فوتو: اشىق دەرەككوز
دەپۋتات جۇلدىز سۇلەيمەنوۆا الەۋمەتتىك جەلىگە قاتىستى ۇكىمەت شارا قولدانىپ, قاتاڭ باقىلاۋدا ۇستاۋ كەرەگىن ايتتى. بۇل تۋرالى ول ءوزىنىڭ facebook پاراقشاسىندا جازدى. ؛
سوڭعى كۇندەرى بالالارىمىزدىڭ وز-وزىنە قول جۇمساۋ فاكتىلەرى قوعامنىڭ قاتتى الاڭداۋشىلىعىن تۋدىرۋدا. بۇل جانتۇرشىگەرلىك قايعىلى جاعدايلار ەشكىمدى بەي-جاي قالدىرماعانى انىق. ايدىڭ-كۇننىڭ امانىندا جەلكىلدەپ ءوسىپ كەلە جاتقان ورەندەرىمىزدەن ايىرىلدىق. ومىردەن قىرشىن كەتكەن مارقۇمداردىڭ تۋىستارى مەن جاقىندارىنا كوڭىل ايتامىن.
يا, رەسمي تەرگەۋ باستالدى. ءبىراق ءقازىردىڭ وزىندە مۇنىڭ ءبارى ناقتى ورىنداۋشىسى بار قىلمىس, كىسى ءولتىرۋ دەپ ايتۋعا بولادى. ايۋاندىقپەن قىلمىس جاساعانداردى, ياعني ارانداتۋشىلاردى انىقتاپ, زاڭدى تۇردە جازاعا تارتۋدى قۇقىق قورعاۋ ورگاندارى قاجەت بولسا حالىقارالىق ىزدەۋ جاريالاپ, ورىندايدى دەپ ۇمىتتەنەمىن.
ال ەندى وسى قىلمىستاردى ىسكە اسىرۋعا جاعداي تۋعىزىپ وتىرعان الەۋمەتتىك جەلىلەر مەن مەسسەندجەرلەر ەكەنىن اشىق اقپارات كوزدەرىنەن وقۋدامىز. ونى جالتاقتاماي ايتۋ قاجەت دەپ سانايمىن.
ولار ساناسى ءالى قاتپاعان جەتكىنشەكتەرىمىزدىڭ پسيحيكاسىنا تەرىس اسەر ەتەتىن قۇرالعا اينالدى. ەڭ سوراقىسى سول, بۇل ويىندار مەن كۆەستتەر پسيحولوگيالىق تۇرعىدان ايتقانعا كوندىرۋ داعدىلارىن قولدانا وتىرىپ, كاسىبي تۇردە جاسالۋدا.
سونىمەن قاتار, الەۋمەتتىك جەلىلەردىڭ دامۋى جانە گادجەتتەردىڭ كەڭ تارالۋىمەن مۇنداي ويىندار ەلىمىزدە جاپپاي سيپاتقا يە بولىپ وتىر. بىردە-بىر وتباسى بۇدان ءوزىن ساقتاندىرا المايدى. مەملەكەت تاراپىنان زاڭ دەڭگەيىندە بۋللينگ, ءوزىن-وزى ولتىرۋگە ماجبۇرلەۋ سياقتى ارەكەتتەرگە قارسى قىلمىستىق جاۋاپكەرشىلىك ەنگىزىلدى, ءبىراق قازىرگى جاعداي مۇنىڭ جەتكىلىكسىز ەكەنىن كورسەتەدى.
سوندىقتان, ءاربىر اتا-انا وسى ماسەلەگە ەرەكشە كوڭىل ءبولىپ, بالالارىمەن كوبىرەك سويلەسۋلەرى كەرەك.
جاۋاپتى مينيسترلىك مەكتەپتەردەگى پسيحولوگيالىق قىزمەتتەردىڭ جۇمىس الگوريتمدەرىن وزگەرتۋى ءتيىس. ولار بالالاردىڭ مىنەز-قۇلقىنداعى جانە ءجۇرىس-تۇرىسىنداعى بەلگىلەردى ۋاقتىلى انىقتاۋدا ءتيىمدى قۇرال بولۋى كەرەك.
بىراق, ەڭ باستىسى, مۇنى مەن ۇستاز رەتىندە, انا رەتىندە, دەپۋتات رەتىندە ايتامىن &ndash؛ مەملەكەت پەن قوعام الەۋمەتتىك جەلىلەر مەن مەسسەندجەرلەردىڭ اكىمشىلەرىنەن تارالىپ جاتقان اقپاراتقا باقىلاۋدى كۇشەيتۋىن تالاپ ەتۋى كەرەك دەپ سانايمىن. تارالىپ جاتقان زاڭسىز, زياندى, بۇلدىرشىندەردىڭ ساناسىن ۋلايتىن جۇكتەمەلەرگە باقىلاۋدى وقىس كۇشەيتۋدى قاتاڭ تالاپ ەتۋ كەرەك.
ولار «؛مەمورگاننان قۇقىقتىق تۇرعىدان نەگىزدەلگەن تالاپ-ارىز كۇتىپ وتىرمىز»؛ دەپ سىلتاۋراتپاي, ءقاۋىپتى كونتەنتتىڭ تارالۋىنا جول بەرمەۋ ءۇشىن وزدەرىنىڭ جۇمىس الگوريتمدەرىن وزگەرتۋلەرى ءتيىس. شەتەلدىك تاجىريبە كورسەتكەندەي, شىنداپ كەلگەندە بۇل الەۋمەتتىك جەلىلەر مەن مەسسەندجەرلەر يەلەرىنىڭ قولىنان كەلەتىن شارۋا.
ەگەر مۇنداي تالاپ ورىندالمايتىن بولسا, وندا مەملەكەت باقىلاۋدى كۇشەيتسىن. بارلىق ءقاۋىپتى كونتەنتكە قاتاڭ توسقاۋىل قويىلسىن. ال جەكەلەگەن كونتەنتكە توسقاۋىل قويۋعا قول جەتكىزۋ مۇمكىن بولمايتىن بولسا, وندا ناقتى زاڭ بۇزعان الەۋمەتتىك جەلى نەمەسە مەسسەندجەر بۇعاتتالۋى كەرەك.
بىزدىڭ بالالارىمىزدىڭ ومىرىنە ءقاۋىپ ءتونىپ تۇرعاندا ەشقانداي مايموڭكەگە جول بەرۋگە بولمايدى. مەن مۇنى انا رەتىندە, پەداگوگ رەتىندە ايتىپ وتىرمىن. بارلىق اتا-انالار مەن پەداگوگيكالىق قاۋىمداستىق مەنى تولىقتاي قولدايدى دەپ بىلەمىن.
تاعى دا قايتالاپ ايتامىن, بۇل ماسەلەدە جايباسارلىققا جول بەرۋگە بولمايدى, دەرەۋ ىسكە كىرىسۋ كەرەك!
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر