85 جاستاعى قىزىلوردالىق قاريا 2 ميلليون ءتۇپ اعاش ەككەن

قارت باعباننىڭ ەسىمى &mdash؛ بەكتاي سۇلەيمەنوۆ. ول اينالاسىن جاسىل-جەلەك قىلىپ, اعاش وتىرعىزۋدى 12 جاسىندا باستاپتى. كەيىن بۇل ءىسىن كاسىپكە اينالدىرعان. قازىرگە دەيىن ءوزى ەككەن تالدارىنىڭ سانى 2 ميلليونعا جەتىپ جىعىلادى ەكەن.

- قىزىلوردانىڭ توپىراعى تۇزدى. مۇندا اعاش ەكسەڭ ءولىپ قالادى دەيدى كوبى. ءبىراق ول جالقاۋدىڭ ءسوزى. قىلقان جاپىراقتىلاردى 11 جىل بۇرىن ەكتىم. ءقازىر 5 مەترگە دەيىن ءوستى, - ؛دەيدى بەكتاي سۇلەيمەنوۆ.

راسىمەن, سىر ءوڭىرىنىڭ اۋاسى قۇرعاق, توپىراعى تۇزدى بولعاندىقتان كوپشىلىك مۇندا ەككەن اعاشتار بىردەن ءونىپ كەتە بەرمەيدى دەپ ويلايدى. ءبىراق اقساقال مۇنى جوققا شىعارادى. بابىن تاپسا, كەز كەلگەن وسىمدىكتى جەرسىندىرىپ, جايقالتۋعا بولاتىنىن ءايتادى.

قازىر ءوزىم باپتاپ وتىرعان باقتا تالداردىڭ 20 ءتۇرى ءوسىپ تۇر. ونىڭ ىشىندە جەمىس اعاشتارى دا بار. جالپى سانى 2 مىڭ تۇپتەن اسادى. ءتىپتى تروپيكالىق انار اعاشىنان جەمىس الىپ وتىرمىن. تەك ءتاسىلىن ءبىلۋ كەرەك, ەرىنبەۋ كەرەك, - دەيدى قارت باعبان.

بەكتاي سۇلەيمەنوۆ اۋماعى ۇلكەن باقتى ءوزى كۇتىپ, باپتايدى. كومەكشىسى &mdash؛ قۇداي قوسقان قوساعى. ايتسا سەنگىسىز, ءبىراق باعباننىڭ باعىنا كەلىپ تۇرعان سۋ جوق. ول مۇنداعى جايقالىپ تۇرعان اعاشتاردىڭ بارلىعىن ناسوس قوندىرعىسىمەن-اق سۋارىپ وتىر.