13 قاراشا, 2024 news
بقو-دا اكەسىن ولتىرگەن تۇرعىن 10 جىلعا سوتتالدى
بقو قىلمىستىق ىستەر جونىندەگى مامانداندىرىلعان اۋدانارالىق سوتىندا اكەسىن ولتىرگەن ي-عا قاتىستى ۇكىم شىقتى.
اشىق دەرەككوزدەن
اتالمىش سوتتان ءمالىم ەتكەندەي, وعان قر قك 99-بابى 1-بولىگىنە (ادام ءولتىرۋ) سايكەس ايىپ تاعىلدى. ؛وقيعا سىرىم اۋدانى قوڭىر اۋىلىندا بولعان. ىشىمدىك ىشكەن ي. ماس كۇيىندە اكەسىمەن سوزگە كەلىپ, اعاشپەن ونىڭ باسىنان جانە يىعىنان بىرنەشە رەت سوققى جۇمساعان. سالدارىنان اكەسى وقيعا ورنىندا جان تاپسىرعان. «؛سوتتالۋشى ءوز كىناسىن تولىق مويىنداپ, ىسىنە وكىنەتىنىن ايتتى. سوتتىڭ ۇكىمىمەن ي. وزىنە تاعىلعان ايىپ بويىنشا اسا اۋىر قىلمىستى جاساعانى ءۇشىن كىنالى دەپ تانىلدى. ۇكىمدى شىعارۋ كەزىندە سوتتالۋشىنىڭ مىنەز-قۇلقى, قوعامدىق قاۋىپتىلىك دارەجەسى مەن جاساعان قىلمىسىنىڭ اۋىرلىعى جانە شىن نيەتپەن وكىنۋى ەسكەرىلدى. سوت زاڭ تالاپتارىن نەگىزگە الا وتىرىپ, ي-عا قر قك-نىڭ 99-بابىنىڭ 1-بولىگىمەن 10 جىل باس بوستاندىعىنان ايىرۋ جازاسىن تاعايىندادى. جازاسىن قاۋىپسىزدىگى بارىنشا جوعارى قىلمىستىق-اتقارۋ جۇيەسى مەكەمەسىندە وتەۋ بەلگىلەندى. سوت ۇكىمى زاڭدى كۇشىنە ەندى»؛, - دەپ حابارلادى ۆەدومستۆودان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر