اباي وبلىسىندا جاڭا وقۋ جىلىندا اۋىلدىق مەكتەپتەر زاماناۋي تالاپتارعا ساي جاڭعىرتىلدى

اباي وبلىسىندا جاڭا وقۋ جىلىندا اۋىلدىق مەكتەپتەر زاماناۋي تالاپتارعا ساي جاڭعىرتىلدى

«؛قازاقستان حالقىنا»؛ قورى, ءبىلىم بەرۋ سالاسىن تۇراقتى دامىتۋ قورى جانە نازارباەۆ زياتكەرلىك مەكتەپتەرىنىڭ بىرلەسكەن «؛اۋىلدىق ايماقتارداعى تىرەك مەكتەپتەردىڭ الەۋەتىن ارتتىرۋ»؛ جوباسى شەڭبەرىندە اباي, بەسقاراعاي, كوكپەكتى جانە بورودۋليحا اۋداندارىنىڭ مەكتەپتەرى ۇلكەن قولداۋعا يە بولدى. ءار اۋداننىڭ ءبىر مەكتەبىنە 250 ميلليون تەڭگەدەن ءبولىنىپ, ولاردىڭ ماتەريالدىق-تەحنيكالىق بازاسى تولىق جاڭارتىلدى. جوبانىڭ جالپى قۇنىن 1 ميلليارد تەڭگە قۇرايدى.
جوبانىڭ ماقساتى - اۋىل مەن قالا مەكتەپتەرى اراسىنداعى ءبىلىم ساپاسىنداعى تەڭسىزدىكتى جويۋعا جاردەمدەسۋ.

بورودۋليحا اۋدانى ا.بوكەيحانوۆ اتىنداعى قازاق مەكتەبىندە 33 جاڭا كابينەت پايدالانۋعا بەرىلدى. اباي اۋدانى جالپى ءبىلىم بەرەتىن قاراۋىل گيمنازياسىندا 26 كابينەت جاڭعىرتىلدى. بەسقاراعاي اۋدانى ق.رىسقۇلبەكوۆ اتىنداعى ورتا مەكتەبىندە 35 كابينەت قايتا جابدىقتالىپ, مەكتەپتىڭ اكت زالى, سپورتزال مەن اسحاناسى جاڭارتىلدى. كوكپەكتى اۋدانى ج. ءشايجۇنىسوۆ اتىنداعى ورتا مەكتەبىندە 27 جاڭا كابينەت وقۋشىلاردىڭ يگىلىگىنە بەرىلدى.

ار اۋدانداعى مەكتەپتەردە مەكتەپالدى دايارلىق سىنىپتارىنان باستاپ, باستاۋىش, ورتا جانە جوعارى سىنىپتار ءۇشىن ارنايى جابدىقتالعان فيزيكا, حيميا, بيولوگيا, ينفورماتيكا كابينەتتەرى, قىزدار مەن ۇلدارعا ارنالعان تەحنولوگيا كابينەتتەرى, سونىمەن قاتار روبوتوتەحنيكا, art-ستۋديا, stem-زەرتحانا, intellectum كابينەتى, مۋزىكا جانە تەلەستۋديا كابينەتتەرى اشىلدى.

2022 جىلدان بەرى جوبا اياسىندا اۋىلدىق مەكتەپتەر زاماناۋي تالاپقا سايكەس جابدىقتالىپ كەلەدى. بۇعان دەيىن قايىرىمدىلىق جوباسىنا اياگوز, اقسۋات, جارما اۋداندارىنان ءۇش مەكتەپ كىرگەن.

انىقتاما ءۇشىن: اباي وبلىسىندا بارلىعى 309 مەكتەپ بار, ونىڭ ىشىندە 302- مەملەكەتتىك,7 - جەكەمەنشىك. قالالىق جەرلەردە 75, اۋىلدىق جەرلەردە 227 مەكتەپ ورنالاسقان, ونىڭ ىشىندە 154 شاعىن جيناقتى مەكتەپ بار.