20 قىركۇيەك, 2024 الەم
فوتو: agenzianova.com
ليۆاننىڭ ءارتۇرلى ايماقتارىندا پەيدجەرلەر مەن راسيالاردىڭ جارىلىسىنان قازا تاپقاندار سانى 37 ادامعا جەتتى. بۇل تۋرالى انادولى اگەنتتىگى حابارلادى.
ليۆاننىڭ دەنساۋلىق ساقتاۋ ءمينيسترى فيراس ال-ەبياد ءباسپاسوز ءماسليحاتىندا 19 قىركۇيەك سارسەنبىدە راسيالار جارىلىسى سالدارىنان قازا تاپقاندار مەن جارالانعاندار سانىنىڭ سايكەسىنشە 25 جانە 608-گە جەتكەنىن ايتتى.
ەبياد جاراقات العان 61 ادام رەانيماسيادا جاتقانىن جانە ولاردىڭ جاعدايى اۋىر ەكەنىن اتاپ ءوتتى.
مينيستر سەيسەنبى, قىركۇيەكتىڭ ء17-سى كۇنى ليۆاندا «؛حەزبوللا»؛ مۇشەلەرى پايدالانعان پەيدجەرلەردىڭ ءبىر مەزگىلدە جارىلۋىنان 12 ادامنىڭ قازا تاپقانىن ەسكە سالدى. ونىڭ ايتۋىنشا, بۇل شابۋىل سالدارىنان زارداپ شەككەندەردىڭ سانى 2323 ادام بولسا, ونىڭ ء1343-ى ورتاشا جانە اۋىر جاراقات العان.
سەيسەنبى كۇنگى ەلدەگى جارىلىستاردان زارداپ شەككەندەر سانىنىڭ ازايۋى, كەيبىرىنىڭ بىرنەشە اۋرۋحاناعا بارىپ, تىركەۋدە تۇرۋىمەن بايلانىستى. مينيستر جارالانعانداردىڭ 955-ىنە وتا جاسالعانىن, ولاردىڭ 226-سى ءالى جانساقتاۋ بولىمىندە جاتقانىن ايتتى.
ەبياد راسيالاردىڭ جارىلۋى پەيدجەرلەردىڭ جارىلىستارىنان گورى كوبىرەك ولىمگە اكەلگەنىن اتاپ ءوتتى.
«؛حەزبوللا»؛ ءوز كەزەگىندە ليۆاننىڭ ءارتۇرلى بولىكتەرىندەگى icom راسيالارىنىڭ جارىلىسىنان ونىڭ 26 مۇشەسى قازا تاپقانىن حابارلادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر