فوتو: qamshy.kz
الماتىداعى قىتاي كونسۋلدىعىنىڭ الدىندا ءبىر توپ ادام قىتاي تۇرمەلەرىندە جاتقان تۋىستارىنا بوستاندىق تالاپ ەتىپ جۇرگەنىنە بۇگىن 500 كۇن بولدى. وسى ارالىقتا قىتاي بيلىگىنىڭ وكىلدىگىنەن بىردە-بىر ادام شىعىپ ؛نارازى جۇرتپەن سويلەسكەن ەمەس. تەك اكىمدىك, پوليسيا, پروكۋراتۋرا وكىلدەرى ادەتتەگىدەي جينالعانداردىڭ ارەكەتى زاڭسىز ەكەنىن, ايىپپۇل سالىناتىنىن, گازەل كولىگىنە تيەپ اكەتەتىنىن ەسكەرتەدى. كوز ۇيرەنگەن كورىنىس بۇگىن دە قايتالاندى.
نارازى توپ بايتاسوۆ كوشەسىنىڭ باتىس جاعىنان كورىنىپ, كونسۋلدىق عيماراتىنا قاراي بەتتەگەنى سول-اق ەكەن, ولاردىڭ الدىن پوليسيا قىزمەتكەرلەرى كەسكەستەپ, كونسۋلدىققا ماڭايلاتپادى.
قولىنا تۇرمەدە جاتقان جاقىندارىنىڭ سۋرەتتەرى مەن ءتۇرلى پلاكات ۇستاپ شىققان ادامدار كىدىرگەن جەرىندە تالاپتارىن ايتا باستادى.
"بىزدىڭ تۋىسقاندارىمىز قايدا", "قىتاي تۋىستارىمىزدى جىبەرسىن", "تۇرمەدە جاتقان تۋىستارىمىزدى بوساتىپ, ءۇيقاماقتا, قىتايدىڭ قىسپاعىندا وتىرعان باۋىرلارىمىزدى قازاقستانعا جىبەر", "قازاقستانعا تۋىستارىمىز كەلمەيىنشە, ءبىز ەشقاشان سەنىڭ ەلشىلىگىڭنىڭ الدىنان كەتپەيمىز, قىتاي, ەستىپ قوي", "قىتاي, گەنوسيدتى توقتات", "كونسلاگەرلەر جابىلسىن", "قىتاي, بىزدىڭ ؛كىناسىز وتباسىمىزدى جىبەرمەي, بىزدەن قۇتىلمايسىڭ" دەپ ايقايلادى جينالعاندار. ؛
نارازىلىققا شىققاندار تۋىستارىنا بوستاندىق سۇراپ ارىزدانىپ جۇرگەنىنە 5 جىلدان اسقانىن, قىتاي كونسۋلدىعىنىڭ الدىنا كەلىپ جۇرگەنىنە 500 كۇن تولعانىن ايتادى. ولار وسى ارالىقتى ءبىر ادام شىعىپ, تالاپتارىن تىڭداماعانىنا اشىنادى.
سوزدەرىنشە, وزدەرى دە, قاماۋداعى تۋىستارى دا ەشقانداي زاڭعا قايشى ۇيىمعا كىرمەگەن. تەك تۋىستارىن يمام بولعانى, 5 ۋاقىت ناماز وقىپ, ورازا ۇستاعانى ءۇشىن تۇرمەگە جاپقان.
سونداي-اق جينالعاندار "قىتاي بيلىگى شىڭجاڭ ولكەسىندەگى قازاقتاردى قىتايدىڭ ىشكى ولكەلەرىندە ءماجبۇرلى ەڭبەككە سالىپ جاتىر, بۇعان توقتاۋ سالىنسىن" دەيدى.
نارازى توپ اكىمدىك, پوليسيا مەن پروكۋراتۋرا قىزمەتكەرلەرىنىڭ قايتا-قايتا ەسكەرتۋىنەن كەيىن سوزدەرىن پرەزيدەنتتەن كومەك سۇراپ, "توقاەۆ مىرزا, وتباسىمىزدى اكەلىپ بەرىڭىز, ىزدەن ۇلكەن ءۇمىت كۇتەمىز" دەگەن وتىنىشپەن اياقتاپ, تاراستى.
؛
ادام قۇقىعىن قورعاۋ بويىنشا حالىقارالىق ۇيىمدار قىتايدى شىڭجاڭداعى قازاق, ۇيعىر سەكىلدى يسلام ءدىنىن ۇستاناتىن حالىقتارعا "گەنوسيد جاساپ وتىر" دەپ ايىپتايدى. رەسمي پەكين مۇنى تەرىستەيدى. قازاقستان ۇكىمەتى قىتاي تۇرمەلەرىندە جاتقان ەتنيكالىق قازاقتار ماسەلەسىنە "قىتايدىڭ ىشكى ءىسى" دەپ ارالاسۋعا قۇلىقتى ەمەس. بۇۇ دەرەكتەرىندە 2017 جىلدان بەرى اشىلعان شىڭجاڭداعى لاگەرلەردە 1 ميلليوننان استام مۇسىلمان قامالعانى ايتىلادى. لاگەرلەردەن بوساپ شىققان ايەل ادامدار ول جاقتا زورلىق-زومبىلىققا, ەركەكتەر ازاپتاۋعا ۇشىراعانىن ايتقان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر