الماتىدا باسكەتبول چەمپيوناتى اياقتالدى

22 ماۋسىمدا الماتىدا وتكەن ء"ۇمىت كۋبوگى - 2024" باسكەتبول ءتۋرنيرى اياقتالدى. ول قر ۇلتتىق باسكەتبول فەدەراسياسىنىڭ قولداۋىمەن halyk ىسكە قوسقان "حالىق ليگاسى" جوباسىنىڭ سوڭعى كەزەڭى بولدى.

چەمپيوناتقا قازاقستاننىڭ تۇكپىر-تۇكپىرىنەن قاراۋىلداعى بالالار ۇيلەرى مەن مەكتەپ-ينتەرناتتارىنىڭ 280-دەن استام تاربيەلەنۋشىلەرى باسكەتبولداعى سپورتتىق داعدىلارى مەن كۇرەس رۋحىن كورسەتتى.

بيىل تۋرنيرگە ەلىمىزدىڭ 16 وڭىرىنەن, اتاپ ايتقاندا اتىراۋ, تالدىقورعان, شقو, تۇركىستان وبلىسى, پەتروپاۆل, پاۆلودار, سەمەي, اقكول, ەكىباستۇز, قاراعاندى, الماتى, رۋدنىي, قىزىلوردا, شىمكەنت, ورال جانە تاراز قالالارىنان سەگىز ايەلدەر مەن 16 ەرلەر كومانداسى قاتىستى.

جابىلۋ سالتاناتىنا halyk باسقارما ءتوراعاسىنىڭ ورىنباسارى جانە جوبا كۋراتورى ولگا ۆۋروس جانە ۇلتتىق باسكەتبول فەدەراسياسىنىڭ باس حاتشىسى الماز ۇزاقوۆ قاتىستى.

"بۇگىن ءبىز ء"ۇمىت كۋبوگى - 2024" چەمپيوناتى مەن "حالىق ليگاسى" جوباسىنىڭ اياقتالۋىن اتاپ ءوتۋ ءۇشىن جينالدىق. بۇل ءبىزدىڭ جاس سپورتشىلار ءۇشىن ماڭىزدى كەزەڭ بولدى جانە مەن ولارعا ەڭبەكقورلىعى, باسكەتبولعا دەگەن قۇشتارلىعى جانە كۇرەس رۋحى ءۇشىن شىن جۇرەكتەن ريزاشىلىعىمدى بىلدىرگىم كەلەدى. halyk مۇنداي جوبالاردى قولدايتىنىن ماقتان تۇتادى. ءبىز سپورت تەك فيزيكالىق بەلسەندىلىك ەمەس, سونىمەن قاتار ءتارتىپتىڭ, ەرىك - جىگەردىڭ جانە سالاۋاتتى ءومىر سالتىنا دەگەن سۇيىسپەنشىلىكتىڭ كورسەتكىشى دەپ سانايمىز. چەمپيونات قاتىسۋشىلارى وتكەن ماۋسىمعا ريزا بولىپ, سپورتپەن شۇعىلدانۋدى جالعاستىرادى دەپ ۇمىتتەنەمىز. ويتكەنى, ولاردىڭ ءارقايسىسى بولاشاق چەمپيون جانە ءبىز ولاردى وسى جولدا قولداۋعا دايىنبىز", - دەپ اتاپ ءوتتى ولگا ۆۋروس.

بۇل تۋرنير جاس سپورتشىلار ءۇشىن ناعىز شابىت بولدى. ولار كەز-كەلگەن جاعدايدا, ەگەر سپورتقا دەگەن قۇشتارلىق پەن قوعامنىڭ قولداۋى بولسا, كەرەمەت ناتيجەلەرگە قول جەتكىزۋگە بولاتىندىعىن كورسەتتى.

تۋرنيردىڭ فينالىندا شىمكەنت پەن پەتروپاۆلدان كەلگەن جاسوسپىرىمدەر كوماندالارى كەزدەستى. قاربالاس ويىن بارىسىندا ءبىرىنشى ورىندى شىمكەنتتەن كەلگەن كوماندا جەڭىپ الدى. ەكىنشى ورىندى پەتروپاۆل, ءۇشىنشى ورىندى اقكول يەلەندى.

قىزدار اراسىندا جۇلدەلى ۇشتىك كەلەسىدەي ءبولىندى:

1 ورىن &ndash؛ شىمكەنت, 2 ورىن &ndash؛ اقكول, 3 ورىن &ndash؛ رۋدنىي.

"مەن وسىندا بولۋ ءۇشىن كوپ جۇمىس ىستەپ, جاتتىعۋ جاساعان شاكىرتتەرىمدى ماقتان تۇتامىن. ۇلدار دا, قىزدار دا ء"ۇمىت كۋبوگى-2024" چەمپيوناتىندا ءبىرىنشى ورىندى يەلەندى. مەنىڭ ويىمشا, بۇل &ndash؛ جالپى جەڭىس. ءبىز ءبارىمىزدىڭ ورتاق ماقساتىمىز &ndash؛ بالالاردى باقىتتى ەتۋ جانە ولارعا بولاشاق بەرۋ. كوپتەگەن جىلدار بويى بالالار ۇيلەرى مەن مەكتەپ-ينتەرناتتارىنىڭ تاربيەلەنۋشىلەرىنە قولداۋ كورسەتكەنى ءۇشىن halyk bank-كە ۇلكەن راحمەت. وسىنداي كومەكتىڭ ارقاسىندا بالالاردىڭ ۇلكەن ومىرگە ەنىپ, وزدەرى ارماندايتىن ادام بولۋعا مۇمكىندىگى بار", - دەدى شىمكەنت كومانداسىنىڭ جاتتىقتىرۋشىسى دانيل سەرەدينسكيي.

سالتاناتتى ماراپاتتاۋ راسىمىنە چەمپيوناتقا قاتىسۋشى بارلىق 24 كوماندا جينالدى. ويىنشىلاردىڭ ءارقايسىسى ەستەلىك مەدالدارمەن, سونداي-اق ويىندار وتكەن halyk جانە سپورت كەشەنىنىڭ سىيلىقتارىمەن ماراپاتتالدى. ماراپاتتاردى بالالارعا halyk باسقارما ءتوراعاسىنىڭ ورىنباسارى ولگا ۆۋروس, باسكەتبول فەدەراسياسىنىڭ باس حاتشىسى الماز ۇزاقوۆ, باسكەتبولدان ۇلتتىق قۇرامانىڭ مۇشەسى رومان مارچۋك پەن دانكەر, سپورت كەشەنىنىڭ وكىلى رۋسلان ليگاي تابىس ەتتى.

سونىمەن قاتار, تيىمدىلىك كورسەتكىشتەرى بويىنشا ءىس-شارانى ۇيىمداستىرۋشىلاردان ەستەلىك سىيلىقتار مەن مەدالدار العان ۇلدار مەن قىزدار اراسىندا ۇزدىك 20 ويىنشى انىقتالدى.

ەستەرىڭىزگە سالا كەتەيىك, "حالىق ليگاسى" 2005 جىلدان بەرى جۇمىس ىستەيدى. halyk bank 17 جىل بويى كيىم-كەشەك, جاتتىعۋ, كولىك, تۇرۋ, تاماقتانۋ, سىيلىقتار جانە ت.ب. بايلانىستى "حالىق ليگاسى" مەن ء"ۇمىت كۋبوگى" بويىنشا بارلىق شىعىنداردى تولىعىمەن ءوز موينىنا الدى.