فوتو: اشىق دەرەككوز
اتوم ەنەرگەتيكاسى جانە اتوم ەلەكتر ستانسياسىنىڭ (اەس) قۇرىلىسى ماسەلەلەرىن تەرەڭىرەك تۇسىنگىسى كەلەتىن ازاماتتار ءۇشىن پورتالدا gov.kz egov mobile ءموبيلدى قوسىمشاسىندا ءجيى قويىلاتىن سۇراقتارعا جاۋاپ بەرەتىن جاڭا ءبولىم قۇرىلدى.
2 قىركۇيەكتە قازاقستان پرەزيدەنتى قاسىم-جومارت توقاەۆ رەسپۋبليكالىق رەفەرەندۋم وتكىزۋ تۋرالى جارلىققا قول قويدى, ول ەلىمىزدەگى العاشقى اتوم ەلەكتر ستانسياسىن سالۋ تۋرالى شەشىم قابىلداۋداعى شەشۋشى كەزەڭ بولادى. ؛
وسىعان بايلانىستى ءاربىر ادام سانالى تاڭداۋ جاساي الۋى ءۇشىن اتوم ەنەرگەتيكاسىنىڭ ماڭىزدى اسپەكتىلەرى تۋرالى ازاماتتاردى وقىتۋدى كۇشەيتۋ تۋرالى شەشىم قابىلداندى.
قازاقستان رەسپۋبليكاسىنىڭ ەنەرگەتيكا مينيسترلىگى سيفرلىق دامۋ, يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ gov.kz پورتالىندا جانە egov mobile ءموبيلدى قوسىمشاسىندا ارنايى اقپاراتتىق بولىمدەر ازىرلەپ, ەنگىزدى. مۇندا پايدالانۋشىلار اتوم ەنەرگەتيكاسى, اتوم ەلەكتر ستانسيالارىنىڭ قۇرىلىسى مەن جۇمىسى, ولاردىڭ قاۋىپسىزدىگى مەن قورشاعان ورتاعا جانە دەنساۋلىققا اسەرى تۋرالى وزەكتى سۇراقتارعا جاۋاپ تابا الادى.
بۇل شارالار ءاربىر قازاقستاندىقتىڭ اتوم ەنەرگەتيكاسىنا قاتىستى بارلىق اسپەكتىلەرگە وبەكتيۆتى باعا بەرىپ, رەفەرەندۋمعا تولىق جانە سەنىمدى اقپاراتپەن قاتىسۋىن قامتاماسىز ەتۋگە باعىتتالعان.
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر