بەكتەنوۆ رينات زايىتوۆتىڭ ساۋالىنا جاۋاپ بەردى

پرەمەر-مينيستردىڭ رەسمي جاۋابىندا قۇقىق قورعاۋ ورگاندارىنىڭ دەرەكتەرى بويىنشا ەلىمىزدە &ldquo؛كالەيدوسكوپ&rdquo؛, &ldquo؛feminita&rdquo؛ جانە &ldquo؛kazfem&rdquo؛ دەگەن 3 بەيرەسمي بىرلەستىك جۇمىس ىستەيتىنى جازىلعان. ولاردىڭ قىزمەتى ءداستۇرلى ەمەس جىنىستىق باعىتتاعى ايەلدەردىڭ قۇقىقتارى مەن بوستاندىقتارىن قورعاۋمەن, ونىڭ ىشىندە قوعامدا لگبت-قوعامداستىعىنىڭ وكىلدەرىنە دەگەن تولەرانتتى كوزقاراستى ىلگەرىلەتۋمەن بايلانىستى.

-كورسەتىلگەن بىرلەستىكتەر بيىل جەرگىلىكتى اتقارۋشى ورگاندارمەن كەلىسپەي, توپتىق اكسيالار ۇيىمداستىرعان. بۇل جاعدايدا ولاردىڭ ارەكەتى قازاقستان رەسپۋبليكاسىنىڭ بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزۋ بولىپ سارالاندى. اقبتك-نىڭ 488-بابى بويىنشا 2 بەلسەندى اكىمشىلىك جاۋاپكەرشىلىككە تارتىلدى, - دەلىنگەن جاۋاپتا.

وز كەزەگىندە لگبت-قوزعالىسىن ەكسترەميستىك دەپ تانۋدى حالىقارالىق قۇقىق قورعاۋ ۇيىمدارى ازاماتتاردىڭ سەنىم ءبىلدىرۋ جانە قوعامدىق بىرلەستىكتەرگە قاتىسۋ بوستاندىعىنا قۇقىقتارىن بۇزۋ رەتىندە قاراستىرۋى مۇمكىن.

- ءبىرقاتار ەلدىڭ زاڭناماسى لگبت-نى كامەلەتكە تولماعاندار اراسىندا &ldquo؛ناسيحاتتاۋدى&rdquo؛ شەكتەيتىنىن اتاپ وتكەن ءجون, الايدا بۇل شارالار تەك بۇقارالىق تۇرعىدان قاراستىرىلادى جانە مۇنداي قوزعالىستاردى ەكسترەميستىك دەپ جىكتەۋگە قاتىسى جوق. سونىمەن بىرگە, بيىل مادەنيەت جانە اقپارات مينيسترلىگى لگبت-نى اشىق جانە جاسىرىن ناسيحاتتاۋعا قارسى پەتيسيانى قارايتىن جۇمىس توبىن قۇردى. ونىڭ قۇرامىنا پارلامەنت دەپۋتاتتارى, قوعامدىق بىرلەستىكتەردىڭ, مۇددەلى مەملەكەتتىك ورگانداردىڭ وكىلدەرى كىردى. ناتيجەسىندە &ldquo؛جاسوسپىرىمدەر مەن بالالاردى سەكسۋالدىق قاتىناستاردى ناسيحاتتاۋدان قورعاۋ, ساقتاۋ تۋرالى&rdquo؛ تالاپ بولىگىندە پەتيسيانى ءىشىنارا قاناعاتتاندىرۋ تۋرالى شەشىم قابىلداندى, - دەپ جاۋاپ بەردى بەكتەنوۆ.