• usd 468.56

  • eur 497.56

  • rub 7.3

  • cny 67.18

25 اقپان, 11:39:35
الماتى
+35°

مەملەكەت باسشىلىعىنا ءسوزى ءتۇزۋ, تايعاناق ەمەس, جالتاق-جاعىمپاز ەمەس, تاباندى, ەل تاعدىرىن ويلايتىن ازاماتتاردى ءالى اڭساپ كەلەمىز. ونداي جاندار ءالى دە ءبىرلى جارىم. قازاق ءۇشىن قاستاندىقتىڭ قۇربانى بولعان التىنبەك سارسەنبايۇلىنىڭ ەسىمى ەرەكشە.

التىنبەك سارسەنبايۇلى &ndash؛ شەشە جاعىنان المەرەك ابىزعا جيەن, ءوزى رايىمبەك حانگەلدىنىڭ ءزاۋزاتى. ەكى اسىلدان تۋعان اسىلمان. التىنبەكتى كوزى قاراقتى قاۋىم اۋەلى ادام بالاسى جۇتىنىپ وقيتىن گازەتتەر شىعارۋشى جۋرناليست, ىسكەر مامان, كەيىن اقپارات ءمينيسترى, سوڭىندا قىساستىق كورىپ, قازاعا ۇشىراعان ۇلت جاناشىرى رەتىندە بىلەدى.

يا, التىنبەك تاقىرىبى &ndash؛ اۋىر تاقىرىپ. مۇندا بۇكىل ۇلتتىق تراگەديا جاتىر. بۇل تاقىرىپتىڭ ارتىندا قازاقتىڭ تالقاندالعان تاعدىرى جاتىر. بۇل تاقىرىپ &ndash؛ نازىك, شىكامشىل, كىرپياز. تۇلكىبۇلاڭعا سالماي, اقيقات تۋىن قاداپ جازۋ &ndash؛ ناعىز قالامگەردىڭ ءھام ۇلتىم دەگەن ازاماتتىڭ عانا قولىنان كەلەدى.

ۇلتتى كۇيرەتۋ دە, پۇشپاققا شىعارۋ دا ادامداردىڭ نيەتىنەن. التىنبەك سارسەنبايۇلىنىڭ نيەتى ەرەك, كىرشىكسىز, ءمولدىر ەدى&hellip؛
ول تۇنشىعىپ بارا جاتقان ءتىلىمىزدى بوساتۋدى نيەت ەتتى, ەگەمەندىگىمىزدىڭ قىزىعىن وزىمىزگە كورسەتۋدى نيەت ەتتى, باقۋاتتى, ەلدى رۋحاني كۇيرەۋدەن ساقتاۋدى نيەت ەتتى. سونىڭ جولىندا تىزگىن تارتپاي, ۇلت ءۇشىن كوزسىز ەرلىكتەرگە باردى.

ۇلت تامىرسىزدانا باستادى. اشارشىلىق, قۋعىن-سۇرگىن, 70 جىل بوداندىق, 30 جىلدىق جۇيەدەن حالىقتىڭ ساناسى دا, ۇلتتىق قۇندىلىعى دا, ءحال-اقۋالى دا دەگرەداسياعا ۇشىرادى. التىنبەك ۇلتتىڭ بويىنا «؛ەڭسەنى تىكتەۋ كەرەك»؛ دەگەن يدەولوگيانى سىڭىرە باستادى.

باق-قا تۇساۋ, نوقتا سالعان شاقتا سارسەنبايۇلى اقپارات مينيسترلىگىنە ءساتتى كەلىپ, ساپالى, ۇلتتىق دەڭگەيدەگى گازەت-جۋرنالداردى العى شەپكە شىعاردى. «؛كاراۆاندى»؛ ىسىرىپ, دۇڭگىرشەكتەرگە قازاق باسىلىمدارىن ءقويدى.

سويتىپ جۇرگەندە التىنبەك جۇيەنىڭ جۇگەنسىزدىگىن اڭعاردى. ەگەمەندىمىزدىڭ ماسەلەسىن قولعا الا باستاعاندا شەيىت بولدى.

فوتو: datnews.info

ال ءبىز شە؟ ءبىز نە ىستەدىك؟ ءبىز وكىندىك... شىندىقتىڭ شىڭىراۋدا قالعانىنا وكىندىك. كوپ نارسەدە كەشىككەنىمىزگە وكىندىك. ءالى وكىنىپ كەلەمىز.

ەندى وكىنە بەرمەي, ارەكەت ەتۋ كەرەك. جاستار قىزىلدى-جاسىلدى قاۋىمدى ەمەس, ۇلت ءۇشىن جانىن بەرگەن ءىرى تۇلعا التىنبەك سارسەنبايۇلىن ۇلگى ەتۋى كەرەك.

بۇگىن التىنبەك سارسەنبايۇلىنىڭ دۇنيەدەن وتكەنىنە 18 جىل بولدى. 18 جىلدا ءبىز نە ىستەي ءالدىق؟

تىپتى جۇرگەن جەرىمىزدە قازاقشا سويلەي الىپ ءجۇرمىز بە؟ الدە التىنبەكتىڭ اتىنا كوشە, مەكتەپتەر بەرىپ, رۋحىن ءبىر اۋناتىپ تۇسىردىك پە؟

التىنبەكتىڭ اۋىر تاعدىرى تۋرالى سپەكتاكلدەر قويۋ قولىمىزدان كەلمەي مە؟

بالكىم, سوندا التىنبەكتىڭ رۋحى ءبىزدى كەشىرەر&hellip؛

بالكىم, سوندا قازاقتان جۇزدەگەن التىنبەكتەر شىعار. بالكىم, «؛جاڭا قازاقستان»؛ وسىدان باستالار؟

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر