08 قاراشا, 2024 news
يمانعالي تاسماعامبەتوۆ الەمدە كۇشەيە تۇسكەن قاۋىپ-قاتەرلەردى اتادى
ۇقشۇ ۇيىمعا مۇشە مەملەكەتتەردىڭ قاۋىپسىزدىگىن قامتاماسىز ەتۋ بويىنشا ءتيىستى شارالار قابىلداپ جاتىر.
اشىق دەرەككوزدەن
ۇقشۇ باس حاتشىسى يمانعالي تاسماعامبەتوۆ ماسكەۋدە تمد-عا مۇشە ەلدەردىڭ قاۋىپسىزدىك كەڭەستەرى حاتشىلارىنىڭ 12-وتىرىسىنا ءقاتىستى. ؛وز كەزەگىندە يمانعالي تاسماعامبەتوۆ ۇقشۇ پەريمەترى بويىنشا جانە جالپى الەمدەگى مىناداي قاۋىپ-قاتەردى ءتىزىپ شىقتى:
- باتىس ەۋروپا اۋماعىندا الىس قاشىقتىقتاعى قارۋدى ورنالاستىرۋ تۋرالى قابىلدانعان امەريكالىق-گەرماندىق شەشىم قۇرلىقتا جانە تۇتاستاي العاندا, الەمدە يادرولىق-زىمىراندىق قارۋلانۋدىڭ قايتا جاندانۋ ءقاۋپىن تۋدىرعان؛
- بەلارۋس پەن رەسەي فەدەراسياسىنىڭ شەكارالارىندا ناتو قارۋلى كۇشتەرى مەن اقپاراتتىق سوعىس ورتالىقتارىنىڭ شوعىرلانۋى جالعاسىپ جاتىر. فينليانديا مەن شۆەسيا سولتۇستىك اتلانتيكالىق اليانسقا قوسىلعاننان كەيىن ستراتەگيالىق جاعداي ناشارلاعان؛
- رەسەيمەن قارۋلى قاقتىعىستى جالعاستىرۋ ءۇشىن ۋكرايناعا ەكونوميكالىق, قارجىلىق جانە اسكەري قولداۋ ارتىپ بارادى. ۇلكەن اۋماقتاردا, سونىڭ ىشىندە ۇرىس ايماعىنان تىس جەرلەردە اپاتتى سالدارعا اكەلەتىن اتوم ەلەكتر ستانسيالارىنداعى توتەنشە وقيعالاردىڭ ءقاۋپى بىرنەشە ەسە ارتقان؛
- جاساندى ينتەللەكتتى اسكەري ماقساتتا پايدالانۋدىڭ قارقىندى دامۋى, ولىمگە اكەلەتىن اۆتونومدى قارۋ جۇيەلەرىنىڭ (laws) جاپپاي ءوندىرىسى جانە ولاردى پايدالانۋدى ناقتى رەتتەۋدىڭ جوقتىعى سياقتى حالىقارالىق تۇراقتىلىققا قاتىستى ماسەلەلەر كۇشەيە تۇسكەن.
سونداي-اق ول ۇقشۇ-نىڭ ۇيىمعا مۇشە مەملەكەتتەردىڭ قاۋىپسىزدىگىن قامتاماسىز ەتۋ بويىنشا ءتيىستى شارالار قابىلداپ جاتقانىنا سەندىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر