10 ماۋسىم, 2024 news
ورىس ءتىلى جونىندەگى حالىقارالىق ۇيىم قۇرىلادى. ونى كىم قارجىلاندىرادى
ۇيىمعا قازاقستان, قىرعىزستان, وزبەكستان, تاجىكستان, بەلارۋس جانە رەسەي مۇشە بولادى.
كورنەكى سۋرەت
اشىق نقا پورتالىندا "ورىس ءتىلى جونىندەگى حالىقارالىق ۇيىمدى قۇرۋ تۋرالى شارتتى راتيفيكاسيالاۋ تۋرالى" قر زاڭىنىڭ جوباسىن ءماجىلىستىڭ قاراۋىنا ەنگىزۋ تۋرالى ۇكىمەت قاۋلىسىنىڭ جوباسى جاريالاندى. ؛
پورتالدا قاۋلى جوباسىنا قوسىمشا رەتىندە ورىس ءتىلى جونىندەگى حالىقارالىق ۇيىمدى قۇرۋ جونىندەگى شارت بەرىلگەن. بۇل شارتقا قازاقستان, قىرعىزستان, وزبەكستان, تاجىكستان, بەلارۋس جانە رەسەيدىڭ ءبىرىنشى باسشىلارى بيىلعى قاڭتاردا قول قويعان بولاتىن. ؛
شارتتا حالىقارالىق ۇيىمنىڭ قانداي جۇمىستارمەن اينالىساتىنى جانە قالاي قارجىلاندىرىلاتىنى جازىلعان. ؛
اتالعان شارتقا سايكەس, ۇيىم وعان مۇشە ەلدەردىڭ ۇلەستىك جارنالارى مەن ەرىكتى جارنالارى جانە ۇيىم قىزمەتى اياسىندا باعدارلامالاردى جۇزەگە اسىرۋعا بولەتىن قاراجاتى ەسەبىنەن قارجىلاندىرىلادى. ۇلەستىك جارنانىڭ مولشەرى قۇجاتتا ناقتىلانباعان. ؛
ۇيىمنىڭ رەسمي دە جۇمىس ءتىلى &ndash؛ ورىس ءتىلى. ۇيىمدى باس حاتشى باسقاراتىن بولسا, حاتشىلىق رەسەي فەدەراسياسىنىڭ سوچي قالاسىندا ورىن تەبەدى. ؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر