27 ماۋسىم, 2024 news وزگەرتۋ

ۇيدە وتىرعان ايەل نەدەن شارشايدى؟ (ۆيدەو)

كورنەكى سۋرەت

ماۋسىمدا الەمنىڭ ءبىرقاتار ەلدەرى قىزىق ءارى ارقالايتىن جۇگى اۋىر كۇندى اتاپ وتەدى. ول ءۇي شارۋاسىندا وتىرعان ايەلدەر مەن ەركەكتەر كۇنى. ءبىزدىڭ جاعدايىمىزدا كوبىنە ۇيدە ايەلدەر وتىراتىنى بەلگىلى. ولاي بولسا, ۇيدە وتىرۋ ايەل ادامنىڭ ومىرىنە, پسيحولوگياسىنا قالاي اسەر ەتەتىنىن انىقتاپ كوردىك.

عالىمدار ادامنىڭ جۇمىس ىستەمەي, ۇيدە وتىرۋىن مازاسىزدىق پەن سترەسكە دۋشار ەتەتىن سەبەپتەردىڭ ءبىرى رەتىندە كورسەتەدى. ءتۇرلى زەرتتەۋلەر ناتيجەسىندە جۇمىسسىز ادامدا ءوزىن باعالاۋ دەڭگەيى تومەن, دەپرەسسيا دەڭگەيى جوعارى كەلەتىنى انىقتالعان.

پسيحولوگ ەرجان مىرزاباەۆ ۇيدە وتىرعان ايەلدەردى تۇرمىستىڭ بىتپەيتىن تىرلىگى فيزيكالىق تۇرعىدان شارشاتاتىن بولسا, قايتالانىپ جاتقان كۇندەر مەن ءارتۇرلى ورتامەن قاتىناسقا ءتۇسۋ مۇمكىندىگىنىڭ جوقتىعى پسيحولوگيالىق تۇرعىدا شارشاتاتىنىن ايتادى. ونىڭ سوزىنشە, ۇيدە وتىرۋدىڭ ايەل پسيحولوگياسىنا كەرى اسەرى ونىڭ اشۋشاڭ, مازاسىز بولا باستاۋىنان, ۇنەمى مەلانحوليا جاعدايىندا جۇرەتىنىنەن اڭعارىلادى. ؛

مۇنداي كۇيدەگى قىز-كەلىنشەكتەردى &ldquo؛وسى سەن ۇيدە نە ىستەپ شارشايسىڭ&rdquo؛ دەپ ابايسىزدا ايتىلعان ءسوزدىڭ ءوزى اشۋلاندىرۋى مۇمكىن. ۇيدە وتىرعان ايەل نەدەن شارشايتىنىن تۇرعىنداردان سۇراپ كوردىك.

ەرجان مىرزاباەۆ دەپرەسسياعا شالدىققان ايەلدەر ودان ارىلتۋدىڭ جالعىز امالى جۇمىسقا شىعۋ دەپ تۇسىنبەۋى كەرەكتىگىن اتاپ ءوتتى. ەگەر ايەل ۇيدە بالا كۇتىمىنە بايلانىستى وتىرسا, نارەستەسىن باقشاعا بەرىپ, جۇمىسقا شىعۋعا اسىقپاي, ءوزى مەن ءسابيىنىڭ دەنساۋلىعىنا كوڭىل ءبولۋى كەرەكتىگىن ايتتى.

&ldquo؛بۇل جەردە ايەلگە جارىنىڭ قولداۋى قاجەت. كەيدە ايەل دۇنيەگە بالا اكەلگەننەن كەيىن نارەستەسىنە كوبىرەك كوڭىل ءبولىپ, ەركەك جىراقتا قالىپ, قارىم-قاتىناستا كريزيس ورناپ جاتادى. باتىستىق پسيحولوگتار وسى جەردە ەركەكتەر بار جاۋاپكەرشىلىكتى الىپ, ايەلى مەن بالاسىن قاپسىرا قۇشاپتاپ, كوبىرەك كوڭىل بولسە, كريزيس قارىم-قاتىناستى دامىتىپ, بەرىك ەتە تۇسەتىن مۇمكىندىككە اينالادى دەپ تۇجىرىمدايدى. سوندىقتان ەركەكتەر ايەلىن ايىپتاماي, كەرىسىنشە, ونى تىڭداپ, قولداپ, ءۇي شارۋاسىندا كومەكتەسىپ وتىرعانى دۇرىس&rdquo؛ دەيدى پسيحولوگ. ؛

مامان ۇيدە وتىرۋعا ءماجبۇر قىز-كەلىنشەكتەردىڭ سەرىگۋىنە سپورتپەن شۇعىلدانىپ, اينالىساتىن ەرمەك تابۋ, تەاتر, كونسەرتكە بارىپ, ءتۇرلى ترەنينگ, سەمينارلارعا قاتىسۋ ارقىلى ومىرىنە ارتۇرلىلىك ەنگىزۋ جاقسى كومەكتەسەتىنىن جەتكىزدى. بۇعان ونىڭ جارى بەلسەندى اتسالىسىپ, ءتيىستى جاعداي جاساۋى ماڭىزدى.

"ال ۇيدە وتىرعان ايەل اۋىر كۇيزەلىسكە ۇشىراسا, وندا پسيحولوگتاردىڭ جەكە كونسۋلتاسياسىنا جۇگىنگەنى ءجون" دەيدى ساراپشى.