فوتو: اشىق دەرەككوز
10 ماۋسىمدا ەرەكشە بالالار مەن جاسوسپىرىمدەرگە جانە ولاردىڭ اتا-انالارىنا ارنالعان "all ability camp" سپورتتىق-موتيۆاسيالىق لاگەرىنىڭ سالتاناتتى اشىلۋى ءوتتى.
جوباعا قازاقستاننىڭ بارلىق وڭىرىنەن 200 بالا قاتىسادى. اشىلۋ سالتاناتىنا الماتى وبلىسى اكىمىنىڭ ورىنباسارى رۋستام يساتاەۆ, "samruk-kazyna trust" قورىنىڭ باس ديرەكتورى الفيا اديەۆا, جەڭىل اتلەتيكادان الەم چەمپيونى ايدانا سيازوۆا, سونداي-اق قوعام وكىلدەرى, پاراسپورتشىلار مەن جۋرناليستەر قاتىستى.
جوبا ماقساتى &ndash؛ بالالار مەن جاسوسپىرىمدەردى سپورتقا بەلسەندى تارتۋ, ولاردىڭ قوعامعا الەۋمەتتىك بەيىمدەلۋىنە جاردەمدەسۋ, اتا-انالارىنا پسيحولوگيالىق قولداۋ كورسەتۋ. لاگەر قاتىسۋشىلارى 7 كۇن بويى الماتى وبلىسى قاپشاعاي سۋ قويماسىنىڭ جاعاسىندا 5 كاسىبي جاتتىقتىرۋشىنىڭ جەتەكشىلىگىمەن بوچچا, تەننيس, فۋتبول, كورنحول جانە ساداق اتۋ سياقتى بەيىمدەلگەن سپورت تۇرلەرىمەن اينالىساتىن بولادى. سونىمەن قاتار, ولار ومىرگە قۇلشىنىستى ارتتىرۋ دارىستەرى مەن ويىندارىنا قاتىسادى.
جوبانىڭ ەرەكشەلىكتەرىنىڭ ءبىرى ونىڭ مۇگەدەكتىگى بار بالالارعا عانا ەمەس, ولاردىڭ اتا-انالارىنا دا باعىتتالۋى, اتاپ ايتقاندا, ترەنينگتەر مەن سەمينارلار, بەلسەندى دەمالىس ۇيىمداستىرۋ ارقىلى ولاردىڭ ومىرگە ىنتا-جىگەرىن ارتتىرۋ بولىپ تابىلادى. اتا-انالار ءۇشىن پسيحولوگتارمەن ارنايى سەسسيالار ۇيىمداستىرىلدى. سەسسيالار بارىسىندا اتا-انالار تيۋتەرلەر مەن ەرىكتىلەردىڭ سۇيەمەلدەۋىمەن سانالۋان شىعارماشىلىق, تانىمدىق, دامىتاتىن ىس-شارالارمەن, ارت-تەراپيامەن جانە مۋزىكالىق تەراپيامەن قامتىلادى.
مەن "all ability camp" جوباسى جاقسى داستۇرگە اينالعانىن جانە ونى ەكىنشى جىل قاتارىنان جالعاستىرىپ كەلە جاتقانىمىزدى اتاپ وتۋگە قۋانىشتىمىن. جوباعا قاتىسۋ بالالار مەن اتا-انالاردى ءوز جولىن باستاۋعا جانە بولاشاققا دايىنداۋعا كومەكتەسەدى. جالپى, قورىمىزدىڭ قىزمەتى ينكليۋزيۆتى قوعامدى دامىتۋعا باعىتتالعان. قازىرگى ۋاقىتتا 38 وڭالتۋ ورتالىعى اشىلىپ, 23 قالادا 1000-نان استام بالا اينالىساتىن بەيىمدەلگەن سپورت سەكسيالارى جۇمىس ىستەيدى.
جاقىندا ينكليۋزيا سالاسىنداعى 100-دەن استام ساراپشىنى وقىتۋدى اياقتادىق. سونداي-اق, جاقىن ارادا 180 مۇمكىندىگى شەكتەۋلى ادام وقىتۋدان ءوتىپ, سۇرانىسقا يە it ماماندىقتار اياسىندا جۇمىسقا ورنالاسۋدا كومەك الادى.
سونداي-اق, استانانىڭ 10 مەكتەبىندە ينكليۋزيانى قولداۋ كابينەتتەرىن قۇرۋدى جوسپارلاپ وتىرمىز. بۇل جوبالاردىڭ بارلىعى ءبىرىن-بىرى تولىقتىرۋدا", - دەپ اتاپ ءوتتى "samruk-kazyna trust" كق باس ديرەكتورى, ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى الفيا اديەۆا.
جوباعا قاتىسۋشىلار "تازا قازاقستان" اكسياسى اياسىندا "سامۇرىق-قازىنا" قورىنىڭ ەكولوگيالىق باستاماسىنا قوسىلۋعا نيەتتى: دارىسكەرلەرمەن مەن اتا-انالار الەۋمەتتىك جوبالاردى ىسكە اسىرۋ ارقىلى قوعامدا قورشاعان ورتانى قورعاۋ جانە ەكولوگيالىق مادەنيەتتى دامىتۋ جونىندەگى ءوز كوزقاراستارىن ۇسىنادى.
جوبا ينكليۋزيۆتى قوعامدى دامىتۋ شەڭبەرىندە "سامۇرىق-قازىنا" اق ءبىرىڭعاي قايىرىمدىلىق وپەراتورى "samruk-kazynatrust" قورىنىڭ قولداۋىمەن, قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيامەن سەرىكتەستىكتە ىسكە اسىرىلۋدا.
ەسكە سالا كەتەيىك, 2023 جىلى "all ability camp" لاگەرى تىرناقالدى تارتىپتە جۇمىس ىستەي باستاپ, ءتۇرلى دياگنوزى بار 200 بالا مەن 200 اتا-انا قامتىلعان 4 كەزەڭگە سوزىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر