18 قاراشا, 2024 news
جوشى حان: قازاقستاندا تاريحي سەريالدىڭ تۇسىرىلىمىنە دايىندىق باستالدى
2024 جىلدىڭ كوكتەمىندە التىن وردانىڭ نەگىزىن قالاۋشى جوشى حان تۋرالى شاعىن سەريال تۇسىرىلەتىنى ايتىلعان.
اشىق دەرەككوزدەن
بۇگىن جوبانىڭ اتقارۋشى پروديۋسەرى ءارى رەجيسسەرى ەمرە شاحين, پروديۋسەر فيكرەت مانوگلۋ جانە قويۋشى-سۋرەتشى زەكي سارايوگلۋ استاناعا قازاقستان رەسپۋبليكاسىنىڭ مەملەكەتتىك كەڭەسشىسى ەرلان قارينمەن كەزدەسۋگە كەلدى.
karga seven ؛pictures ؛پروديۋسەرلىك ورتالىعىنىڭ مالىمەتىنشە, سەريال سەنارييى جازىلىپ بىتكەن. ال سەنارييدى دايىنداۋعا ؛دجاستين پوللارد ("ۆيكينگتەر") جانە كلەر مورسۋم ("وۋتلوۋ كينگ") سياقتى تانىمال جازۋشىلارمەن قاتار قازاقستاندىق جانە حالىقارالىق تاريحشىلار, ساراپشىلار قاتىسقان.
karga seven pictures وكىلدەرى سەنارييدى ازىرلەۋ جوشى ۇلىسى مەن التىن وردانىڭ تاريحىن, سونداي-اق كوشپەلى حالىق پەن قازاقتاردىڭ مادەني قۇندىلىقتارى جانە ءومىر سالتىن تەرەڭ زەرتتەۋدى قامتىعانىن ايتتى. اۆتورلار ءتۇسىرىلىم ورىندارى ىزدەستىرىلىپ جاتقانىن جانە قازىرگى ۋاقىتتا كاستينگ ءوتىپ جاتقانىن تىلگە تيەك ەتتى. سەريالدىڭ ءتۇسىرىلىمى جاقىن ارادا باستالادى.
قاريننىڭ سوزىنشە, جوبانىڭ ماڭىزدىلىعىنا توقتالىپ, جوشى حان داۋىرىندە ءومىر سۇرگەن ويشىلدار الەمدىك تاريح پەن گەوساياساتقا ەرەكشە اسەر ەتتى.
وز كەزەگىندە karga seven pictures وكىلدەرى التىن وردانىڭ تاريحى الەمدىك اۋديتوريا مەن حالىقارالىق ديستريبيۋتورلاردىڭ قىزىعۋشىلىعىن تۋدىرعانىن العا تارتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر