19 قاراشا, 2024 news
دەپۋتات الماتى مەتروسىنىڭ قۇرىلىسىنا 1 ميلليارد دوللار ءبولۋدى ۇسىندى
ء
ماجىلىس دەپۋتاتى سەرگەي پونومارەۆ الماتى مەتروسىنىڭ قۇرىلىسىن جالعاستىرۋ ءۇشىن قوماقتى قارجى ءبولىپ, بيۋدجەت كودەكسىنە سوعان ساي وزگەرىس ەنگىزۋدى ۇسىندى.
فوتو: metroalmaty
پارلامەنت ءماجىلىسىنىڭ دەپۋتاتى سەرگەي پونومارەۆ instagram الەۋمەتتىك جەلىسىنە ۆيدەو جاريالاپ, وندا الماتى قالاسى مەتروسىنىڭ قۇرىلىسىن جالعاستىرۋ ءۇشىن 1 ميلليارد دوللار ءبولۋ جونىندە ۇسىنىس جاساعانى تۋرالى باياندادى.
-ۇكىمەت كەپىلدىگىمەن مەترو قۇرىلىسىنا 1 ملرد دوللار ءبولىنسىن. جوبا نە سەبەپتى ماڭىزدى؟ سەبەبى الماتىدا قوزعالۋ مۇمكىن ەمەس. بىزدەگى مەترو ەمەس, سوقىرشەك قانا. پرەزيدەنت مەترونىڭ ەكى جەلىسىن سالۋدى تاپسىرعان. اۋەجايدان "بارلىق" بازارىنا دەيىن. ونى جۇزەگە اسىرۋ ءۇشىن كوپ قاراجات قاجەت, - دەپ مالىمدەدى. سونداي-اق پونومارەۆتىڭ پىكىرىنشە, مەترونى تەز ارادا سالۋ قاجەت, ويتكەنى كولىك كەپتەلىسىنەن كوز اشپايتىن الماتى تۇنشىعىپ جاتىر.
-اۋقىمدى قاراجات. اقشا "ەكسيمبانك" ارقىلى الىنادى. جوسپار بويىنشا, جىلىنا 8-13 ملرد تەڭگەدەن وتەلىپ وتىرادى. سەگىز جىلدا قاراجات تولىق تولەنىپ, مەترو دا سالىنادى دەپ ۇمىتتەنەمىن, - دەدى دەپۋتات.
سەرگەي پونومارەۆ بيۋدجەت كودەكسىنە وسىنداي وزگەرىس ەنگىزۋدى ۇسىنعانىن, وسىعان قاتىستى حاباردى حالىققا جەتكىزىپ وتىراتىنىن دا ايتتى. ؛
بۇعان دەيىن وتكەن جىلى جەلتوقسان ايىندا الماتى مەتروسىنىڭ "قالقامان" بەكەتى 2025 جىلى اشىلاتىنى ءمالىم بولعان-دى. كەيىن 2030 جىلعا دەيىن "بارلىق" بازارىنا دەيىن تاعى ءۇش بەكەت اشۋ جوسپاردا بار ەكەنى حابارلانعان بولاتىن. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر