فوتوكوللاج
قامشى رەداكسياسىنا اقتوبە وبلىسى ىرعىز اۋدانى نۇرا اۋىلىنىڭ ءبىر توپ تۇرعىنىنان پرەزيدەنت ق.توقاەۆتىڭ, پرەمەر-مينيستر و.بەكتەنوۆتىڭ اتىنا جولدانعان حات كەلىپ ءتۇستى. حاتقا قول قويعان 9 ادام اۋىلداعى ت.جۇرگەنوۆ اتىنداعى مەكتەپ-ينتەرنات سۋ تاسقىنى سالدارىنان جارامسىز بولىپ قالعاندىقتان, جۇمىسسىز جۇرگەنىن جەتكىزىپ, ينتەرناتتى قايتا اشۋدى سۇرايدى.
الايدا اۋدان اكىمى مەن اۋداندىق ءبىلىم ءبولىمى بالا سانىنىڭ ازدىعىنان ينتەرنات قايتا اشىلمايتىنىن ايتقان. ال وقۋشىلار بۇگىندە اۋدان ورتالىعىنا قاتىناپ وقىپ جاتقان كورىنەدى.
مەكتەپ-ينتەرناتى قىزمەتكەرلەرىنىڭ سوزىنشە, ينتەرناتتىڭ اشىلۋىن سۇراپ, 10 اتا-انا ءوتىنىش جازعان, بالالارىن وسىندا وقىتقىسى كەلەتىندەردىڭ جالپى سانى جيىرماعا جۋىقتايتىن كورىنەدى.
؛
قۇرىلىس اياقتالماي, ۇيسىز-كۇيسىز جۇرگەندە جۇمىس ورىندارىنىڭ جابىلۋى جىعىلعانعا جۇدىرىق بولدى دەگەن ارىزدانۋشىلار وسى قيىن شاقتى ەسكەرىپ, پرەزيدەنت پەن پرەمەر-مينيستردەن تىم بولماسا جۇمىس ورىندارىنىڭ ساقتالۋىنا كومەكتەسۋدى سۇرايدى. ؛
بۇدان بولەك ۇجىمدىق حاتتى جولداعان جەرگىلىكتى تۇرعىن قايرات ايجارقىنۇلى نۇرا اۋىلىنىڭ تۇرعىندارىن قۇرىلىستىڭ باياۋ ءجۇرىپ جاتقانى الاڭداتاتىنىن جەتكىزدى. سوزىنشە, جەرگىلىكتى اكىمدىك ۇيلەر قازان ايىندا پايدالانۋعا بەرىلەدى دەپ سەندىرگەنىمەن, وعان ۇلگەرمەيتىن ءتۇرى بار. ويتكەنى جۇمىس كۇشى جەتپەيدى. قورا-قوپسىنىڭ جايى ءالى بەلگىسىز. ازىرگە مال دالادا جايىلىپ ءجۇر, كۇن سۋىتقاندا ولاردى قايدا قاماپ, قايدا ۇستايتىنىن دا تۇرعىندار بىلمەي دال.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر