الماتى قالاسىنىڭ باسقارماسى قىتايدىڭ ءىرى تۋريستىك كومپانياسىمەن مەموراندۋمعا قول قويدى

الماتى قالاسىنىڭ تۋريزم باسقارماسى مەن قىتايدىڭ تۋريستىك نارىعىنداعى جەتەكشى كومپانيا &ndash؛ leader international tourism group limited ىنتىماقتاستىق جانە بىرلەسكەن جوبالاردى جۇزەگە اسىرۋ تۋرالى مەموراندۋمعا قول قويدى, دەپ جازادى qamshy.kz اقپارات اگەنتتىگى. ؛

كەلىسىمنىڭ نەگىزگى ماقساتى &ndash؛ الماتىنىڭ تۋريستىك الەۋەتىن حالىقارالىق دەڭگەيدە ىلگەرىلەتۋ, تۋريستەردى تارتۋ ءۇشىن يننوۆاسيالىق شەشىمدەردى ەنگىزۋ, تۋريستىك ينفراقۇرىلىمدى كەڭەيتۋ جانە ءتۋريزمنىڭ تۇراقتى دامۋىن قامتاماسىز ەتۋ.

leader international tourism group limited كومپانياسى 2007 جىلى نەگىزى قالانعان جانە بۇگىنگى كۇنى تاياۋ شىعىس, افريكا, وڭتۇستىك ەۋروپا, اۆستراليا, جاڭا زەلانديا, ورتالىق جانە وڭتۇستىك ازيا, سونداي-اق وڭتۇستىك امەريكا سياقتى كوپتەگەن ايماقتاردى قامتيدى.

تۋريزم باسقارماسىنىڭ مالىمدەۋىنشە, الماتى ورتالىق ازياداعى ايماقتىق تۋريستىك دەستيناسيا بولىپ تابىلادى. 2023 جىلى تۋريستەردىڭ جالپى سانى 2 ميلليوننان اسىپ, 12,6%-عا ءوستى. شەتەلدىك تۋريستەردىڭ سانى ۇشتەن بىرگە ارتىپ, 540,7 مىڭ ادامعا جەتتى. سونىمەن قاتار, قحر-دان كەلگەن تۋريستەر جالپى كەلۋشىلەردىڭ 12,2%-ىن قۇراپ, ءۇشىنشى ورىنعا يە بولدى.

قحر-دىڭ ءىرى تۋريستىك كومپانيالارىنىڭ بىرىمەن مەموراندۋمعا قول قويۋ الماتىعا ءبىرقاتار ماڭىزدى ارتىقشىلىقتار اكەلەدى. ەڭ الدىمەن, بۇل قىتايدان كەلەتىن تۋريستىك اعىندى 2 ەسەدەن استام ارتتىرۋعا ىقپال ەتەدى. leader international tourism group limited كومپانياسى تۋريستىك باعىتتاردى ىلگەرىلەتۋدە كەڭ حالىقارالىق تاجىريبەگە جانە يننوۆاسيالىق تاسىلدەرگە يە. بۇل تۋريستەردى تارتۋعا ارنالعان جاڭا ءتيىمدى ستراتەگيالاردى ەنگىزۋگە مۇمكىندىك بەرمەك.

سونىمەن قاتار, مەموراندۋم بىرلەسكەن ماركەتينگتىك كامپانيالاردى جۇزەگە اسىرۋ, تۋريستىك ينفراقۇرىلىمدى دامىتۋ جانە تۋريستىك قىزمەتتەردىڭ ساپاسىن جاقسارتۋ ءۇشىن نەگىز بولادى. بۇل الماتىنىڭ حالىقارالىق تۋريستىك قىزمەتتەر نارىعىنداعى پوزيسياسىن نىعايتىپ, قالانى شەتەلدىك تۋريستەر ءۇشىن تارتىمدىراق ەتەدى.