ءتىل جاناشىرى رۋزا بەيسەمبايتەگى: "؛جاتار ەدىم وشكەنشە سوندا..."؛
  • usd 468.56

  • eur 497.56

  • rub 7.3

  • cny 67.18

22 ءساۋىر, 21:03:33
الماتى
+35°

23 اقپان, 2024 الەۋمەت

تىل جاناشىرى رۋزا بەيسەمبايتەگى: "؛جاتار ەدىم, وشكەنشە سوندا..."؛

"؛قانشاما ادام مەنى جىندىحانادان قۇتقاردى, الىپ شىقتى! ال مەن وسى كۇنگە دەيىن ءبىر جازبا جازۋعا جارامادىم!"؛. وسىلاي دەپ باستالاتىن الەۋمەتتىك جەلىدەگى جازباسىندا رۋزا بەيسەمبايتەگى رەپرەسسياعا ءىلىنىپ كەتكە جازداعان باسىنداعى قورقىنىشتى جاعدايدى باياندايدى. انا ءتىلىن قورعايمىن دەپ جىندىحاناعا قامالىپ, كوپتىڭ نوپىرىمەن بوساپ شىققان اپايىمىز ءبىر ايعا جۋىق ۋاقىتتا ءۇن-تۇنسىز بولۋىنىڭ سەبەبىنە ءدارىنىڭ اسەرى تۇرتكى ەكەنىن ايتادى.

اشىق دەرەككوزدەن الىندى

"karakoz bek ء(جاميلاش) تىكەلەي ەفيرىمدى كورىپ, "مەنى تاستاماڭىزدارشى, مەنى" دەپ شىرىلداعانىمدى, جەدەل جاردەم كولىگىنە مەنى كۇشتەپ سالىپ اكەتكەنىنە كۋا بولىپ, جان-جاققا حابار بەرگەن. مۇنى ەستىگەن قانشاما ادام, بلوگەر, جورنالشىلار بارىنشا دابىل قاعىپ, كوپ جابىلا كەتتى. ولاردىڭ اراسىندا دەپۋتات باۋىرلارىم ەرمۇرات باپي, قازىبەك يسا, ابزال قۇسپان, جارقىنبەك امانتاي, باسقا دا قانى سۇيىلماعان حالىق قالاۋلىلارى بولعانىنا سەنىمدىمىن. ماسەلەگە تىكەلەي ارالاسىپ, مەنى قۇتقارماعاندا وسى كۇنى جاتار ەدىم, وشكەنشە سوندا. جىندىحانادان شىعىپ ۇلگەرمەگەنشە قوستانايدان اسكەربەك, ادۆوكات بالام (جۋىقتا تاعى كەلىپ كەتتى), الماتىدان بلوگەر, جورنالشى جاستار دا كەلدى, ۇنەمى مەنىمەن بايلانىستا وتىردى.

جان-جاققا حابار تاراتىپ, جۇرەگى قازاعىم دەپ سوعاتىنداردىڭ ىشىندە وسكەمەننەن جۇلدىز ءسىڭىلىم دە بولدى. جىندىحاناداعى ەكى كۇندە ەكى رەت كەلگەن سۇڭعات, مەيرام, شىعارار ۋاقىتتا الىپ كەتكەن سەرىك ەلىكباي جەرلەستەرىم شە؟ ىلەسە ۇيىمە كەلگەن جەرلەستەرىم شە؟! ىشىندە بەلسەندى جىگىتتەرمەن قاتار قازاقتىڭ ناعىز زيالىلارى, رۋحى مىقتى جورنالشى باۋىرلارىم, وبىستىق ءماسليحاتتىڭ دەپۋتاتىمەن قوسا بولدى. مەنىمەن بىرگە بولعان قانشاما ابزال ازاماتتارعا دا سترەستەن بە (ەگىپ تاستاعان دارىلەردەن بە), ريزاشىلىعىمدى سوزبەن ايتىپ جەتكىزە الماعاندىقتان, جىلاعاننان باسقا يشارا جاساي المادىم.

اراسىندا "بايحانوۆ كەتسىن" دەپ ۇرانداتقانى دا بار! اراشالاپ الەمجەلىدە ءسوز ايتقاندار شە؟! ءوز ارنالارىندا سول ازاماتتارعا ءسوز بەرگەندەر شە؟ ءبىر اپتادان كەيىن اي تولادى جىندىحانادان شىققانىما, ءبىراق سول ءسات ەسىمە تۇسسە ءالى كۇنگە دەيىن جىلاعىم كەلەدى...

ايتپاقشى, ماعان رەپرەسسيا ماشينەسىن قولدانايىق دەپ قۇلشىنىپ وتىرعان قالا پروكۋرورلارىن دا كورمەدىم, ادىلدىگىن ايتساق. بايحانوۆ پەن سكليار تۋرالى ءسوز جوق مىندا, ولار تۋرالى باسقا اڭگىمە.

قانشا ادامدار بايلانىسقا شىعىپ, مەنى قورعاشتاپ وتىردى. قانشا ءوزىم بىلمەيتىن, تانىمايتىن ادامدار قولداۋ كورسەتتى. ال بىلەتىندەرىنە, مىسالى ءوزىم جاقسى كورەتىن اقەركە قىزىمنىڭ ماعان ارناعان جازباسىنا پىكىر جازا المادىم, ويتكەنى ماعان فب بەرمەدى (قانشا بىلەتىن قۇلىندارىمنىڭ اتى اتالماي قالدى, قاپەلىمدە ەسىمە تۇسپەي)؟ ادام قۇقىقتارى بيۋروسىنىڭ وكىلدەرى, مەرۋەرت قىزىم باستاعان, جىندىحاناعا كەلگەن قۇقىقتارىمدى قورعاۋعا؟! سول اۋىر كۇندەرى ولەڭ ارناعان باۋىرلارىم! سەرىك بولاتبەكۇلى, ەرمەك نارىمباەۆ, سەرىك ءاليۇلى, ەركەبۇلان نۇرلانباەۆتار شە, وڭدى-سولدى جازبا جازىپ, مەنىڭ ماسەلەمە ەل نازارىن بۇرىپ وتىرعان جەلىدە؟ ساۋلە ءابدىلاحانقىزى شە, وندا مەن دە جىندىمىن دەپ جازعان؟ سوڭعىلارىڭىز, كەيىن كورىپ قالعاندارىم, قانشالارىڭدى الدا كورەمىن, ابزال ازاماتتارىم مەنىڭ!!! اتتەڭ بارلىعىڭىزدى قۇشاقتاعىم كەلەدى...", دەلىنگەن جازبادا.

ايتا كەتسەك, 2024 جىلى 24 قاڭتاردا پاۆلوداردا ءتىل جاناشىرى رۋزا بەيسەمبايتەگىنىڭ وبلىستىق پسيحيكالىق دەنساۋلىق ورتالىعىنا جاتقىزىلعانى بەلگىلى بولدى. بۇل حابار جۇرتتى دۇرلىكتىرىپ جىبەردى. اقىرى ەكى كۇننەن كەيىن ول كىسى كوپتىڭ نوپىرىمەن بوساپ شىقتى. رۋزا بەيسەنبايتەگى ؛كەرەكۋدەگى ءتىل جاناشىرى رەتىندە تانىمال. ول وبلىستاعى بىرنەشە جىلدان بەرى مەملەكەتتىك ءتىلدى مەنسىنبەيتىندەرمەن كۇرەسىپ كەلەدى. ؛تىل جاناشىرىنىڭ ادەتتەگى ارەكەتى بۇل جولى, وكىنىشكە قاراي, جىندىحانا وقيعاسىنا ۇلاسقان.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر