17 شىلدە, 2024 news
بەسەۋدىڭ ورنىنا ءۇش ەمتيحان: قازاقستاندا وقىعىسى كەلەتىن قانداستارعا ءبىرقاتار جەڭىلدىك جاسالماق
13-20 شىلدە ارالىعىندا مەملەكەتتىك ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار قابىلدانادى.
![](/media/2024/07/17/crop-4_37_418x743_image_750x_640ea61c67c63.jpg?width=600&height=480)
كورنەكى سۋرەت
قازاقستان رەسپۋبليكاسىنىڭ ازاماتى ەمەس, ءبىراق ۇلتى قازاق ادامدار ءۇشىن جوعارعى وقۋ ورىندارىنا وقۋعا تۇسۋگە وسى جىلدان باستاپ جاڭا جەڭىلدەتىلگەن تالاپتار ەنگىزىلدى. بۇل تۋرالى "وتانداستار" قورىنىڭ ءباسپاسوز قىزمەتى حابارلادى. ؛
قانداستار ءۇشىن كەلەسى جەڭىلدىكتەر قاراستىرىلعان.
بىرىنشىدەن, قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ادامدار ءۇشىن ۇبت تاپسىرعان كەزدە شەكتىك بالل بولمايدى.
ەكىنشىدەن, بەس ەمتيحاننىڭ ورىنىنا ءۇش ەمتيحان تاپسىرادى (وقۋ ساۋاتتىلىعى جانە تاڭداعان باعىت بويىنشا ەكى بەيىندىك پاننەن)
ۇشىنشىدەن, ءتورت جوعارعى وقۋ ورنىن جانە ءبىلىم بەرۋ باعدارلاماسىن تاڭداۋعا مۇمكىندىك ساقتالىپ قالدى.
تورتىنشىدەن, قازاق ءتىلىن تولىق مەڭگەرمەگەن ازاماتتارعا ورىس تىلىندە تاپسىرۋعا مۇمكىندىك ساقتالدى.
"قۇرمەتتى قانداس تالاپكەرلەر! 13 شىلدەدەن باستاپ, مەملەكەتتىك ءبىلىم گرانتىن الۋعا قۇجاتتار قابىلداۋ باستالدى. وعان تالاپكەرلەردەن 13-20 شىلدە ارالىعىندا مەملەكەتتىك ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتار قابىلدانىپ جاتىر. سۋ تاسقىنى بولعان ايماقتىڭ (اقمولا, اقتوبە, اتىراۋ, بقو, قوستاناي, سقو) تالاپكەرلەرى ءۇشىن 13-24 شىلدە ارالىعىندا قابىلدانادى. كەز كەلگەن تالاپكەر قازاقستاننىڭ بارلىق جوعارى وقۋ ورنىنا قۇجاتتارىن تاپسىرا الادى جانە ول ونلاين تۇرىندە دە جۇزەگە اسىرىلۋدا. مەملەكەتتىك ءبىلىم بەرۋ گرانتتارىن تاعايىنداۋ قر عىلىم جانە جوعارى ءبىلىم  ؛مينيسترلىگىنىڭ قۇرعان كوميسسياسىنىڭ شەشىمىمەن بەلگىلى بولادى. وسى رەتتە, قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ۇمىتكەرلەر قۇجاتتارىڭىزدى گرانت يەگەرى بولۋعا تاپسىرۋعا اسىعىڭىزدار", &ndash؛ دەلىنگەن حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر