماتى وبلىسىندا ايەل كۇيەۋىن الماتىداعى ءىرى نارىقتىڭ ديرەكتورى رەتىندە ورنالاستىرۋعا ۋادە بەرگەن الاياقتارعا 20 ملن تەڭگە قاراجات بەرگەن.
![](/media/2024/07/23/crop-131_5_396x703_kartinka_-_generalnyi_direktor_rukovoditel_organizatsii.jpg?width=600&height=480)
كورنەكى سۋرەت
بۇل تۋرالى 2024 جىلعى 22 شىلدەدە الماتى وبلىسى پوليسيا دەپارتامەنتىنىڭ (پد) باستىعى باۋىرجان الەنوۆ ايتتى.
وبلىستىق ۇيىمداسقان قىلمىسقا قارسى كۇرەس باسقارماسىنىڭ پوليسەيلەرى قاراساي اۋدانىنىڭ تۇرعىنىنان الاياقتىق جولمەن 20 ميلليون تەڭگە يەمدەنگەن ەر ادامدى ۇستادى. تەكسەرۋ بارىسىندا الاياق ارىزدانۋشىنىڭ ازاماتتىق نەكەدەگى جۇبايىن مەگاپوليستەگى ءىرى ساۋدا ورتالىقتارىنىڭ بىرىنە ديرەكتور لاۋازىمىنا تاعايىنداۋ تۋرالى ماسەلەنى شەشۋ سىلتاۋىمەن اقشا العانى انىقتالدى", دەپ جازدى ول instagram-دا.
ونىڭ ايتۋىنشا, كۇدىكتى ۋاقىتشا ۇستاۋ يزولياتورىنا قاماۋعا الىندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر