فوتو: ۆۆس
جاپونيادا 2024 جىلدىڭ العاشقى جارتىسىندا 40 مىڭعا جۋىق ادام ءوزىنىڭ ۇيىندە جالعىزدىقتا كوز جۇمعان, دەپ حابارلادى ۆۆس.
ۇلتتىق پوليسيا اگەنتتىگىنىڭ دەرەگىنشە, 4 مىڭ ادامنىڭ دەنەسى قايتىس بولعانىنا اي وتكەننەن كەيىن, 130 ءمايىت جىل وتكەننەن كەيىن انىقتالعان.
بۇۇ مالىمەتتەرى جاپونيا قارتتار سانى جونىنەن الەمدە ءبىرىنشى ورىندا ەكەنىن كورسەتەدى. جاپونيانىڭ حالىق سانى جانە ونىڭ الەۋمەتتىك قامتىلۋى تۋرالى ۇلتتىق ينستيتۋتى 2050 جىلعا قاراي ەلدە 65 جاستان اسقان جالعىزباستى ازاماتتار سانى 10,8 ملن ادامعا جەتەتىنىن بولجاپ وتىر.
ساۋىر ايىندا جاپون ۇكىمەتى جالعىزدىق پەن قوعامنان وقشاۋلانۋ ماسەلەسىن شەشۋگە باعىتتالعان زاڭ جوباسىن تانىستىرعان. ەلدە ۇلتتىق قارتايۋ ماسەلەسى بىرنەشە ونداعان جىلدان بەرى وتە وزەكتى. جاپونيا ۇلتتىق قارتايۋ مەن حالىق سانىنىڭ ازايۋىنا قارسى تۇرا الماي كەلە جاتقان ەلدەردىڭ ءبىرى. بىلتىر ەلدىڭ پرەمەر-مينيسترى فۋميو كيسيدا جاپونيا تۋۋ كورسەتكىشىنىڭ تومەندىگىنە بايلانىستى قوعام رەتىندە ارەكەت ەتۋىن دوعارۋدىڭ از-اق الدىندا دەپ دابىل قاققان.
تۋۋى كورسەتكىشىنىڭ تومەندىگىنەن ۇلتتىڭ قارتايۋ پروسەسى جاپونيادان بولەك, قىتاي مەن وڭتۇستىك كورەيادا دا جىلدام بەلەڭ الىپ كەلەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر