• usd 425.02

  • eur 450.1

  • rub 7.17

  • cny 63.75

22 مامىر, 17:29:00
الماتى
+11°

بۇل تۋرالى بريفينگتە ماڭعىستاۋ وبلىستىق دەنساۋلىق ساقتاۋ باسقارماسىنىڭ باسشىسى جامال جامانباەۆا مالىمدەدى. بۇل دەرت بەلگىلەرى سيمپتومدىق جانە سيمپتومسىز دەپ ەكىگە بولىنەدى.

«؛بىزدىڭ وڭىردە ۆيرۋستىڭ سيمپتومدىق تۇرىنە شالدىققان 379 ادام بار. اقتاۋ قالاسىندا 105, جاڭاوزەندە 38, ءتۇپقاراعان اۋدانىندا 6, قاراقيا اۋدانىندا 47, ماڭعىستاۋ اۋدانىندا 14, مۇنايلى اۋدانىندا 22, بەينەۋ اۋدانىندا 147 ناۋقاس تىركەلدى. ونىڭ ىشىندە 14 جاسقا دەيىنگى بالالاردىڭ سانى 49-دى قۇرايدى. سىرتتان كەلىپ تىركەلگەن ناۋقاستار التى ادام. جەرگىلىكتى جەردەن 147 اۋرۋ ازامات انىقتالدى. سىرقاتتارمەن جاقىن قارىم-قاتىناستا بولعان 226 ادام تىركەلدى»؛ - دەدى ج.جامانباەۆا.

قازىرگى تاڭدا وبلىس كولەمىندە ينفەكسيالىق ستاسيونارلار جۇمىس ىستەپ تۇر. اقتاۋداعى ستاسيوناردا 66 ادام, بەينەۋ اۋدانىندا 39, جاڭاوزەن قالاسىندا 39 ادام ەمدىك شارالارىن قابىلداپ جاتىر.

«؛ال, اقتاۋداعى پروۆيزورلىق ستاسيوناردا 153 ادام بار. شەتپە اۋىلىندا 4 ادام, جەتىبايدا 4 ادام, جاڭوزەندە 11, بەينەۋ اۋدانىندا 59 ادام ەمدەلۋدە. قازىرگى ۋاقىتتا بۇل اۋرۋدى جۇقتىرۋ نەگىزىنەن جاقىن قارىم-قاتىناس ەسەبىنەن تىركەلىپ جاتىر. بۇل رەتتە 47,8 پروسەنتكە جەتىپ وتىر. بۇل وتە جوعارى كورسەتكىش. سونىڭ ىشىندە ءبىزدى الاڭداتىپ وتىرعانى بەينەۋ اۋدانىنداعى احۋال. الگى اۋدانعا 6 مامىر كۇنى وبلىس اكىمىنىڭ ورىنباسارى ق.جۇماشەۆ, 18 مامىر كۇنى وبلىس اكىمىنىڭ ورىنباسارى ن.قيلىباەۆ باستاعان ماماندار, 4 دارىگەرلەر بريگاداسى بارعان بولاتىن. بۇل بريگادالار سول جەردە جۇمىس جاساپ كەلدى. قوسىمشا اشىلاتىن ستاسيونارلاردى تەكسەرىپ, كارانتين ۋاقىتىندا اتقارىلىپ جاتقان ىس-شارالارمەن تانىستى. مەديسينالىق قۇرال-جابدىقتار مەن جەكە قورعانىش قۇرالدار قورىنىڭ جەتكىلىكتى ەكەندىگىنە كوز جەتكىزۋگە باسا ءمان بەرىلدى»؛ - دەدى وڭىرلىك دەنساۋلىق ساقتاۋ باسقارماسىنىڭ باسشىسى.

ۆەدومستۆو جەتەكشىسىنىڭ سوزىنشە, جۋىق ارادا ء5-شى دارىگەرلىك بريگادا بەينەۋ اۋدانىنا جىبەرىلەدى. اق حالاتتى ماماندار ءقازىر سوعان دايىندىق ۇستىندە.

وكىنىشكە قاراي, covid-19 دەرتىنە شالدىققانداردىڭ اراسىندا مەديسينا قىزمەتكەرلەرى دە بار. ناۋقاستارعا ەمدەۋگە جۇمىلعان 61 ماڭعىستاۋلىق دارىگەردەن وسى سىرقات بەلگىلەرى انىقتالدى. ونىڭ 29-ى ءقازىر اۋرۋحانادا جاتىر. تاعى ء21-ى جازىلىپ شىققان. قالعان 19-ى ءۇي جاعدايىندا باقىلاۋدا ۇستالىپ وتىر.

«؛وسىعان وراي بارلىق ازاماتتاردى جەكە كارانتين ەرەجەلەرىن قاتاڭ ساقتاۋعا شاقىرامىن. توي-ساداقا, باسقا دا شارالارعا بارىپ جۇرگەن ادامدار بار. بۇل, وزىنە دە, جاقىندارىنىڭ ومىرىنە ءقاۋىپتى. قوعامدىق ورىندا, جابىق كەشەندە مۇمكىندىگىنشە ارقاشىقتىق ساقتاپ, بەتپەردە تاعىپ ءجۇرۋ كەرەك. كەڭسە قىزمەتكەرلەرىنىڭ ۇيدەن جۇمىس جاساۋىنا اۋىسقانى ابزال. تۋعان-تۋىستارىڭىزبەن تەلەفون, بەينەقوڭىراۋ ارقىلى سويلەسكەنىڭىز دۇرىس. بەتى-قولىڭىزدى ءجيى سابىنداپ جۋىپ, سانيتايزەرلەرمەن ءسۇرتىپ ءجۇرۋ ماڭىزدى. ءوزىڭىزدىڭ جانە وتباسى مۇشەلەرىنىڭ دەنە تەمپەراتۋراسىن ءجيى ولشەپ تۇرىڭىز. ەگەر دە, بويىڭىزدان السىزدىك, باس اۋىرۋى, تاماق اۋىرسا, دەنە قىزۋى كوتەرىلسە دەرەۋ دارىگەرگە حابارلاسۋ كەرەك. ۇيدە وتىرىپ ەمدەلۋگە بولمايدى. وسىنى ەستە ساقتاڭىزدار»؛ - دەيدى ماڭعىستاۋ وبلىستىق دەنساۋلىق ساقتاۋ باسقارماسىنىڭ باسشىسى جامال جامانباەۆا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر