• usd 431.41

  • eur 452.94

  • rub 6.92

  • cny 63.83

20 مامىر, 17:03:34
الماتى
+21°

قر جوعارعى سوتىنىڭ ءتوراعاسى جاقىپ اسانوۆتىڭ
قر باس پروكۋرورى عيزات نۇرداۋلەتوۆتىڭ
قر ىشكى ىستەر ءمينيسترى ەرلان تۇرعىمباەۆتىڭ


نازارىنا

قامشى رەداكسياسىنا شىمكەنت قالاسىنىڭ ۇلان قيلىمبەك اتتى تۇرعىنى حابارلاسىپ, ءوزىن بيزنەستەگى سەرىكتەسى قورقىتىپ, الماعان اقشاسىن الدى دەپ قولحاتقا قول قويدىرىپ, ۆيدەوعا ءتۇسىرىپ العانىن ايتتى. ونىڭ سوزىنشە, جەرگىلىكتى پوليسيا ءبولىمى جابىرلەنۋشى شاعىمى بويىنشا قوزعالعان ءىستى دالەل جەتكىلىكسىزدىگىن جەلەۋ ەتىپ سوتقا جەتكىزبەي وتىر. ماسەلەنىڭ ءمان-جايى جازىلعان وقىرمان حاتى تومەندە قاز-قالپىندا ۇسىنىلعان. قامشى &ndash؛ ەركىن اقپارات الاڭى. ەگەر تومەندەگى حاتتا اتى-جوندەرى اتالعان اسىلحان قارساقباەۆ پەن تەرگەۋشى رۇستەم قۋانىشبەكوۆ وي-پىكىرىن بىردىرگىسى كەلسە, جاريالاۋعا ءازىرمىز.

مەن, جابىرلەنۋشى ۇلان قيلىمبەك 2017 جىلدىڭ ماۋسىم ايىنان اسىلحان قارساقباەۆ اتتى ازاماتتىڭ شىمكەنت قالاسىندا اشقان تەلەفون اكسەسسۋارلارىن ساتاتىن «؛قازىنا»؛ دۇكەنىندە قىتاي تىلىنەن اۋدارماشى ءارى ساتۋشى بولىپ جۇمىس ىستەپ كەلدىم. اراسىندا قىتايدان قازاقستانعا تاۋار اكەلىپ ساتىپ, كاسىپ جاساپ جۇردىك.

بىردە اسىلحان قارساقباەۆتىڭ دوسىنىڭ قۇنى 12 ملن تەڭگەلىك جيھازعا كەرەكتى زاتتارىن قىتايدان قازاقستانعا جەتكىزىپ بەردىم. قىتاي ساۋداگەرلەرى ۇلكەن سومادا تاۋار العانىم ءۇشىن 200 مىڭ تەڭگە كولەمىندە «؛شوتال»؛ بەرگەن. سونى ءبىلىپ قويعان اسىلحان قارساقباەۆ «؛وسى ۋاقىتقا دەيىن مەنىڭ دە تاۋارلارىمنىڭ ۇستىنەن پايدا تاۋىپ جۇرگەن شىعارسىڭ»؛ دەپ كۇدىكتەنە باستاپ, «؛شوتال»؛ رەتىندە العان 200 مىڭ تەڭگەنى وزىنە قايتارۋىمدى تالاپ ەتتى. 2019 جىلدىڭ 27 جەلتوقسانىندا اسىلحاننىڭ كولىگىمەن 3 جىگىت مەنى ەكى جاعىمنان ۇستاپ اعام ۇلاربەكتىڭ ۇيىنە اپاردى. مەن اعاممەن جولىعىپ, اقشانى الىپ, تۇنگى ساعات 2-دە 200 مىڭ تەڭگەنى اسىلحاندارعا بەردىم. ونى قاسىمداعى ءبىر جىگىت كورىپ تۇردى. اڭگىمە وسىمەن بىتكەن شىعار دەپ ويلاعانمىن.

الايدا ەرتەسى اسىلحان مەنى ساعات 9-دا تاعى شاقىرىپ الىپ «؛2017 جىلى قازان ايىندا قىتايعا بارعاندا جەتى مىڭ دوللار اقشام جوعالعان. سونى سەن الدىڭ»؛ دەپ نەگىزسىز جالا جاپتى. 3 ادام بولىپ ۇردى, سوقتى, باسىما پاكەت كيگىزىپ تۇنشىقتىردى. اقىرى «؛3 ملن اقشا ۇرلادىم»؛ دەپ قولحات جازىپ بەرۋىمدى ماجبۇرلەدى.

قولحاتتا «؛مەن قيلىمبەك ۇلان قارساقباەۆ اسىلحاننان 3 ميلليون تەڭگە اقشا الدىم, 2020 جىلعى ءساۋىر ايىنىڭ 15-نە دەيىن «؛hyundai elentra»؛ اۆتوكولىگىن اكەلىپ بەرەمىن. كەپىلگە ءوزىمنىڭ ءمىنىپ جۇرگەن «؛toyota camry»؛ اۆتوكولىگىمدى, جۇرگىزۋشى كۋالىگىمدى, اۆتوكولىك قۇجاتىن جانە جەكە كۋالىگىمدى, lg تەلەفونىمدى, samsung s8 تەلەفونىمدى قالدىرىپ كەتتىم»؛ دەلىنگەن. ءىس جۇزىندە ونىڭ ەشقانداي اقشاسى ۇرلانباعان.

ەشكىمنىڭ اقشاسىن الماعاندىقتان, كىناسىز ەكەنىمدى زاڭ جۇزىندە دالەلدەپ, قۇقىعىمدى قورعاعىم كەلىپ, شىمكەنتتەگى اباي اۋداندىق پوليسيا بولىمىنە ارىزداندىم. 2019 جىلدىڭ 31 جەلتوقسانىندا ارىزىمدى تەرگەۋشى رۇستەم قۋانىشبەكوۆ قابىلدادى.

2020 جىلدىڭ 2 قاڭتارىندا ر.قۋانىشبەكوۆ مەنى اسىلحان قارساقباەۆپەن بەتتەستىردى. قارساقباەۆ پوليسيا بولىمشەسىندە ءوزىنىڭ كىناسىن تولىق مويىنداپ, مەنەن كەشىرىم سۇرادى. مەنەن تارتىپ العان مۇلىكتى قايتارىپ بەرۋگە ۋادە بەردى.

جەكە كۋالىگىمدى, اۆتوكولىگىمدى, اۆتوكولىكتىڭ قۇجاتتارىن, lg تەلەفونىمدى قايتارىپ بەرگەنىمەن, ماعان بۇعان دەيىن بەرىلگەن 300 مىڭ تەڭگە قارىزدىڭ وتەۋى رەتىندە كولىك جۇرگىزۋ كۋالىگىمدى جانە s8 تەلەفونىمدى وزىنە الىپ قالدى. الىس-بەرىسىمىز, ورتاق ىستەرىمىز بولعان سوڭ قارىز العانىم راس. ونى قايتارۋدان قاشپايمىن. تەك ادام سەكىلدى سويلەسسە بولادى عوي. ول ولاي ىستەمەك تۇگىلى, «؛قايدا شاعىمدانساڭ, وندا شاعىمدان, قولىڭنان كەلگەنىن ىستەپ ال. پوليسيامەن ماسەلە شەشىلگەن سوڭ اياعىڭدى شاعام»؛ دەپ قوقان-لوقى كورسەتتى. جۇرگىزۋشى كۋالىگىم مەن تەلەفونىمدى الا المادىم. بۇل ازداي اسىلحان مەنىڭ تەلەفونىممەن الدەكىمدەرگە حات جازىپ, قىلمىستىق ىستەرگە شاقىرىپ, مەنى قارالاۋعا تىرىسىپ ءجۇر.

ال تەرگەۋشى ر.قۋانىشبەكوۆ ءوز تاراپىنان ءتيىستى ەشتەڭە ىستەپ وتىرعان جوق. سونىڭ سالدارىنان قازاقستان قىلمىستىق كودەكسىنىڭ 179-بابى (قاراقشىلىق, ياعني بوتەن مۇلiكتi ۇرلاۋ ماقساتىندا شابۋىل جاساۋعا ۇشىراعان ادامنىڭ ءومiرi مەن دەنساۋلىعىنا قاۋiپتi كۇش كورسەتۋمەن نەمەسە تiكەلەي وسىنداي كۇش قولدانامىن دەپ قورقىتۋمەن ۇشتاسقان شابۋىل جاساۋ) بويىنشا 2019 جىلدىڭ 31 جەلتوقسانىندا قوزعالعان ءىس ءالى جىلجىماي تۇر.

ر.قۋانىشبەكوۆ قارساقباەۆپەن ءسوز بايلاسىپ العان با, ءىستى سوتقا جولداماي وتىر. سوزىنشە, دالەل جەتىسپەيدى ەكەن. 2020 جىلدىڭ 2 قاڭتارىندا كابينەتىندە بولعان اڭگىمەنى «؛ۇمىتىپ»؛ قالعان سياقتى. كابينەتتە قارساقباەۆتىڭ كىناسىن مويىنداعانىن جوققا شىعاردى. ءىس بارىسى بويىنشا ونىمەن سويلەسۋ, كەزدەسۋ مۇمكىن ەمەس. قوڭىراۋ شالساڭ, تۇتقانى كوتەرمەيدى. جولىعايىن دەپ ىشكى ىستەر بولىمىنە بارساڭ, ىشكە كىرگىزبەيدى. اڭدىپ تۇسكى اسقا شىققان ۋاقىتىندا ۇستاپ الماساڭ, كورۋىڭ مۇڭ. مەنىڭ تەرگەۋشىنى اۋىستىرۋ تۋرالى جازعان ارىزىمنان ەشتەڭە شىقپادى.

وسى حات ارقىلى ساعىزشا سوزىلىپ بارا جاتقان ءىس سوتقا جەتىپ, اسىلحان قارساقباەۆقا ءتيىستى شارا قولدانىلىپ, ماسەلەگە نۇكتە قويىلسا ەكەن دەيمىن.

qamshy.kz

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر