جانعا جايلى جاز: دەمالىستى ءتيىمدى وتكىزەيىك

وقۋ جىلى اياقتالعان سوڭ بالالاردىڭ جازعى دەمالىستى اسىعا كۇتۋى ورىندى. الايدا وقۋشىلاردىڭ, جالپى بالالاردىڭ ءۇش اي ۋاقىتتى عالامتوردىڭ تورىنا تۇسپەي, قىزىقتى ءارى پايدالى وتكىزۋى وتە ماڭىزدى. وسى ورايدا الماتى قالاسى بوستاندىق اۋدانىنداعى №3 وقۋشىلار ءۇيى بالالاردىڭ جازعى دەمالىسىن ءتيىمدى وتكىزۋ ءۇشىن جازعى ۋاقىتقا ىڭعايلانعان باعدارلامالار نەگىزىندە ءتۇرلى ۇيىرمەلەرىن جۇرگىزۋدە.

وقۋ باعدارلاماسىمەن قاتار, مەكتەپىشىلىك جازعى لاگەرگە قامتىلعان بالالارعا №3 وقۋشىلار ءۇيىنىڭ ءتۇرلى ۇيىرمەلەرى جەمىستى ەڭبەك ەتۋدە. مىسالى, بۇگىندە مىنا ۇيىرمەلەردىڭ ەسىگى «؛كۇن الەمى»؛ بي ءانسامبلى, «؛اق سۇڭقار»؛ دومبىرا ۇيىرمەسى, «؛تاڭ-شولپان»؛ بەينەلەۋ ونەرى ۇيىرمەسى, «؛شەبەر قولدار»؛ ساندىك-قولدانبالى ونەر ۇيىرمەسى, «؛وريگامي»؛ ۇيىرمەسى مەن كۋبيك رۋبيك ۇيىرمەسى قانشاما بالاعا ەسىگىن ايقارا اشۋدا. سونىمەن قاتار, بۇگىن №63 جالپى ءبىلىم بەرەتىن مەكتەپ بازاسىندا ۇيىمداستىرىلعان مەكتەپىشىلىك جازعى لاگەر اياسىنداعى ۇلكەن شاراعا №3 وقۋشىلار ءۇيىنىڭ ۇيىرمەلەرى 300-گە جۋىق وقۋشىعا قىزمەت ەتتى.

ال, وقىتۋ باعدارلاماسى بويىنشا, ساباق كەستەلەرى نەگىزىندە «؛قازاق ءتىلى»؛ ۇيىرمەسى, «؛رۋسسكيە ۋزورى»؛ ءانسامبلى, «؛اپەلسين»؛ بي ستۋدياسى, «؛ۋسپەح»؛ دامىتۋ مەكتەبى جۇمىستارىن جۇرگىزۋدە. الداعى ۋاقىتتا دا جازعى دەمالىستى ءتيىمدى وتكىزۋ ماقساتىندا وقۋشىلار اراسىندا ءتۇرلى فلەشموبتار, سۋرەت كورمەسى مەن شەبەرلىك ساباقتارى, ويىن-ساۋىق شارالارىن وتكىزۋ جوسپارلانعان.

وقۋشىلار ۇيىندە بالالار قىزىقتى ۋاقىت وتكىزىپ قانا قويماي جاڭا دوستار تاۋىپ, جان-جاقتى دامۋىنا ۇلكەن مۇمكىندىكتەرى بار.

 ؛ەرمەك باقىتبەكۇلى ؛