قازاقستانداعى ەڭ المالى اۋىل - الماتى وبلىسىندا!

الماتى وبلىسى ەڭبەكشىقازاق اۋدانىنا قاراستى قاراتۇرىق اۋىلدىق وكرۋگى «؛المالى باقتىڭ»؛ اۋدانى بويىنشا, وبلىس بويىنشا, دەمەك سايكەسىنشە, قازاقستان رەسپۋبليكاسى بويىنشا ءبىرىنشى ورىندا تۇر. شاعىن عانا اۋىلدىڭ بولاشاعى زور.

الما وسىرۋدە زاماناۋي ادىس-تاسىلدەر مەن تەحنولوگيالاردى قولدانادى. مىسالى, تامشىلاتىپ سۋارۋ جانە ت.ب. جينالعان ءونىم قازاقستاننىڭ بارلىق ايماقتارىنا جانە كورشى شەتەلدەرگە ەكسپورتتالادى ەكەن.

جالپى قاراتۇرىق اۋىلدىق وكرۋگىندە ؛&ndash؛ 13 مىڭ 643 ادام تۇرادى. قىلمىس از. تۇرعىندار بارلىعىنا ريزا. وكرۋگتە بىرنەشە ۇلت وكىلدەرى مەن ەتنيكالىق توپتار ءومىر ءسۇرىپ جاتىر. حالىقتىڭ اۋىزبىرشىلىگى جوعارى دەڭگەيدە. حالىق سانىنىڭ ازدىعىنا قاراماستاستان بولاشاعى بار اۋىلداردىڭ قاتارىندا. وعان دالەل اۋىلعا 1 ملرد-تان اسا ينۆەستيسيا ءبولىنىپتى. وكرۋگكە قاراستى, ارنا جانە لاۆار اۋىلدارىندا جول جانە تۇنگى جارىقتانىرۋ ماسەلەسى 100% شەشىلىپ قويعان. قاراتۇرىق اۋىلىنىڭ وزىندە بۇل ماسەلە 68%-عا شەشىمىن تاپتى.

شاعىن جانە ورتا كاسىپ تە قارقىندى دامىپ كەلەدى. 2,5%-عا 5 ملن نەسيە جانە قايتىمسىز گرانت الىپ كاسىبىن دوڭگەلەتىپ وتىرعاندار سانى ارتتى. ولار اۋىل تۇرعىندارىن جۇمىسپەن قامتىپ وتىر. ناتيجەسىندە, جىلىنا تولەنەتىن سالىق سانى ارتتى. 2023 جىلى 48,868 ملن سالىق تولەنسە, 2024 جىلعا 59,447 سالىق كولەمى جوسپارلانىپ وتىر.

اششىساي اۋىلىندا «؛جايلى مەكتەپ»؛ باعدارلاماسى اياسىندا 600 ورىندىق مەكتەپ جانە سپورت كەشەنى سالىنىپ جاتىر. بۇل ءۇش اۋىسىمدا وقۋ ماسەلەسىن شەشەدى.

شاعىن اۋىل بولسا دا, ۇلكەن ساۋدا ورتالىعى اشىلىپتى. ول جەردە كيىم-كەرەك, اسحانا, ءدارىحانا, شاشتاراز, سۋپەرماركەت, اۆتوبولشەكتەر, سانتەحنيكالىق زاتتار جانە ت.ب. تىرشىلىككە كەرەكتىنىڭ ءبارى بار. بۇل ءۇشىن ءوڭىر باسشىسى بارىن سالۋدا. اۋىل اكىمى ايبەك قاسىمحانۇلى حالقىنىڭ تىنىشتىعى ءۇشىن بارلىق ءوتىنىش پەن ارىز-شاعىمدار بويىنشا مۇمكىندىگىنشە قولىنان كەلگەنىن جاساپ وتىرعانىن ايتتى. ءبىز دە شاعىمدانۋشى توپتاردى بايقامادىق. مەملەكەتتىك باعدارلامالاردى اۋىل بولاشاعى ءۇشىن بارىنشا ءتيىمدى پايدالانىپ, ءاربىر جوبانى ءوز باقىلاۋىندا ۇستاپ وتىر.

ايتا كەتەيىك, قاراتۇرىق اۋىلدىق وكرۋگىنىڭ اكىمى ىلەباەۆ ايبەك قاسىمحانۇلى. 1992 جىلى تۋعان. وسى اۋداننىڭ ازاماتى. اكىم بولىپ قىزمەتكە تۇرعانىنا ءۇش جىلعا جۋىقتاپتى. ءۇش جىلدا ءبىراز جۇمىستاردى اتقارىپتى. اۋىل دەۋگە اۋىزىمىز بارمادى. تۇڭعىش پرەزيدەنت ن.ا.نازارباەۆتىڭ جانە قازىرگى پرەزيدەنتىمىز قاسىم-جومارت كەمەلۇلىنىڭ العىس حاتتارىمەن ماراپاتتالعان. سونىمەن قاتار, الماتى وبلىسى اكىمىنىڭ دە العىس حاتىنا يە بولدى. 2018 جىلى «؛كوشباسشى»؛ جاستار سىيلىعىنىڭ جەڭىمپازى اتانعان. حالىق العىسى مەدالىن العان ەكەن. دەمەك لايىقتى!

alataunews.kz