12 ماۋسىم, 2024 news
فوتو: اشىق دەرەككوز
الماتى كوپسالالى كلينيكالىق اۋرۋحاناسىنىڭ لور دارىگەرلەرى مەن اكۋشەر-گينەكولوگتارى جۇكتى ايەلگە ءبىر ساتتە قوس وتا جاسادى.
كەلىنشەك اۋرۋحاناعا مۇرىننىڭ سول جاق بولىگىنەن تىنىس جەتىسپەۋشىلىگى جانە قان كەتۋ شاعىمدارىمەن تۇسكەن.
"شەلەك اۋىلىنىڭ 38 جاستاعى تۇرعىنى بىزگە مۇرىننان قان كەتۋمەن ءتۇستى. ايتۋىنشا, سوڭعى ەكى ايدا تىنىس الۋدىڭ جەتىسپەۋشىلى, باس اۋرۋى, مۇرىننان قان كەتۋ مازالاپ كەلگەن. باستاپقىدا وراۋمەن توقتاتۋعا تىرىستىق, ءبىراق ونىڭ جاعدايىن ەسكەرە وتىرىپ, شۇعىل كونسيليۋم وتكىزدىك", - دەيدى لور ءبولىمىنىڭ مەڭگەرۋشىسى اسەل يمانعاليەۆا.
تەكسەرۋ كەزىندە دارىگەرلەر مۇرىن قۋىسىندا ءوسىندىنى انىقتاعان. كەڭەستەن كەيىن ءبىر ۋاقىتتا كەسىر تىلىگىن جانە ءوسىندىنى الىپ تاستاۋ تۋرالى شەشىم قابىلدانىپتى.
"جۇكتىلىكتىڭ 36 اپتاسىندا بولدى. بارلىق كورسەتكىشتەر قالىپتى ەدى. سوندىقتان ءبىز لور دارىگەرلەرىمەن بىرلەسە وتا جاساۋعا بەل بۋدىق. ءقازىر ناۋقاس ءوزىن جاقسى سەزىنەدى. نارەستەسىمەن بىرگە اۋرۋحانادان شىعۋعا دايىندالىپ جاتىر. بارلىق ەم-دوم ءمامس اياسىندا تەگىن جۇرگىزىلدى", - دەيدى اكۋشەر-گينەكولوگ گۇلجاحان جۇمادۋللاەۆا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر