04 قىركۇيەك, 2024 news
كورنەكى سۋرەت
اقتوبە وبلىسى تەمىر اۋدانى كەڭەستۋ اۋىلىندا وقۋشىلار جانجالداسىپ, سالدارىنان كوپين ورتا مەكتەبىنىڭ 9 سىنىپ وقۋشىسى قازا تاپقان. بۇل تۋرالى جەرگىلىكتى دياپازون سايتى حابارلادى.
وبلىستىق پوليسيا دەپارتامەنتى فاكتىنى راستاپ, جانجال قاتىسۋشىلارى پوليسيعا جەتكىزىلگەنىن, ەكى كۇدىكتى ۇستالعانىن حابارلادى.
اقتوبە وبلىسى ءبىلىم باسقارماسىنىڭ باسشىسى جايىق سۇلتان وقيعا ساباقتان تىس ۋاقىتتا بولعانىن, مەكتەپتە ءتارتىپتى كۇشەيتۋ جانە بۋلينگكە قارسى شارالار قابىلدانعالى جاتقانىن جەتكىزگەن. ونىڭ ايتۋىنشا, جانجالعا قاتىسقان وقۋشىلار جاعدايى جاقسى وتباسىدان شىققان, قانداي دا ءبىر ەسەپتە تۇرماعان.
اقتوبەدە بۇعان دەيىن دە جانجال سالدارىنان 14 جاستاعى وقۋشى قازا تاپقان. وقيعا بيىل ساۋىردە سپورت مەكتەپتەرىنىڭ بىرىندە بولعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر