• usd 378.65
  • eur 430.07
  • rub 6
  • cny 55.1
23 قىركۇيەك، 00:27:56
كەكىلباەۆقا ارنالعان كەش

14 تامىز، 2019 news

ۇلتتىق تەاترلار قوستانايدا وتەتىن فەستيۆالعا جينالادى

فەستيۆال باعدارلاماسى ءتورت كۇنگە ازىرلەنگەن.

ۇستىمىزدەگى جىلدىڭ 20-23 تامىز ارالىعىندا قازاقستاننىڭ ۇلتتىق (ەتنيكالىق) تەاترلارىنىڭ v رەسپۋبليكالىق فەستيۆالى وتەدى. ؛قازىلار القاسى رەتىندە ە.جۋاسبەك، م.توكارەۆ، ا.ەركەباي، س.قاميەۆ سياقتى تانىمال تەاتر سىنشىلارى مەن ارتىستەرى، سونداي-اق قر پارلامەنتى ءماجىلىسىنىڭ دەپۋتاتى ن.جۇمادىلداەۆا ءوز تاراپتارىنان فەستيۆالعا قاتىسۋعا دايىندىقتارىن ءبىلدىردى، &ndash؛ دەپ حابارلايدى ؛qamshy.kz اقپارات اگەنتتىگى.

فەستيۆال باعدارلاماسى ءتورت كۇنگە ازىرلەنگەن. فەستيۆالدىڭ سالتاناتتى اشىلۋ ءراسىمى 20 تامىزدا ساعات 10:00-دە ءى. وماروۆ اتىنداعى قوستاناي وبلىستىق قازاق دراما تەاترىندا وتەدى.

ودان كەيىن مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترىنىڭ ترۋپپاسى ("ماحاببات تۋرالى پوەما" سپەكتاكل-ەپوسى) جانە قوستاناي وبلىستىق ورىس دراما تەاترىنىڭ ترۋپپاسى ("اق كەلىننىڭ ماحابباتى مەن ءولىمى" تراگەدياسى) ۇزدىك قويىلىمدارىن ۇسىنادى.

ەكىنشى كۇنى، 21 تامىزدا، كورەرمەن الدىندا شىمكەنت قالالىق وزبەك دراما تەاترىنىڭ ("قاسقىر ۇلىعان ءتۇن" دراماسى) جانە ءى. وماروۆ اتىنداعى قوستاناي وبلىستىق قازاق دراما تەاترىنىڭ ارتىستەرى ("اق باس بۇركىت" دراماسى) ونەر كورسەتەدى.

ال ءۇشىنشى كۇنى، 22 تامىزدا، تەاتر ساحناسىندا مەملەكەتتىك ك. قوجامياروۆ اتىنداعى مەملەكەتتىك رەسپۋبليكالىق اكادەميالىق ۇيعىر مۋزىكالىق كومەديا تەاترىنىڭ ۇجىمى ونەر كورسەتەدى ("اپات" مۋزىكالىق پلاستيكالىق سپەكتاكلى).

فەستيۆالدىڭ سالتاناتتى جابىلۋى مەن جەڭىمپازداردى ون نوميناسيا بويىنشا ماراپاتتاۋ قازاقستان حالقى اسسامبلەياسى ءتوراعاسىنىڭ ورىنباسارى ج.ق. تۇيمەباەۆتىڭ، قر مادەنيەت جانە سپورت ءمينيسترى ا.ر. رايىمقۇلوۆانىڭ، قوستاناي وبلىسىنىڭ اكىمى ا.ب. مۇحامبەتوۆتىڭ قاتىسۋىمەن 23 تامىزدا ساعات 10:00-دە جاستار سارايىندا وتكىزىلەدى.

سونىمەن قاتار، نەگىزگى باعدارلامادان تىس فەستيۆال قاتىسۋشىلارى ءۇشىن قوستاناي قالاسىنىڭ كورىكتى جەرلەرىن كورسەتۋگە ارنالعان مادەني باعدارلاما قاراستىرىلعان.

فەستيۆال قازاقستان رەسپۋبليكاسىنىڭ مادەنيەت جانە سپورت مينيسترلىگى قازاقستان حالقى اسسامبلەياسىنىڭ، قوستاناي وبلىسى اكىمدىگىنىڭ قولداۋىمەن ؛ۇيىمداستىرىلۋدا.

بارلىق كورەرمەندەرگە فەستيۆالعا كىرۋ تەگىن.

 ؛

ىلمەك سوزدەر: تەاتر فەستيۆال

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر