كورنەكى سۋرەت
ماجىلىس دەپۋتاتى كونستانتين اۆەرشين قورعانىس ءمينيسترىنىڭ ورىنباسارى شايح-حاسان جازىقباەۆقا وقۋعا شاقىرۋدان بىرنەشە رەت كەيىنگە قالدىرۋدى شەكتەۋ كەرەك ەكەنىن ايتىپ, ازاماتتاردىڭ اسكەري دايارلىعىن قامتاماسىز ەتۋ جونىندە ساۋال جولدادى.
دەپۋتاتتىڭ سوزىنشە, ءقازىر كوپتەگەن ازامات اسكەرگە بارۋدان جالتارىپ, 27 جاسقا دەيىن بىرنەشە وقۋدىڭ ديپلومىن الىپ الادى.
- ءقازىر زاڭعا سايكەس ءبىلىمىن جالعاستىرۋ ماقساتىندا اسكەرگە شاقىرۋدى كەيىنگە قالدىرۋ قاراستىرىلعان. الايدا كوپتەگەن ازامات شاقىرۋ جاسىنداعى كەزەڭدە ءبىر وقۋ ورنىن ءبىتىرىپ, ەكىنشىسىنە ءتۇسىپ جاتىر. وسىلايشا 27 جاسقا دەيىن ءبىلىم الۋدى جالعاستىرادى. ولار اۆتوماتتى تۇردە زاپاستاعى اسكەريلەر تىزىمىنە قوسىلادى. الايدا ولاردا بازالىق اسكەري دايىندىق جوق جانە قاجەت بولعان جاعدايدا تەك وزدەرىنىڭ اسكەري مىندەتتەرىن ورىنداپ قانا قويماي, وزدەرىن قورعاۋ دا مۇمكىن بولمايدى. وسى رەتتە اسكەرگە شاقىرۋعا كەيىنگى مەرزىمدەردى بەرۋ ءتارتىبىن رەتتەۋ ماسەلەسى قاراستىرىلىپ جاتىر ما؟, &ndash؛ ؛دەپ سۇراق قويدى كونستانتين اۆەرشين.
بۇعان شايح-حاسان جازىقباەۆ اسكەرگە كەيىن قايتارىلۋ زاڭ جوباسى نەگىزىندە كەشەندى تۇردە قاراستىرىلعانىن ايتتى.
- بولاشاقتا بۇل زاڭ جوباسى قابىلدانعاننان كەيىن ءار دەڭگەيگە ءبىر عانا وقۋ ورنىندا ءبىلىم الۋعا رۇقسات بەرىلەدى. ماسەلەن, ءبىر ماگيستراتۋرانى ءبىتىرىپ, ەكىنشى ماگيستراتۋرا تۇسسە, ول كەزدە وعان كەيىنگە قالدىرىلۋعا رۇقسات بەرىلمەيدى, &ndash؛ دەپ جاۋاپ بەردى قورعانىس ءمينيسترىنىڭ ورىنباسارى شايح-حاسان جازىقباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر