17 شىلدە, 2024 news
قازاقستاندىق قاتەرلى ىسىككە قارسى ءدارى سىناقتان ءساتتى ءوتتى
قاتەرلى ىسىككە قارسى وتاندىق دارى-دارمەكتەردى كلينيكالىق سىناقتان وتكىزۋدىڭ ەكىنشى كەزەڭى باستالدى.
![](/media/2024/07/17/crop-7_42_430x764_shutterstock_298303490-780x520-1.jpg?width=600&height=480)
كورنەكى سۋرەت
عىلىم جانە جوعارى ءبىلىم ءمينيسترى ساياسات نۇربەك ۇكىمەت وتىرىسىنىڭ قورىتىندىسى بويىنشا وتكەن بريفينگ بارىسىندا قازاقستاندا ازىرلەنگەن ونكولوگيانى ەمدەۋگە ارنالعان پرەپارات ادامدارعا كلينيكالىق سىناق جۇرگىزۋدىڭ ءبىرىنشى كەزەڭىنەن ءساتتى وتكەنىن مالىمدەدى. ەندى ؛قاتەرلى ىسىككە قارسى وتاندىق دارى-دارمەكتەردى كلينيكالىق سىناقتان وتكىزۋدىڭ ەكىنشى كەزەڭى باستالدى.
زەرتتەۋگە ونكولوگيامەن اۋىراتىن 15 ناۋقاس ءقاتىسقان. ؛مينيستردىڭ ايتۋىنشا, وتاندىق ءدارى ءبىرىنشى سىناقتان ءساتتى ءوتىپ, جوعارى تيىمدىلىك كورسەتتى. ساياسات نۇربەك كەلەر جىلى ؛دارى-دارمەكتى تىركەۋگە شىعارۋدى جوسپارلاپ وتىرعانىن جەتكىزدى.
&ldquo؛1 شىلدەدەن باستاپ تەستىلەۋدىڭ ەكىنشى كەزەڭى باستالدى. كلينيكالىق سىناققا 3 مىڭعا جۋىق ادام قاتىسادى. بارلىعى 5 مىڭنان استام ونكولوگيالىق ناۋقاس سىناققا قاتىسۋعا نيەت ءبىلدىرىپ, تىركەلدى. قاراجات جوعارى عىلىمي-تەحنيكالىق كوميسسيانىڭ شەشىمىمەن قاراستىرىلعان. زەرتتەۋ توبىنا ەكىنشى كەزەڭدى جۇرگىزۋگە شامامەن 2 ملرد تەڭگە تامىز ايىندا اۋدارىلادى. جىل سوڭىنا دەيىن ءبىز بارلىق دەرەكتى وڭدەيمىز&rdquo؛, &ndash؛ ؛دەدى ول.
ەكىنشى كەزەڭ ءتۇرلى قاتەرلى ىسىگى بار ادامدارعا دارى-دارمەكتى تەكسەرىپ كورۋدى قامتيدى. سىناق ؛استانا, الماتى جانە پاۆلوداردا ؛وتكىزىلەدى.
ونكولوگيانىڭ ەڭ اگرەسسيۆتى تۇرلەرىنىڭ ءبىرى &mdash؛ توق ىشەك قاتەرلى ىسىگىنىڭ iv ساتىسى انىقتالعان ناۋقاستار ەرىكتى رەتىندە قاتىسقان كلينيكالىق سىناقتاردىڭ ءبىرىنشى كەزەڭىنىڭ ناتيجەسى بويىنشا پرەپارات تيىمدىلىگىن كورسەتىپ, ىسىكتىڭ قالىپتاسۋى ورتا ەسەپپەن 30 پايىزعا ازايعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر