11 ماۋسىم, 2024 news
قازاقستاننىڭ قاي وڭىرلەرىندە شەگىرتكە قاپتادى
جەرگىلىكتى جەرلەردە جۇمىستى ۇيلەستىرۋ ءۇشىن وبلىس اكىمدەرى ورىنباسارلارىنىڭ باسشىلىعىمەن جەدەل شتابتار قۇرىلدى.
![](/media/2024/06/11/crop-40_14_332x591_zm2.jpeg?width=600&height=480)
كورنەكى سۋرەت
اۋىل شارۋاشىلىعى ءمينيسترى ەربول قاراشوكەەۆ قوستاناي وبلىسىنا شەگىرتكەگە قارسى كۇرەس بويىنشا قابىلدانىپ جاتقان شارالاردى باقىلاۋ ءۇشىن باردى. اقتوبە وبلىسىندا 8 شىلدەدەن باستاپ اۋىل شارۋاشىلىعى ۆيسە-مينيسترى ءابىلحايىر تامابەك ءجۇر, دەپ حابارلايدى. ؛
قوستاناي جانە اقتوبە وبلىستارىندا شەگىرتكەلەردىڭ ەكى ءتۇرى كەڭ تارالعان: ؛يتاليالىق پرۋس جانە ازيالىق شەگىرتكە.
9 شىلدەدەگى جاعداي بويىنشا, قوستاناي وبلىسىندا شەگىرتكەلەردەن ارىلتۋعا جوسپارلانعان 422,9 مىڭ گەكتار جەردىڭ 356 مىڭ گەكتارىنا ؛تيىستى جۇمىستار جۇرگىزىلدى. وبلىستىڭ 10 اۋدانىندا جانە ارقالىق قالاسىندا شەگىرتكەنى جويۋ جۇرگىزىلدى.
اقتوبە وبلىسىنىڭ اۋماعىندا 9 شىلدەدەگى جاعداي بويىنشا 667,865 مىڭ گا جەر, ونىڭ ىشىندە يتاليالىق پرۋسقا قارسى 646,965 مىڭ گا ؛نەمەسە جالپى وڭدەلمەك جەردىڭ 99,97%-ى, ازيالىق شەگىرتكەگە قارسى 20,9 مىڭ گا ؛نەمەسە جالپى وڭدەلمەك جەردىڭ 95,5%-ى ؛وڭدەلگەن.
جەرگىلىكتى جەرلەردە جۇمىستى ۇيلەستىرۋ ءۇشىن وبلىس اكىمدەرى ورىنباسارلارىنىڭ باسشىلىعىمەن جەدەل شتابتار قۇرىلدى.
حيميالىق وڭدەۋلەردى جۇرگىزۋ ءۇشىن قوستاناي وبلىسىندا 9 ؛جەلدەتكىشى بار سەپكىش, 3 ؛ۇشاق, 6 ؛دەلتاپلان, 13 ؛اەروزولدى گاز گەنەراتورى جۇمىلدىرىلدى.
اقتوبە وبلىسىندا 56 ؛ارنايى سەپكىش تەحنيكا, ونىڭ ىشىندە 19 ؛جەلدەتكىشى بار سەپكىش, 19 ؛اەروزولدى گاز گەنەراتورى, 8 ؛اسا جەڭىل اۆياسيا كەمەسى جانە 10 ؛ۇشاق بار.
جالپى رەسپۋبليكا بويىنشا يتاليالىق شەگىرتكەگە قارسى وڭدەۋ 1,2 ملن گەكتارعا ؛نەمەسە 92,3%-عا ؛جۇرگىزىلدى.
جۇمىستار الماتى, اتىراۋ, شىعىس قازاقستان, جامبىل, جەتىسۋ, باتىس قازاقستان, قاراعاندى, قىزىلوردا جانە پاۆلودار وبلىستارىندا تولىق اياقتالدى.
جالپى وڭىرلەر بويىنشا مونيتورينگ جانە ءتيىستى ءىس-شارالار جالعاسۋدا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر