فوتو: الماتى قالاسى اكىمدىگى
الماتى اكىمى ەربولات دوساەۆ پەن دۇنيەجۇزىلىك قولونەر كەڭەسىنىڭ (aisbl) پرەزيدەنتى سااد حاني ال-كاددۋمي قولونەردى دامىتۋدىڭ بولاشاعى مەن ەلدەر اراسىنداعى ىنتىماقتاستىقتى نىعايتۋ ماسەلەسىن تالقىلادى. قالا باسشىسى الماتىنىڭ قازاقستاننىڭ مادەني, ءعىلىمي-بىلىم بەرۋ جانە ىسكەرلىك ورتالىعى, شەبەرلەر مەن سۋرەتشىلەر ءۇشىن تارتىمدى ورتالىق ەكەنىن اتاپ ءوتتى.
قالادا زەرگەرلىك بۇيىمدار جاساۋ, كىلەم توقۋ, قىش جاساۋ, بىلعارى وڭدەۋ جانە اعاش ويۋمەن اينالىساتىن 250-دەن استام ون ساۋساعىنان ونەر تامعان قولونەرشى تۇرادى. الماتىلىق شەبەرلەردىڭ بۇيىمدارى ەكسپو جانە دۇنيەجۇزىلىك قولونەر كەڭەسى سياقتى ايتۋلى ءىس-شارالاردا كورسەتىلىپ, بىرەگەيلىگى مەن شەبەرلىگى ءۇشىن ماراپاتتارعا يە بولىپ ءجۇر. فەستيۆالدەر مەن جارمەڭكەلەردە شەبەرلەر تۋىندىلارىن كورسەتىپ, قىزىعۋشىلىق تانىتقاندارعا شەبەرلىك دارىستەرىن وتكىزەدى. بۇل ءىس-شارالار ءداستۇرلى قازاق قولونەرىن ساقتاۋ, ونى ناسيحاتتاۋ جانە زاماناۋي مادەنيەتكە بىرىگۋدە ماڭىزدى ءرول اتقارادى.
كەزدەسۋ بارىسىندا تاراپتار قولونەردى دامىتۋدىڭ تۋريستىك جانە ەكونوميكالىق قىرلارىن, جۇمىس ورىندارىن قۇرۋ جانە ەكونوميكالىق ءوسىمدى ىنتالاندىرۋ ءۇشىن ونى دامىتۋدىڭ قاجەتتىلىگىن تالقىلاپ, الماتىعا «؛دۇنيەجۇزىلىك قولونەر قالاسى»؛ (world craft city) اتاعىن بەرۋ مۇمكىندىگىن قاراستىردى.
انىقتاما ءۇشىن: دۇنيەجۇزىلىك قولونەر كەڭەسى aisbl (1964 جىلى 12 ماۋسىمدا نيۋ-يوركتە قۇرىلعان) &ndash؛ جاھاندىق قولونەر ونەرىن جانە ءداستۇرلى قولونەردى ساقتاۋعا, ناسيحاتتاۋعا جانە دامىتۋعا ىقپال ەتەتىن حالىقارالىق كوممەرسيالىق ەمەس ۇيىم. كەڭەس يۋنەسكو جانىنداعى كەڭەسشى ورگان مارتەبەسىنە يە. ۇيىمنىڭ 2021-2024 جىلدارداعى شتاب-پاتەرى كۋۆەيتتە ورنالاسقان. دۇنيەجۇزىلىك قولونەر قالالارىنىڭ تىزىمىنە افريكا, ازيا-تىنىق مۇحيتى ايماعى, ەۋروپا, سولتۇستىك جانە لاتىن امەريكاسىنىڭ 57 قالاسى ەنگەن, سونىڭ ىشىندە 2022 جىلدان باستاپ قازاقستانداعى قالالاردىڭ اراسىنان العاش رەت تاراز «؛دۇنيەجۇزىلىك قولونەر قالاسى»؛ مارتەبەسىن الدى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر